ချင်းပြည်နယ်၊ ဖလမ်းခရိုင်ရှိ ဝေဘူလ ကျေးရွာကို ယခုနှစ်အတွင်း မြို့အဖြစ် သတ်မှတ်နိုင်ရေး ဆောင်ရွက်နိုင်မည်ဖြစ်ကြောင်း ဖလမ်းခရိုင် အထွေထွေ အုပ်ချုပ်ရေးမှူး ဦးမိုးဇော်စိုးက ပြောကြားသည်။
ဝေဘူလကျေးရွာမှာ စစ်ကိုင်းတိုင်းဒေသကြီးမှတစ်ဆင့် ချင်းပြည်နယ် မြောက်ပိုင်းမြို့များသို့ သွားရောက်မည်ဆိုပါက ပထမဆုံး တွေ့ရသည့် ကျေးရွာဖြစ်ကြောင်း၊ ယင်းကျေးရွာတွင် အိမ်ထောင်စု ၁၀၅ စု နေထိုင်ပြီး မြို့အဖြစ် သတ်မှတ်ရေးအတွက် အိမ်ထောင်စု ၄၀ဝ သို့မဟုတ် ၅၀ဝ အထိ ရှိရန် လိုအပ်မည်ဖြစ်ကြောင်း၊ ဝေဘူလ ကျေးရွာကို အိမ်ကွက်သစ်များ ရိုက်ကာ အမှန်တကယ် နေထိုင်သူများကို ချထားပေးမည်ဖြစ်ကြောင်း ၎င်းက ရှင်းပြသည်။
“မြို့အဖြစ် သတ်မှတ်ဖို့ ဆိုတာက လူတွေ လာနေဖို့ လိုတာ၊ လူမနေဘဲနဲ့လည်း လုပ်လို့မရပြန်ဘူး။ မြေကွက် ချထားပေးရာမှာလည်း လာမနေဘဲနဲ့ မြေကွက်ဦးတဲ့အနေနဲ့ လျှောက်ထားတာဆိုရင်လည်း လက်မခံဘူး၊ အမှန်တကယ် လာနေတဲ့သူတွေကို မြေကွက် ချပေးမယ်”ဟု ခရိုင် အုပ်ချုပ်ရေးမှူး ဦးမိုးဇော်စိုးက ပြောကြားသည်။
ဝေဘူလကျေးရွာတွင် လာရောက် နေထိုင်လိုသူများ အနေနှင့် ဖလမ်းမြို့နယ် အထွေထွေ အုပ်ချုပ်ရေးမှူးရုံးတွင် မြေကွက် လာရောက် လျှောက်ထားနိုင်ကြောင်း၊ လျှောက်ထားသူများကို အမှန်တကယ် နေထိုင်မည့်သူ ဟုတ်မဟုတ် စိစစ်ကာ မြေကွက် ချထားပေးမည်ဖြစ်ပြီး မြေကွက် ၅၀ဝ ခန့်ကို ပြင်ဆင်ထားကြောင်း၊ ချင်းပြည်နယ်အစိုးရအဖွဲ့ အသစ် လက်ထက်တွင် စစ်ကိုင်းတိုင်းနှင့် ချင်းပြည်နယ် နယ်နိမိတ်ချင်း ထိစပ်နေသော နေရာဖြစ်သည့် ဖလမ်းခရိုင်ရှိ ခိုင်ကမ်းကျေးရွာကို မြို့အဖြစ် သတ်မှတ်ချထားပေးပြီး ဝေဘူလကျေးရွာကိုလည်း မြို့အဖြစ် သတ်မှတ်ချထားပေးနိုင်ရန် ဆောင်ရွက်နေကြောင်း ၎င်းက ပြောကြားသည်။
လက်ရှိ ချင်းပြည်နယ်တွင် ခိုင်ကမ်း မြို့နယ် အပါအဝင် မြို့နယ် ၁၀ မြို့နယ်ရှိပြီး၊ ဝေဘူလမြို့ ထပ်တိုးပါက မြို့နယ် ၁၁ မြို့နယ်အထိ ရှိလာမည်ဖြစ်သည်။
Credit: The Voice
