လျှပ်စစ်ဓာတ်အား ထုတ်လုပ်ပေးနိုင်သည့် လူသွားစင်္ကြန်ကို ကနေဒါနိုင်ငံမှ ကျောင်းသားအဖွဲ့တစ်ဖွဲ့က ဆောက်လုပ်လိုက်ပြီဖြစ်သည်။
ဘရစ်တစ်ရ်ှကိုလံဘီယာပြည်နယ် ကမ်လု(ပ်)မြို့ရှိ သွန်မ်ဆင်မ်ရစ်ဗာစ်တက္ကသိုလ်တွင် ဆိုလာပြားများ တပ်ဆင်ထားသည့် စတုရန်းပေ ၁,၂၀၀ ရှိသော လူသွားစင်္ကြန်ကို ၎င်းတို့၏ ယခုနှစ်နွေရာသီ
(ဇွန် ၂၁ - စက်တင်ဘာ ၂၁) တွင် ဖွင့်လှစ်တော့မည်ဖြစ်သည်။
ကျောင်း၏ အနုပညာနှင့် ပညာရေးဌာနအဆောက်အအုံအပြင်ဘက်ရှိ ၎င်းစင်္ကြန်သည် တစ်နှစ်လျှင် လျှပ်စစ်ဓာတ်အား ကီလိုဝပ် ၁သောင်းခွဲ သို့မဟုတ် အထိုင်ကွန်ပျူတာအလုံး ၄၀ အား တစ်နေ့လျှင် ၈ နာရီ အသုံးပြုနိုင်သည့် လျှပ်စစ်ဓာတ်အားကို ထုတ်လုပ်ပေးနိုင်ကြောင်း သိရသည်။
ယင်းသွမ်ပ်ဆန်ရစ်ဗာစ်ဆိုလာလမ်းသည် ပထမဆုံးဆိုလာလမ်း မဟုတ်ပေ။ ၂၀၁၄ ခုနှစ်က ပေ ၂၅၀ ရှည်လျားသော ဆိုလာစက်ဘီးလမ်းကို နယ်သာလန်နိုင်ငံတွင် ဖွင့်လှစ်ခဲ့သည်။
ဆိုလာကားလမ်းများကိုလည်း အမေရိကန်အခြေစိုက် Solar Roadways ကုမ္ပဏီက ဆန်းသစ်တည်ဆောက်လျက်ရှိသည်။
ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
