ဟောင်ကောင်မှ ကမ္ဘာ့ဈေးအကြီးဆုံးမြေကွက် ဒေါ်လာ ၃ ဘီလျံဖြင့် ရောင်းထွက်

တရုတ်နိုင်ငံပိုင် အထူးအုပ်ချုပ်ခွင့်ရဒေသဖြစ်သည့် ဟောင်ကောင်တွင် အထင်ကရကုန်သွယ်ရေးမြေကွက်ကြီးတစ်ကွက်ကို ဟောင်ကောင်အချမ်းသာဆုံးသူဌေးစာရင်းဝင် သူဌေးကြီး Lee Shau-kee
၏ Henderson Land Developement ကုမ္ပဏီက ဟောင်ကောင်တွင် မကြုံစဖူးစံချိန်တင်မြင့်မားသောဈေးနှုန်း အမေရိကန်ဒေါ်လာ ၃ ဘီလျံဖြင့် ကမ္ဘာ့ဈေးအကြီးဆုံးမြေကွက်အဖြစ် အစိုးရလေလံပွဲတစ်ခု၌ လေလံအောင်ကာ ၀ယ်ယူလိုက်ပြီဖြစ်သည်။

၎င်းမြေအား ဟောင်ကောင်၏ အချမ်းသာဆုံးသူဌေး လီကာရှင်းနှင့် တရုတ်ပြည်မကြီးကုမ္ပဏီတစ်ခုအပါအ၀င် အခြား ၈ ဦးကလည်း Henderson Land နှင့်အပြိုင် လေလံဆွဲခဲ့ကြခြင်းဖြစ်သည်။

လက်ရှိကာလ၌ ငါးထပ်မြင့်သော အထပ်မြင့်ယာဉ်ရပ်နားစခန်းတစ်ခု ရှိသည့် ယင်းမြေတွင် Henderson Land က ရုံးခန်းအဆောက်အအုံ တည်ဆောက်မည်ဖြစ်ပြီး ၂၀၂၂ ခုနှစ်ဝန်းကျင်တွင် ပြီးစီးရန် ခန့်မှန်းထားသည်။

အထက်ဖော်ပြပါဈေးအရ ၁ စတုရန်းမီတာလျှင် အမေရိကန်ဒေါ်လာ ၁ သန်းဝန်းကျင်ရှိပြီး ၂,၈၈၀ စတုရန်းမီတာ ကျယ်ဝန်းသော ၎င်းမြေနေရာသည် ဟောင်ကောင်အလယ်ပိုင်းခရိုင်တွင် ရှိသည့် ရှားပါးမြေဖြစ်ကြောင်း Huarong International Securities မှ ဂျက်ဆန်ဝုန်က ပြောကြားခဲ့သည်။

ထိုမြေအရောင်းအ၀ယ်သည် စံချိန်တင်ကုန်သွယ်ရေးမြေအရောင်းအ၀ယ်တစ်ခုလည်း
ဖြစ်သည့်အပြင် အနာဂတ်ကာလ အရောင်းအ၀ယ်များအတွက် အခြေပြုတိုင်းတာနှိုင်းယှဉ်စရာတစ်ခုလည်း ဖြစ်လာမည် ဖြစ်ကြောင်းလည်း ၀ုန်က ပြောကြားခဲ့သည်။

တရုတ်နိုင်ငံပိုင် အထူးအုပ်ချုပ်ခွင့်ရဒေသဖြစ်သည့် ဟောင်ကောင်တွင် ကုန်သွယ်ရေးနှင့် လူနေအိမ်ခြံမြေဈေးနှုန်းများသည်တရုတ်ပြည်မကြီးမှ ရင်းနှီးမြှုပ်နှံသူများနှင့် developer (မြေယာဝယ်ယူ၍ အဆောက်အအုံဆောက်လုပ်ရောင်းချသူ) များ၏ ငွေအလုံးအရင်း အစုအပြုံလိုက်ဝင်ရောက်မှုကြောင့် မြင့်တက်နေခြင်းဖြစ်ပြီး အစိုးရက ထို developer များနှင့် အလွန်ရင်းနှီးနေခြင်းကြောင့် ဖြစ်သည်ဟုလည်း ဝေဖန်သူများက စွပ်စွဲနေကြသည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com