အမေရိကန်သမ္မတ ဒေါ်နယ်ထရမ့်၏ ကလေးဘဝနေအိမ်တွင် တောကြောင်များ သောင်းကျန်းနေ သောကြောင့် ခေါက်ချိုးခန့် ဈေးလျှော့ရောင်းထုတ်

အမေရိကန်ပြည်၊ နယူးယောက်မြို့ရှိ အမေရိကန်သမ္မတ ဒေါ်နယ်ထရမ့်၏ ကလေးဘဝနေအိမ်မှာ တန်ကြေးအောက် ထက်ဝက်ကျော် နည်းပါးသော ဈေးနှုန်းဖြင့် အရောင်းအဝယ်ဖြစ်သွားသည်။

နောက်ဆုံး ပိုင်ဆိုင်ခဲ့သောအိမ်ရှင်က အဆိုပါအိမ်တွင် တောကြောင်များ သောင်းကျန်းနေသည့်အပြင် နေအိမ်မှာ တစထက်တစ ပျက်စီးယိုယွင်းလာနေသောကြောင့် များစွာဈေးလျှော့ ရောင်းချလိုက်ခြင်း လည်း ဖြစ်သည်။

နယူးယောက်မှ Queens ခရိုင်၊ Jamaica Estates အရပ်တွင် တည်ရှိပြီး တူးဒေါ် ဗိသုကာဟန်ဖြင့် ဆောက်လုပ်ထားသည်။

ဒေါ်နယ်ထရမ့် ကလေးဘဝက အဆိုပါအိမ်တွင် နေထိုင်ခဲ့ခြင်းဖြစ်ပြီး ၄ နှစ်သားအရွယ်အထိ နေထိုင်ခဲ့သည်။

အိမ်ခြံမြေမှတ်တမ်းများအရ အဆိုပါအိမ်ကို နယူးယောက်မြို့၊ ဘရွတ်ကလင်းအရပ်အခြေစိုက် 1388 Group ဟူသော LLC တစ်ခုက ကန်ဒေါ်လာ ၈၃၅၀၀၀ ဖြင့် ဝယ်ယူသွားခြင်းဖြစ်ကြောင်း သိရသည်။

ယခုအိမ်ကို ၂၀၁၇ ခုနှစ်အတွင်းက ကန်ဒေါ်လာ ၂ ဒသမ ၁၄ သန်းဖြင့် အရောင်းအဝယ် လုပ်ခဲ့ဖူးရာ ယခုဈေးနှုန်းမှာ လွန်ခဲ့သော ၈ နှစ်က ဈေးနှုန်းအောက် ထက်ဝက်ပင် မရှိချေ။

ထိုစဉ်က Michael X Tang အမည်ရှိ ရှေ့နေတစ်ဦးက တရုတ်ပြည်မှ ရင်းနှီးမြှုပ်နှံသူများအတွက် ကိုယ်စားဝယ်ယူပေးခဲ့ခြင်းဖြစ်ပြီး ငွေသားဖြင့် ပေးချေခဲ့ခြင်းဖြစ်သည်။

ထရမ့်၏ ကလေးဘဝအိမ်သို့ ဓာတ်ပုံဆရာတစ်ဦး မကြာသေးမီက သွားရောက်ကြည့်ရှုခဲ့ရာ ဆောက်လုပ်ရေးလုပ်သားတို့မှာ ဂရာဖစ်တီပုံများ ဆွဲထားသည့် အမှိုက်ပုံးကြီးထဲသို့ သစ်ပြား များနှင့် အခြားအမှိုက်များ ထည့်နေသည်ကို တွေ့ခဲ့ရသည်။

အိမ်နီးချင်းတစ်ဦးက ပြောသည်မှာ အဆိုပါအိမ်ကို ပြန်လည်မွမ်းမံရန် စီစဉ်နေခြင်းဖြစ်ကြောင်း၊ ပိုင်ရှင်သစ်မှာ အိမ်ခြံမြေဝယ်ရောင်းတစ်ဦးဖြစ်ကြောင်း အလုပ်သမားတစ်ဦးက ပြောပြသည်ဟု ဆိုသည်။

(▲ ယခုအိမ်ကို ထရမ့်၏ ဖခင်ဖြစ်သူ ဖရက်ဒ် စီ ထရမ့်က ဆောက်လုပ်ခဲ့ခြင်းဖြစ်ပြီး ထရမ့်က ၁၉၄၆ ခုနှစ်မှ ၁၉၅၀ ပြည့်နှစ်အထိ နေထိုင်ခဲ့သည်။ ဓာတ်ပုံ-Realtor)

(▲ သမ္မတထရမ့် ၄ နှစ်သားအရွယ်အထိ နေထိုင်ခဲ့သောအိမ်ဖြစ်သည်။ ဓာတ်ပုံ-Facebook/ Donald J.TrumP)

နောက်ဆုံးရောင်းချသွားသည့်ပိုင်ရှင်မှာ ငွေလိုသောကြောင့် ရောင်းချခြင်းဖြစ်ကြောင်း အဆိုပါ အရောင်းအဝယ်ကို သိရှိထားသည့် နီးစပ်သူတစ်ဦးက ပြောသည်။

ဝယိယူသွားသူမှာ နယူးယောက်မြို့၊ ဘရွတ်ကလင်းအရပ် အခြေစိုက် ရှေ့နေတစ်ဦးဖြစ်သူ Jincong Wu ဖြစ်သည်။

၂ ထပ်အိမ်ဖြစ်ပြီး ထရမ့်၏ ဖခင် အိမ်ခြံမြေ developer ဖြစ်သူ Fred C. Trump က ၁၉၄၀ ပြည့်နှစ်တွင် ဆောက်လုပ်ခဲ့သည်။

ယခုအရောင်းအဝယ်မဖြစ်မီက နှစ်ပေါင်းများစွာ စွန့်ပစ်ခံထားရကာ တောကြောင်များ ကျက်စား နေထိုင်လျက်ရှိခဲ့သည်။

(▲ ယခင်ပိုင်ရှင်က ကမ္ဘာလှည့်ခရီးသည်များကို အငှားချကာ အပိုဝင်ငွေရှာခဲ့ဖူးသည်။ ဓာတ်ပုံ-trumpbirthhouse.com)

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။ သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Photo Credit- Facebook/ Donald J.TrumP, Realtor, Alex Wong/ Getty Images, trumpbirthhouse.com