ချင်းပြည်နယ်၊ ပလက်ဝမြို့၌ ပလက်ဝစက်မှုဇုန် တည်ထောင်ရန်အတွက် စက်မှုဝန်ကြီးဌာနအနေဖြင့်
စီစဉ်နေကြောင်း ပြည်ထောင်စုဝန်ကြီး ဦးခင်မောင်ချိုက မေလ ၂၅ ရက်နေ့တွင် ပြောကြားလိုက်သည်။
ချင်းပြည်နယ်အတွင်း အရည်အသွေးတိုးမြှင့် ထုတ်လုပ်နိုင်သော
အသေးစားနှင့် အလတ်စားစက်မှုလုပ်ငန်းများ SME ကို ပြန်လည် စိစစ်ပြီး
ချင်းရိုးရာယက်ကန်း ထုတ်ကုန်များ၊ ဂျင်း၊ '၀'ဥ၊
ကော်ဖီ အစရှိသည့် လုပ်ငန်းအသီးသီးက SME လုပ်ငန်းများဖွံ့ဖြိုးစေရန် ရည်ရွယ်ချက်ဖြင့်စက်မှုဇုန်တည်ထောင်ရန် စီစဉ်ရခြင်းဖြစ်ကြောင်း ၄င်းက အမျိုးသားလွှတ်တော်အစည်းအဝေးတွင်ပြောသည်။
“SME လုပ်ငန်းများ ဖွံ့ဖြိုးရေး ရရှိရေးအတွက် ကူညီဆောင်ရွက်ပေးနေတဲ့အခါမှာ နိုင်ငံတကာအဆင့်မီ
ထုပ်ပိုးမှု ပုံစံကအစ အဆင့်မြှင့်တင်ပေးဖို့ လိုအပ်နေတာကို တွေ့ရှိရပါတယ်၊ ဒီလို ဒီဇိုင်းအသစ်အဆန်းများ တီထွင်ဖို့အတွက် လိုအပ်တဲ့ လူ့စွမ်းအားအရင်းအမြစ် ရရှိရေးအတွက်လည်း
ချင်းပြည်နယ်မှာ ပလက်ဝစက်မှုဇုန် တည်ထောင်ဖို့ အစီအစဉ်ရှိပါတယ်” ဟု ပြည်ထောင်စုဝန်ကြီးကပြောသည်။
ထိုသို့ စက်မှုဇုန်တည်ထောင်သည့်အခါ အသေးစားနှင့် အလတ်စားစက်မှုလုပ်ငန်းများ
ဖွံ့ဖြိုးရေးအတွက် မရှိမ ဖြစ်လိုအပ်သော လူ့စွမ်းအားအရင်းအမြစ်များကို လေ့ကျင့်သင်ကြားပေးရန်သက်မွေးသင်တန်းကျောင်းတစ်ခုကို ထည့်သွင်းတည်ဆောက်သွားမည်ဟု ၄င်းက ဆိုသည်။
“ဒီသင်တန်းမှ တစ်ဆင့် ရရှိလာမယ့် ပညာရပ်များ၊ ထုပ်လုပ်မှု
အသီးသီးဟာ မိရိုးဖလာအဆင့်မှနိုင်ငံတကာအဆင့်
အထိတိုးတက်သော ထုတ်ကုန်ပစ္စည်းများ ဖြစ်လာမှာ ဖြစ်တဲ့အတွက်
မိသားစုလုပ်ငန်းများမှ အစပြုပြီးတော့ နိုင်ငံတကာကို တင်ပို့နိုင်တဲ့ အဆင့်ထိရောက်ရှိဖို့အတွက်
စက်မှုဝန်ကြီးဌာနမှ ကူညီပံ့ပိုးပေးသွားမှာ ဖြစ်ပါတယ်” ဟု ဦးခင်မောင်ချိုကပြောသည်။
စက်မှုဇုန်တည်ထောင်ပြီး ထုပ်ပိုးမှုပုံစံအပြင် ဈေးကွက်ရှာဖွေခြင်း လုပ်ငန်းများကိုလည်းကျယ်ကျယ်ပြန့်ပြန့် ဆောင်ရွက်နိုင်ရန် လိုအပ်သည့် ချေးငွေများ ရရှိရေးအတွက်ဆောင်ရွက်နေကြောင်း ၄င်းက ထည့်သွင်းပြောကြားခဲ့သည်။
Credit: Myanmar Times
