နှစ်ပေါင်း ၅၀၀ အတွင်း မိုးတစ်စက်မျှ မရွာသွန်းခဲ့သော ကမ္ဘာ့အခြောက်သွေ့ဆုံး သဲကန္တာရ

ရာစုနှစ် ၅ ခုအတွင်း မိုးတစ်ကြိမ်မှ ရွာသွန်းခဲ့ဖူးခြင်းမရှိသော သဲကန္တာရကြီးတစ်ခုရှိနေသည်။

အဆိုပါသဲကန္တာရသည် ကမ္ဘာပေါ်တွင် စံချိန်တင် မိုးအနည်းဆုံးသဲကန္တာရအဖြစ်လည်း ကျော်ကြားသည်။

ထိုသဲကန္တာရမှာ အာတာကာမာ သဲကန္တာရ (Atacama desert) ဟု အမည်ရပြီး ချီလီနိုင်ငံတွင် တည်ရှိသည်။

အာတာကာမာ သဲကန္တာရသည် ကမ္ဘာပေါ်တွင် အခြောက်သွေ့ဆုံး အပူပိုင်းသဲကန္တာရ ဖြစ်သည်။

တောင်အမေရိကတိုက်၏ ပစိဖိတ်သမုဒ္ဒရာ ကမ်းရိုးတလျှောက် မိုင်ပေါင်း ၆၀၀ ကျော် ဖြန့်ကျက် တည်ရှိသည်။

ကမ္ဘာမြေ၏ မြေမျက်နှာသွင်ပြင် အခက်ထန်ဆုံးနေရာများတွင် တစ်ခုအပါအဝင် ဖြစ်သည်။

အာတာကာမာ သဲကန္တာရ၏ အချို့သောနေရာများမှာ သမိုင်းတင်ပြီးခေတ် လူ့သမိုင်းတလျှောက် မိုးရွာသွန်းခဲ့ဖူးခြင်း လုံးဝမရှိခဲ့သောကြောင့် ကမ္ဘာပေါ်ရှိ အခြောက်သွေ့ဆုံးနေရာ ဖြစ်လာခဲ့သည်။

အချို့နေရာများတွင်မူ ရှားရှားပါးပါး မိုးအနည်းငယ်ရွာသွန်းတတ်သည်။

(အာတာကာမာ သဲကန္တာရမှာ အလျား မိုင် ၆၀၀ ခန့်ရှိသည်။ ဓာတ်ပုံ-Getty Images)

မိုးအနည်းငယ်ရွာသွန်းသော နေရာများတွင် မြေသြဇာမရှိသော နေရာများ၌ ရောင်စုံပန်းများ အံ့ဖွယ် ပွင့်ဖူးလာတတ်ကြသည်။

မိုးအနည်းငယ် ရွာသွန်းတတ်သော လများမှာ စက်တင်ဘာနှင့် နိုဝင်ဘာအကြား ဖြစ်သည်။

အလွန်ခြောက်သွေ့ကာ အစိုဓာတ်မရှိသည့်နေရာဖြစ်သောကြောင့် မိုးအနည်းငယ်ရွာလိုက်သည်နှင့် သဲကန္တာရတလျှောက် ပြန့်ကျဲနေသော မြုံနေသည့်မျိုးစေ့များမှာ ရာသီဥတု အပြောင်းအလဲကို ချက်ချင်း တုံ့ပြန်မှု ပေးကြသည်။

အဆိုပါ မျိုးစေ့တို့သည် နှစ်ပေါင်းများစွာ မပျက်မစီးရှိနေနိုင်ပြီး အညှောက်ထွက်၊ အပင်ပေါက်ရန်အတွက် အချိန်ကောင်းကို စောင့်ဆိုင်းနေကြသည်။

မိုးရွာသွန်းမှု အနည်းငယ်ရှိလာသည်နှင့် ချက်ခြင်း အညှောက်ထွက်ကာ အပင်ပေါက်လာ ကြသည်။

ယင်းနောက် ရက်အနည်းငယ်အတွင်း သဲကန္တာရမှာ ရောင်စုံခြယ် ပန်းခင်းကြီးတစ်ခုအဖြစ်သို့ ပြောင်းလဲသွားလေ့ရှိကြောင်း Our Planet က ဖော်ပြသည်။

(အာတာကာမာ သဲကန္တာရ၏ အချို့နေရာများတွင် မိုးရွာသွန်းမှု မရှိသည်မှာ နှစ်ပေါင်း ၅၀၀ ကျော် ရှိခဲ့ပြီ ဖြစ်သည်။ ဓာတ်ပုံ-Getty Images)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The world's 'driest' desert that hasn't seen a drop of rain in 500 years Photo Credit-Getty Images