ဒေါ်လာသန်းပေါင်း ၇၀၀ ကျော်ရရှိနေပြီဖြစ်သော Guardians of the Galaxy Vol. 2 (2017) ရုပ်ရှင်ဇာတ်ကားကြီးကို ရိုက်ကူးခဲ့သည့် ဒါရိုက်တာ ဂျိမ်းစ်ဂန်း၏ ကယ်လီဖိုးနီးယားနေအိမ် ကန်ဒေါ်လာ ၁ ဒသမ ၈၇၅ သန်းဖြင့် ရောင်းထွက်သွားကြောင်း လော့စ်အိန်ဂျလိ အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ဂျိမ်းစ်ဂန်းသည် အမေရိကန်ဇာတ်ညွှန်းရေးဆရာ၊ ဒါရိုက်တာ၊
ထုတ်လုပ်သူ၊ ဝတ္ထုရေးဆရာ၊ သရုပ်ဆောင်၊ ဂီတသမားတစ်ဦး ဖြစ်သည်။
၁၉၉၀ ပြည့်လွန်ကာလများတွင် ဇာတ်ညွှန်းရေးဆရာဘဝကို စတင်ခဲ့ပြီး ရိုမီယိုနှင့် ဂျူးလိယက်၊ စကူးဘီဒူး၊ အစရှိသောဇာတ်ကားများ အပါအဝင် ဇာတ်ကားအများအပြားဇာတ်ညွှန်းရေးခဲ့သည်။
၂၀၀၆ ခုနှစ်တွင် Slither ဇာတ်ကားဖြင့် ဒါရိုက်တာဘဝစတင်ခဲ့ပြီး Guardians of the Galaxy (2014) နှင့် Guardians of the Galaxy Vol. 2 (2017) တို့ ရိုက်ကူးခဲ့သည်။
ရောင်းချလိုက်သည့်နေအိမ်မှာ ၁၉၅၆ ခုနှစ်တွင် ဆောက်လုပ်ခဲ့ခြင်းဖြစ်ပြီး စတုရန်းပေ ၃၈၂၅ အကျယ်အဝန်း ရှိကာ အိပ်ခန်း ၅ ခန်းနှင့် ရေချိုးခန်း ၅ ခန်းပါဝင်သည်။
မှတ်တမ်းများအရ ရောင်းချလိုက်သည့်ဈေးမှာ ခေါ်ဈေးအောက် ကန်ဒေါ်လာ နှစ်သောင်းခန့်သာ လျော့နည်းပြီး ဈေးကွက်တင်ပြီး တစ်လအတွင်း ရောင်းထွက်သွားခြင်းဖြစ်သည်ဟု ဆိုသည်။
မစ္စတာဂန်းသည် ဇနီးဖြစ်သူ ဂျင်းနာ ဖစ်ရှာနှင့် လက်ထပ်ပြီးနောက် ၂၀၀၂ ခုနှစ်တွင် ယင်းနေအိမ်ကို ဝယ်ယူခဲ့ခြင်းဖြစ်ပြီး ဝယ်ယူခဲ့စဉ်က ကန်ဒေါ်လာ ၈၇၅၀၀၀ ပေးခဲ့ရသည်ဖြစ်ရာ ယခုရောင်းချရာတွင် ကန်ဒေါ်လာ တစ်သန်းမြတ်စွန်းခဲ့သည်။
မစ္စတာဂန်းနှင့် ဂျင်းနာ ဖစ်ရှာတို့သည် ၂၀၀၈ ခုနှစ်တွင် ကွာရှင်းပြတ်စဲခဲ့ကြပြီး ဖြစ်သည်။နေအိမ်အတွင်း မီးလင်းဖိုပါ မိသားစုအခန်း၊ ကြမ်းပြင်မှ မျက်နှာကျက်အထိမြင့်မားသည့် စာအုပ်စင်များ ပါဝင်သော စာကြည့်တိုက်၊ အဝတ်အစားထားသိုခန်းနှင့် ရေချိုးခန်းပါ ပင်မအိပ်ခန်းအပြင် အပေါ်ထပ်တွင် အိပ်ခန်း ၄ ခန်းတို့ ပါဝင်သည်။
ခြံဝန်းအတွင်းတွင် ခြံနောက်ဘက်၌ ဘောလုံးကွင်းငယ်တစ်ခုနှင့် ရေကန်တစ်ခု ပါဝင်သည်။
Guardians of the Galaxy (2014) သည် ကမ္ဘာတစ်ဝန်းတွင် ကန်ဒေါ်လာ သန်း ၇၇၀ ကျော် ရရှိခဲ့ပြီး နောက်ဆက်တွဲဇာတ်ကား ဖြစ်သော Guardians of the Galaxy Vol. 2 (2017) သည် အမေရိကတွင် ယခုနှစ်မေလအစောပိုင်း၌ စတင်ပြသခဲ့ပြီး တစ်လတာအတွင်း ကမ္ဘာတစ်ဝန်းတွင် ကန်ဒေါ်လာ သန်း ၇၄၀ ကျော်ရရှိနေပြီ ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
