ဒေးဗစ်ဘက်ခမ်း တိုက်တွန်းဆော်သြပေးနေသော လန်ဒန်မြို့ရှိ ပေါင် ၅ သန်းတန် စံအိမ်ကြီးကို ပရဟိတအလှူ အတွက် ကံစမ်းမဲဖြင့် မဲဖောက်ပေးမည့် အစီအစဉ်တွင် ကံထူးသူမှာ စံအိမ်ကြီးအပြင် ငွေသား ပေါင် ၂၅၀,၀၀၀ ပါ ရရှိမည်ဟုဆို

အင်္ဂလန်နိုင်ငံ၊ လန်ဒန်မြို့တော်ရှိ ခမ်းနားထည်ဝါလှသော နေအိမ်တစ်လုံးကို ပရဟိတအလှူအတွက် ကံစမ်းမဲဖြင့် မဲဖောက်ပေးရန် စီစဉ်ထားပြီး အဆိုပါအစီအစဉ်ကို ဒေးဗစ်ဘက်ခမ်းက ဆော်သြထောက်ခံ ပေးမှုများ ပြုလုပ်နေသည်။

Omaze Million Pound House Draw အစီအစဉ်မှ နေအိမ်ကံထူးမည့်သူသည် Victoria Park ကျေးရွာရှိ အိပ်ခန်း ၄ ခန်းပါ နေအိမ်ကို ရရှိမည့်အပြင် ငွေသား ပေါင် ၂၅၀,၀၀၀ လည်း ရရှိမည်ဟု ဆိုသည်။

စိတ်လှုပ်ရှားဖွယ် အဆိုပါကံစမ်းမဲအစီအစဉ်မှာ လန်ဒန်မြို့၏ လေကြောင်းလူနာတင်ယာဉ်ရန်ပုံငွေအတွက် ရည်ရွယ်ခြင်းဖြစ်ပြီး ဒေးဗစ်ဘက်ခမ်းက ထောက်ခံဆော်သြပေးနေသည်။

မဲဖောက်ပေးမည့် luxury စံအိမ်တွင် အားကစားလေ့ကျင့်ခန်းမ၊ ဂိမ်းကစားခန်း၊ spa ၊ ရေပူစိမ်ကန်နှင့် sauna တို့ ပါဝင်သည်။

ဗြိတိန်တွင် ပရဟိတအလှူအတွက် မဲဖောက်ပေးခဲ့သော နေအိမ်များအနက် ယခုအိမ်မှာ ဈေးအကြီးဆုံးဖြစ်ပြီး အကျယ်အဝန်းအားဖြင့် စတုရန်းပေ ၄၇၀၀ ရှိသည်။

(လန်ဒန်မြို့ လေကြောင်းလူနာတင်ယာဉ်ရန်ပုံငွေအတွက်ဖြစ်ပြီး ဒေးဗစ်ဘက်ခမ်းက ထောက်ခံဆော်သြ နေသည်။ ဓာတ်ပုံ-Omaze/ SWNS)

နေအိမ်မှာ တံဆိပ်ခေါင်းခွန်အားလုံးနှင့် အခွန်အခများအားလုံး ပေးဆောင်ထားပြီးဖြစ်သည်။

ကံထူးမည့်သူအနေဖြင့် အခြေချနေထိုင်ရေး အထောက်အကူဖြစ်စေရန် ငွေသား ပေါင် ၂၅၀၀၀၀ လည်း ရရှိမည် ဖြစ်သည်။

ကံထူးသူသည် နေအိမ်တွင် မနေလိုပါက အပိုဝင်ငွေရရန် အငှားချထားနိုင်သကဲ့သို့ ပြန်လည်ရောင်းထုတ်ကာ သန်းကြွယ်သူဌေးလည်း ဖြစ်လာနိုင်သေးသည်။

အကယ်၍ အငှားချထားမည်ဆိုပါက အိမ်လခ တစ်လလျှင် ပေါင် ၁၂၀၀၀ ခန့်ရနိုင်ကြောင်း ဒေသတွင်း အိမ်ခြံမြေအကျိုးဆောင်တို့က ခန့်မှန်းထားသည်။

(ကံထူးသူ ပိုင်ဆိုင်ခွင့်ရမည့် အိပ်ခန်း ၄ ခန်းပါ နေအိမ်။ ဓာတ်ပုံ-Omaze/ SWNS)

(မူရင်း ဝိတိုရိယဗိသုကာဟန် အုတ်လက်ရာတို့ကို ခေတ်ပေါ်ဒီဇိုင်းများဖြင့် ပေါင်းစပ်ပေးထားသည်။ ဓာတ်ပုံ-Omaze/ SWNS)

အိမ်ထဲသို့ ဝင်လိုက်သည်နှင့် မြေညီထပ်ရှိ ဗဟိုခန်းမ ပန်းဥယျာဉ်နှင့် ဧည့်ခန်းတို့က ဆီးကြိုနေမည်ဖြစ်သည်။

မြေညီထပ်တွင် ကျယ်ဝန်းသော ညစာစားခန်း၊ ဧည့်သည်တော်များအတွက် အခန်း၊ အဝတ်လျှော်ခန်းနှင့် သန့်စင်ခန်းတို့ ရှိသည်။

(နေအိမ်တစ်ခုလုံးတွင် ဝက်သစ်ချသား ကြမ်းခင်းများခင်းထားပြီး ကြမ်းပြင်အောက် အပူပေးစနစ်လည်း ရှိသည်။ ဓာတ်ပုံ-Omaze/ SWNS)

(ကံထူးသူသည် နေအိမ်တွင် မနေလိုပါက အပိုဝင်ငွေရရန် အငှားချထားနိုင်သကဲ့သို့ ပြန်လည်ရောင်းထုတ်ကာ သန်းကြွယ်သူဌေးလည်း ဖြစ်လာနိုင်သေးသည်။ ဓာတ်ပုံ-Omaze/ SWNS)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Most expensive Omaze house with £5million has links to England footballing icon Photo Credit- Omaze/ SWNS