ရှန်ဟိုင်းအိမ်သစ်ရောင်းအား ဆက်လက်ကျဆင်းသော်လည်း ဈေးနှုန်း မြင့်တက်

အိမ်ဝယ်လက်များနှင့် အိမ်ခြံမြေ developer
(မြေယာဝယ်ယူ၍ အဆောက်အအုံဆောက်လုပ်ရောင်းချရေးကုမ္ပဏီ) များအကြား စောင့်ကြည့်မူဝါဒစွဲကိုင်ခဲ့ကြသဖြင့် ပြီးခဲ့သည့် သီတင်းပတ်က ရှန်ဟိုင်းအိမ်သစ်ရောင်းအား သီတင်းပတ်သုံးပတ်ဆက်တိုက် ကျဆင်းခဲ့သည်။

အစိုးရ မတည်သော တန်ဖိုးနည်းအိမ်ရာများမှအပ မေ ၂၁ (တနင်္ဂ​နွေ) တွင် ကုန်ဆုံးခဲ့သော ပြီးခဲ့သည့် သီတင်းပတ်တွင် ရောင်းချခဲ့ရသော အိမ်သစ်ဧရိယာသည် ၁၂၈,၈၀၀ စတုရန်းမီတာ ရှိခဲ့ပြီး ယင်းမတိုင်မီသီတင်းပတ်အာက် ၁၄ ရာခိုင်​နှုန်း ကျဆင်းခဲ့ကြောင်း ရှန်ဟိုင်းအိမ်ခြံမြေအတိုင်ပင်ခံကုမ္ပဏီ Shanghai Centaline Property Consultants Co က ယခုသီတင်းပတ် တနင်္လာနေ့ (မတ် ၂၂) က အစီရင်ခံစာ ထုတ်ပြန်ခဲ့သည်။

အိမ်သစ်များကိုရောင်းချခဲ့ရသည့်ဈေးနှုန်းမှာမူ ၁ စတုရန်းမီတာလျှင် ပျမ်းမျှ ၅၂,၈၀၅ ယွမ် (အမေရိကန်ဒေါ်လာ ၇,၆၇၂) ရှိခဲ့ကြောင်း၊ ယင်းမတိုင်မီ သီတင်းပတ်ထက် ၈ ဒသမ ၅ ရာခိုင်​နှုန်း မြင့်တက်ခဲ့ကြောင်းလည်း Centaline ၏ အစီရင်ခံစာတွင် ဖော်ပြထားသည်။

မြို့စွန်ရှိ ဆုန်ကျန်းခရိုင်က ခရိုင်အားလုံးအနက် အိမ်သစ်ဧရိယာ ၁၇,၀၀၀ စတုရန်းမီတာ ရောင်းချခဲ့ရမှုဖြင့် အများဆုံးရောင်းချခဲ့ရသည့် ခရိုင်ဖြစ်သည်။

"ဘယ်စီမံကိန်းကမှ အခန်း ၁၀၀ ကျော်အောင် မရောင်းချခဲ့ရတာက ဈေးကွက်တော်တော်လေး အားပျော့ခဲ့တာရဲ့ အထင်ရှားဆုံးပြယုဂ်တစ်ခုပါပဲ" ဟုလည်း Centaline ၏ သုတေသနမန်နေဂျာ လုဝိန်စီက ပြောကြားခဲ့သည်။

ရောင်းလိုအားသစ်ကလည်း အလွန်ကျဆင်းနေသဖြင့် အိမ်သစ်ရောင်းအားသည် ယင်းကဲ့သို့ ဆက်လက်ကျဆင်းနေမည်ဖြစ်ကြောင်းလည်း လုက ခန့်မှန်းခဲ့သည်။

ပြီးခဲ့သည့် သီတင်းပတ်အတွင်း စီမံကိန်း ၂ ခု ဧရိယာအားဖြင့် စတုရန်းမီတာ ၆၆,၀၀၀ သာ ဈေးကွက်ထဲ ဝင်ရောက်ခဲ့ပြီး ယင်းမတိုင်မီသီတင်းပတ်အောက် ၃၉ ရာခိုင်​နှုန်း ကျဆင်းခဲ့ကြောင်း သိရသည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com