တရုတ်ပြည်တွင် စားသောက်ဆိုင်တစ်ခုက ကြက်ကင်တစ်ခြမ်းကို ယွမ် ၄၈၀ (ကန်ဒေါ်လာ ၆၆) အထိ ကြောက်ခမန်းလိလိဈေးဖြင့် ရောင်းချ၊ ကြက်များကို တေးဂီတ၊ နွားနို့တို့ဖြင့် ကြီးပြင်းစေသောကြောင့် ဈေးကြီးခြင်းဖြစ်သည်ဟုဆို

တရုတ်ပြည် ရှန်ဟိုင်းမြို့တွင် စားသောက်ဆိုင်တစ်ခုသည် ကြက်တစ်ခြမ်းကို ယွမ် ၄၈၀ (၆၆ ဒေါ်လာ) အထိ ကြောက်ခမန်းလိလိ မြင့်မားသောဈေးဖြင့် ရောင်းချလျက်ရှိသည်။

ထိုသို့ ဈေးကြီးရခြင်းမှာ ကြက်များကို တေးဂီတ၊ နွားနို့တို့ဖြင့် မွေးမြူကြီးပြင်းစေသောကြောင့်ဖြစ်သည်ဆို ပြောဆိုမှုအပေါ် တရုတ်ပြည်တွင်း လူမှုကွန်ရက်သုံးစွဲသူတို့က ဝေဖန်လျက်ရှိကြသည်။

Shanghai Club ဟု အမည်ရသော အဆိုပါစားသောက်ဆိုင်၏ customer တစ်ဦးက မတ်လ ၁၄ ရက်တွင် လူမှုကွန်ရက်၌ ဗွီဒီယိုဖိုင်တစ်ခုတင်ခဲ့ရာ ကြည့်ရှုသူ ၄ သန်းကျော် ရှိခဲ့သည်။

ဗွီဒီယိုဖိုင်ရိုက်ကူးသည့် အမျိုးသားက ပြောသည်မှာ ပန်းကန်တစ်ချပ်ပေါ်တင်ထားသည့် ကြက်သားဟင်းလျာ ပွဲငယ်တစ်ခုမှာ ယွမ် ၄၈၀ (၆၆ ဒေါ်လာ) အထိ ပေးရသည်ဟု ဆိုသည်။

အဆိုပါ customer အမျိုးသားမှာ စီးပွားရေးလုပ်ငန်းရှင်၊ influencer တစ်ဦးဖြစ်ပြီး လူမှုကွန်ရက်တွင် follower ၂၇၀၀၀၀ ကျော် ရှိသူဖြစ်သည်။

Shanghai Club မှ ကြက်တစ်ခြမ်း၏ ဈေးနှုန်းကို ထိုအမျိုးသားမှာ တုန်လှုပ်အံ့အားသင့်သွားခဲ့ပြီး စားသောက်ဆိုင် ဝန်ထမ်းကို ခေါ်ယူကာ အဆိုပါကြက်မှာ အမှန်တကယ် ဂီတနားထောင်၊ နွားနို့တိုက်ကာ မွေးမြူထားခြင်း ဟုတ်၊ မဟုတ် မေးမြန်းခဲ့သည်။

(Shanghai Club မှ ကြက်များမှာ နေကြာခင်းများ၏ အလယ်ရှိ မွေးမြူရေးခြံတစ်ခုတွင် မွေးမြူထားခြင်း ဖြစ်သည်။ ဓာတ်ပုံ-ctdsb.net)

ဆိုင်ဝန်ထမ်းက ပြောသည်မှာ ကြက်များကို ထိုအတိုင်းမွေးမြူထားသည်မှာ မှန်ကန်ကြောင်း၊ နေကြာပန်းကြက်ဟု ခေါ်သည့် ရှားပါးမျိုးစိတ်ဖြစ်ကာ တရုတ်ပြည်တောင်ပိုင်း ကွမ်တုံပြည်နယ်ရှိ မွေးမြူရေးခြံတွင် မွေးမြူခြင်းဖြစ်သည်ဟုဆိုသည်။

ထိုကြက်ခြံက အွန်လိုင်းတွင် မိတ်ဆက်ရေးသားထားမှုအရ နေကြာပန်းကြက်ကို နေကြာပင်၏ ရိုးတံများမှ ထုတ်ယူထားသောအဆီနှင့် အပွင့်မအောင်သော နေကြာပန်းတို့ ကျွေးမွေးကာ မွေးမြူထားခြင်းဖြစ်ကြောင်း၊ နေကြာပန်းကိုလည်း စီးပွားဖြစ်ထုတ်လုပ်သည့်ခြံဖြစ်ကြောင်း ဖော်ပြသည်။

ဧကရာဇ်ကြက်ဟုလည်း လူသိများသော ၃ ချက်ဝါကြက်သည် Michelin-starred စားဖိုမှူးတို့ကြား အသုံးများသည်။

နှုတ်သီး၊ အရေပြားနှင့် ခြေထောက် အစရှိသည့် ၃ နေရာ အဝါရောင်ဖြစ်သောကြောင့် ထိုသို့အမည်တွင်ခြင်း ဖြစ်သည်။

၃ ချက်ဝါကြက်ကို ကြက်ကောင်လုံးကင် (သို့မဟုတ်) ကြက်ပေါင်းပြုလုပ်ပါက လျှာရင်းမြက်အောင် အရသာထူးကဲကာ နူးညံ့လှသည်ဟု ဆိုသည်။

(ကြက်ကောင်လုံးဆိုလျှင် တစ်ပွဲလျှင် ဒေါ်လာ ၁၄၀ ခန့်အထိ ပေးရနိုင်သည်။ ဓာတ်ပုံ-ctdsb.net)

နေကြာပန်းကြက်မှာ ဈေးပိုကြီးသည်။

၁ ကီလိုလျှင် ယွမ် ၂၀၀ ကျော် (၂၈ ဒေါ်လာ) အထိ ပေးရသည်ဟု ဆိုသည်။

နေကြာပန်းကြက် ကောင်လုံးပေါင်း (သို့မဟုတ်) ကောင်လုံးကင်ဆိုလျှင် ယွမ် ၁၀၀၀ ကျော် (ဒေါ်လာ ၁၄၀) ခန့်အထိ ပေးရနိုင်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: China restaurant sells half chicken ‘raised on music, milk’ for US$66, triggers online taunts Photo Credit-ctdsb.net