၂၀၁၇ မေလဆန်းတွင်ဖြစ်ပွားခဲ့သော ဘဏ်ဂယက်အပြီးတွင် အိမ် ခြံ မြေ ဈေးကွက်အနက် မြေဈေးကွက်မှာ ထူးထူးခြားခြားကောင်မွန်လာကြောင်း ဝါရင့်အကျိုးဆောင်များထံမှ စုံစမ်းသိရှိရသည်။
""ဒီတစ်လောကတော့ အရောင်းအဝယ်ဖြစ်တယ်။ဘာကြောင့်လဲဆိုရင်တော့ တစ်လောတုန်းကထွက်လာတဲ့ ဘဏ်ဂယက်တွေရဲ့နောက်ဆက်တွဲလို့ပြောရမှာပေါ့။အိမ် ခြံ မြေ အရောင်းအဝယ်ကပိုကောင်းလာတယ်။ဒီအထဲမှာမှ မြေဈေးကွက်ကအကောင်းဆုံးပဲ။""ဟု မြန်မာနိုင်ငံအိမ်ခြံမြေ ဝန်ဆောင်မှုအသင်း ဗဟိုမှ တာဝန်ရှိသူတစ်ဦးကပြောပြသည်။
ယင်းကဲ့သို့မြေကွက်များအရောင်းအဝယ်ဖြစ်လျက်ရှိသော်လည်း ဈေးတန်းအမြင့်ဖြင့် အရောင်းအဝယ်ဖြစ်မှုမှာ အားနည်းနေဆဲဖြစ်ကြောင်လည်း စုံစမ်းသိရသည်။ဒဂုံမြို့သစ် တောင်ပိုင်း၊ မြောက်ပိုင်း ၊ အရှေ့နှ င့် ဆိပ်ကမ်းမြို့နယ်များတွင် သိန်း တစ်ထောင်ဝန်းကျင်အဆောက်အဦးမပါ မြေကွက်များမှာ အရောင်းအဝယ်သွက်နေကြောင်းလည်းသိရသည်။
""ဒဂုံလေးမြို့နယ်ထဲမှာမှ မြောက်ဒဂုံမှာဖြစ်တအများဆုံးပဲ။သိန်း တစ်ထောင်စွန်းစွန်းနဲ့၊သိန်းရှစ်ရာပတ်လည်လေးတွေအဝယ်လိုက်တယ်။
အရောင်းအဝယ် ပြန်လိုက်လာတယ်ဆိုပေမယ့် ဈေးကတော့ကျသွားတယ်။နေမယ့်သူတွေဝယ်ကြသလို မြုပ်နှံထားချင်တဲ့သူတွေလည်း မြေဘက်ပြန်လှည့်လာတော့ လက္ခဏာကောင်းတစ်ရပ်လို့ပြောရမှာပေါ့။""ဟု ဒဂုံလေးမြို့နယ်အခြေစိုက်အကျိုးဆောင်လုပ်ငန်းလုပ်ကိုင်နေသည့် အောင်စည်ဟိန်းအကျိုးဆောင်လုပ်ငန်းမှ MD ဖြစ်သူကပြောပြသည်။
မင်းချို မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
