တစ်ချို့ အစိုးရတွေကတော့ သူတို့အားမပေးချင်တဲ့ လုပ်ငန်းတွေ ၊ ဈေးမတရားမြင့်နေတဲ့ လုပ်ငန်းတွေကို အခွန်အတုပ် မြင့်မြင့်မားမား ကောက်ခံပြီး ဈေးကွက်ကို ထိန်းပါတယ်၊ အကျိုးဆက်ကတော့ ဈေးကွက်
မှာ အခွန်မြင့်လို့ ၀ယ်လိုအား ကျပြီး အစိုးရရဲ့ ရည်မှန်ချက်ကို အကောင်အထည်ဖော်စေရာရောက်ပါတယ်၊ဈေးကွက်ရဲ့
အတက်အကျကိုအခွန်စနစ်နဲ့ထိန်းချုပ်ကြတာဖြစ်ပါတယ်။
ဒါပေမယ့် ဖွံ့ဖြိုးဆဲ နိုင်ငံတွေအနေနဲ့ ဖွံ့ဖြိုးပြီး နိုင်ငံတွေမှာ ကောက်နေတဲ့ အခွန်အတုပ် အတိုင်းတော့ သွားကောက်ရင် စီးပွားရေးတွေ ကမောက်ကမ ဖြစ်နိုင်ပါတယ် ၊ လူတစ်ဦးချင်းစီရဲ့ ၀င်ငွေ ၊ အဆင့်အတန်း ၊ ကျန်းမာရေးစောင့်ရှောက်မှု မတူညီကြတဲ့ အပြင် တိုင်ပြည်ရဲ့ တစ်မျိုးသားလုံး ထုတ်ကုန် GDPကလည်း ကွာခြားပါတယ် ၊ ချမ်းသာပြီး လူတစ်ဦးကျ ၀င်ငွေမြင့်မားတဲ့ နိုင်ငံမှာ အစိုးရက အခွန်ကောက်တာက ပြသနာ
မရှိပေမယ့် ဆင်းရဲပြီး ၀င်ငွေနိမ့်ကျတဲ့ နိုင်ငံမှာ အခွန်မြင့်မြင့်မားမား ပမာဏ ကောက်တာကတော့ ဈေးကွက်ကိုဆိုးကျိုးအများကြီးဖြစ်စေပါတယ်။ ။
မူဝါဒ ချမှတ်သူတွေကလည်း အခွန်စနစ်ကို လက်နက်တစ်မျိုးလို အသုံးချကြတာဖြစ်ပါတယ် ၊ မသမာတဲ့ သူတွေ ၀င်ငွေရပေါက်ရလမ်း မပြနိုင်တဲ့ လူချမ်းသာတွေ အတွက် ဒီ အခွန်လက်နက်က ဘယ်လောက်ပမာဏ ဖြစ်ဖြစ် မထောင်းသာပေမယ့် ၀င်ငွေနည်းပြီး
မရှိရှိတာ ရှာကြံရောင်းချပြီး ဖန်တီးရတဲ့ လူတွေ အတွက်ကြီးမားတဲ့ ၀န်ထုပ်ဝန်ပိုးတစ်ခုဖြစ်စေပါတယ်။
အခွန်အကောက်ဆိုတာ လူသားတိုင်း နဲ့ ပက်သက်ပါတယ် ၊
တစ်နည်းမဟုတ် တစ်နည်း ကျွန်တော်တို့က အခွန်တွေကို ပေးနေရတာဖြစ်ပါတယ် ၊ အခွန်ကောက်ခံ နိုင်မှဘဲ နိုင်ငံတော်က တည်ဆောက်ရေး ၊ အုပ်ချုပ်ရေး ၊ စီမံခန့်ခွဲမှုတွေကို လုပ်နိုင်တာဖြစ်ပါတယ် ၊ အခွန်စနစ် နဲ့
ပက်သက်ပြီး မျှတတဲ့ ကောက်ခံမှုမှသာ တိုင်းပြည်တွေ ၊နိုင်ငံတွေ ဟန်ချက်ညီညီ တိုးတက်လာစေမှာဖြစ်ပါတယ် ၊ ဒါက သီအိုရီပါ ။
သြစတြေးလျ ဆောက်လုပ်ရေး ကုမ္မဏီတစ်ခုက ပြည်တွင်းမှာ သူဆောက်ထားတဲ့ လုံးချင်းအိမ်ကလေးတွေကို လာရောင်းတဲ့ပွဲမှာ သူတို့နိုင်ငံမှာ အိမ်ခြံမြေ ၀ယ်ရင် အခွန်ရှစ်ရာခိုင် နှုန်းဘဲပေးရတယ့် အပြင် အမည်ပေါက်လည်း ရတယ်လို့ ပြောသွားပါတယ် ၊
ချမ်းသာတဲ့ နိုင်ငံမှာ အခွန်ရှစ်ရာခိုင်နှုန်းဘဲ ကောက်တဲ့ အချိန်မှာ ကျွန်တော်တို့လို ဖွံ့ဖြိုးဆဲလို့ ပြောနေတဲ့ နိုင်ငံက အခွန် ရာခိုင်နှုန်း ၃၀
( တံဆိပ်ခေါင်းခွန် အပါအ၀င် ၇ ရာခိုင်နှုန်း ) ကိုပါ ထပ်ပေါင်းလိုက်ရင် ၃၇ ရာခိုင်နှုန်းကောက်တဲ့ ကိစ္စကတော့ နည်းနည်းလေး ပြန်စဉ်းစားဖို့ လိုတယ်လို့ မြင်ပါတယ် ။
ဒါတောင် သြဇီရဲ့ တတိယ မြို့တော်အနားက ပေ ၈၀ ပတ်လည် တစ်ထပ်တိုက်လုံးချင်းအိမ် ရောင်းဈေးက မြန်မာငွေနဲ့ တွက်ရင် သိန်း ၆၀၀၀ လောက်ဘဲ ရှိပြီး အရစ်ကျ ၀ယ်လို့ ရပါသေးတယ် ။ ပြောချင်တာကတော့ လက်ရှိ မြန်မာပြည်မှာကောက်နေတဲ အိမ်ခြံမြေ အခွန်က အရမ်းများနေတဲ့ အတွက် ၀ယ်မယ့် သူတွေ ရှိပေမယ့် မ၀ယ်ရဲကြပါဘူး ၊ ရောင်းမယ့် လူတွေ များပြီး ဈေးကွက်ကလည်းတန့်နေပါတယ် ။
အိမ်ခြံမြေ နဲ့ ဆောက်လုပ်ရေး လုပ်ငန်းတွေ ပြန်လည်လည်ပတ်
အသက်ဝင်ဖို့ အခွန်ကောက်နေတဲ့ ပမာဏ လျှော့ပေးဖို့ လုပ်ငန်းရှင်တွေ အသင်းအဖွဲ့တွေက တင်ပြကြပေမယ့်လည်း အခုအချိန်အထိ
ထူးမခြားနား ဇာတ်လမ်းကနေ အဆင့်ကို မတက်နိုင်သေးပါဘူး ။
အကျိုးဆက်ကတော့ ၀ယ်မယ့်လူကလည်းအခွန်ကြောက်လို့ မ၀ယ်ရဲသလို ရောင်းမယ့် သူကလည်း ဆောက်ထားတဲ့ တိုက်တွေ ၊ ၀ယ်ထားတဲ့ မြေကွက်တွေပိုက်ပြီး ဒုက္ခနဲ့ လှလှ တွေ့ကြတာဖြစ်ပါတယ် ၊ အကျိုးဆက်ကတော့ အောက်ဈေးနှိုက်တဲ့ လူတွေ ၊ အပေါင်ခံတဲ့ လူတွေ အလုပ်ဖြစ်ကြသလို အခွန်ဆောင်ရမှာ စိုးလို့ နာမည်မပြောင်းဘဲ ဟိုလိုလို ဒီလိုလို လက်တစ်လုံးခြား လုပ်လို့ရသမျှ နည်းအကုန်လုပ်လာတာကြောင့် အစိုးရအတွက်လည်း အခွန်မရပါဘူး။
အမြတ်နည်းနည်း နဲ့ အရေအတွက်များများ ရောင်းတဲ့ တရုတ်လူမျိုးတွေရဲ့ နည်းစနစ် အတိုင်း အခွန်အကောက်စနစ်ကို ပြန်လည်ပြင်ဆင်ပေးဖို့လိုပါတယ် ၊ အခွန်အကောက်ကို လျှော့ကောက်မယ် ၊ လူထုကို အခွန်နဲ့ ပက်သက်ပြိးနားလည်အောင်ရှင်းပြမယ် ၊ လူတွေ အခွန်ပေးချင်လာအောင် တွန်းအားပေးမယ် ဆိုရင် ရောင်းတိုင်းဝယ်တိုင်းမှာ နိုင်ငံတော်လည်းအခွန်ရမှာဖြစ်သလို လုပ်ငန်းရှင်တွေလည်း ငွေလည်ပတ်သွားမှာဖြစ်ပါတယ် ၊။ အကျိုးဆက်ကဆောက်လုပ်ရေး လုပ်ငန်းတွေ ၊ အိမ်ခြံမြေ လုပ်ငန်းတွေမှာဒီထက်ပိုပြီး ရင်းနှီးမြုပ်နှံလာကြလို့ အလုပ်သမား ထောင်သောင်းနဲ့ ချီပြီးလည်း အလုပ်ဖြစ်လာမှာဖြစ်ပါတယ် ။
ဖွံ့ဖြိုးပြီး နိုင်ငံတွေ မဆိုထားနဲ့ အိမ်နီးချင်း နိုင်ငံတွေနဲ့ ယှဉ်ရင်တောင် မြန်မာလုပ်ငန်းရှင် အများစုတွေက အရင်းအနှီး ၊ ဓနအင်းအား နည်းကြပါတယ် ၊ တစ်ချို့ လုပ်ငန်းရှင်တွေဆို မရှိရှိတာ စုဆောင်းပြီး တိုက်တစ်လုံးဆောက် ၊ အဲဒိတိုက်ရောင်းပြိး ပြန်ရမယ့် ငွေနဲ့ မှ နောက်ထပ် တစ်လုံးကို ဆက်ဆောက်ကြတဲ့ လူတွေ များပါတယ် ၊ လုပ်ငန်းတွေ မလည်ပတ်လို့ ဂျမ်းဖြစ်နေတဲ့ ဆောက်လုပ်ရေး လုပ်ငန်းတွေကလည်း အခုအချိန်မှာ မရေမတွက်နိုင်လောက်အောင်များပါတယ် ။
အခွန်အကောက်လည်း လျှော့မယ် ၊ ကွန်ဒိုနည်းဥပဒေ နဲ့ အဆောက်အအုံဆိုင်ရာ apartment law တွေပါ ထပ်ထွတ်လာမယ်ဆိုရင် ရပ်တန့်နေတဲ့ အိမ်ခြံမြေ နဲ့ ဆောက်လုပ်ရေး လုပ်ငန်းတွေ ပြန်လည်ရှင်သန်နိုးထလာမှာဖြစ်ပါတယ် ၊ ဒါတောင် နှစ်နှစ်ကျော် သုံးနှစ်နီးပါး အခြေအနေမကောင်းလို့ လုပ်ငန်းတွေ နားထားရတဲ့ အတွက် အရင်လို အရှိန်ပြန်ရဖို့တောင် လုပ်ငန်းရှင်တွေ တော်တော်လေး ရုန်းကန်ရမှာဖြစ်ပါတယ် ။ နိုင်ငံခြားသားဆောက်လုပ်ရေး လုပ်ငန်းရှင်တစ်ချို့ကတောင် ရီသလို မောသလိုနဲ့ ပြေတာကြားဖူးပါတယ် ၊ မြန်မာပြည်မှာ စီးပွားရေး လုပ်တက်ရင် တကမ္ဘာလုံး မှာ အလုပ်လုပ်လို့ရပြီလို့တောင်ပြောလာကြပါပြီ။
အိမ်ခြံမြေ ဈေးတွေ မဟားတရားတက်လို့ အခွန်တွေကိုတိုးကောက်ရပါတယ်ဆိုတဲ့ အကြောင်းပြချက်ကလည်းအလုံးစုံတော့ မမှန်နိုင်ဘူးလို့ ပညာရှင်တွေက သုံးသပ်ကြပါတယ် ၊ အရင်အစိုးရလက်ထက် ၀န်ကြီးတစ်ပါးက အိမ်ခြံမြေဈေးတွေကို ကားဈေးတွေလို ထိုးကျအောင် လုပ်မယ်လို့ ကြုံးဝါးဖူးတာ စာစောင်တွေမှာဖတ်ဖူးပါတယ် ၊ အိမ်ခြံမြေ နဲ့ ကားလုပ်ငန်းတွေနဲ့ သဘောသဘာဝ မတူညီသလို လည်ပတ်ပုံနည်းစနစ်လည်း မတူကြပါဘူး ၊ ကားက ပြည်ပကနေ ကြို့သလောက်သွင်းလို့ရတဲ့ အတွက် ကားသွင်းတိုင်းအစိုးရက အခွန်ရသလို ပြည်တွင်းမှာလည်း ကားဈေးတွေ ကျသွားတာ အားလုံးအသိဘဲဖြစ်ပါတယ် ၊ အိမ်ခြံမြေ လုပ်ငန်းမှာကျတော့ မြေဆိုတဲ့အတိုင်း ကားတွေလို ထပ်တိုးချဲ့ဖို့ဆိုတာ မလွယ်ပါဘူး ၊ ဒါတောင် နောက်က အခြေခံ အဆောက်အအုံကို အပြည့်အစုံ လိုက်ထည့်နိုင်ဖို့ အင်မတန် ကြီးမားတဲ့ ငွေပမာဏကို ရင်းနှီးမြုပ်နှံထားရမှာဖြစ်ပါတယ်။
ဒီမိုကရေစီ နိုင်ငံဖြစ်လာတဲ့ အတွက်လည်း အရင်အစိုးရ ခေတ်တွေကလို တွေ့ကရာ လယ်ကွင်း လက်ညိုးထိုးပြီး သိမ်းပြီး မြို့သစ်တည်ဖို့ ဆိုတာ ပိုပြီးတော့တောင် ခက်ခဲပါတယ် ။
အိမ်ခြံမြေ ဈေးကျအောင် ဖြေရှင်းစရာနည်းလမ်းတွေကလည်း ရှိပါတယ် ၊ အထပ်တွေကို အမြင့်ဆောက်မလား ၊ မြို့သစ်တွေချဲ့မယ်ဆိုရင်လည်း လယ်သမား တွေနဲ့ညှိလို့အဆင်ပြေရင် ရန်ကုန်ပတ်လည်မှာ
မြေဧက သိန်းနဲ့ ချီ အဆင်သင့်ရှိပါတယ် ၊ ဒါပေမယ့် အမှန်တကယ်လူနေထိုင်နိုင်တဲ့
အခြေခံ အဆောက်အအုံတွေကိုပါ တစ်ပါတည်းထည့်သွင်း
တည်ဆောက်ပေးမှ လူတွေသွားရောက်နေထိုင်ကြမှာဖြစ်ပါတယ် ၊ ဒါဆိုရင် အခြေခံအဆောက်အအုံ နည်းနည်းလေးကို
မှီခို အရောင်းအ၀ယ်လုပ်နေကြရလို့ မဟားတရားဈေးမြုင့်နေတဲ့ ပြည်တွင်းအိမ်ခြံမြေ ဈေးတွေလည်း အတိုင်းအတာတစ်ခု အထိ ကျဆင်းသွားမှာ သေချာပါတယ် ။ ဒါ့အပြင် လုပ်ငန်းရှင်တွေ အတွက် ရင်းနှီးမြုပ်နှံနိုင်မယ့် နယ်ပယ်ကို လည်း ထပ်ချဲ့ဖို့လိုပါတယ် ၊ ရွှေ ၊ ဒေါ်လာ ၊ မြေ နဲ့ စတော့ အနည်းငယ်လောက်ဘဲ ကစားကွက်ရှိတဲ့ အခြေအနေကနေ ကစားကွက်အသစ်အဆန်းတွေကို ဖန်းတီးပေးဖို့လိုပါပြီ ၊ ဒါမှလည်း မလိုအပ်ဘဲ နယ်ပယ်ကျဉ်းကျဉ်းမှာ စုပြုံရင်းနှီးမြုပ်နှံကြတဲ့ အန္တာရယ်ကနေ ကင်းလွတ်မှာဖြစ်ပါတယ် ။
အိမ်ခြံမြေ နဲ့ ဆောက်လုပ်ရေး လုပ်ငန်းတွေ မကောင်းလို့ အစိုးရလည်းအခွန်မရ ၊ လုပ်ငန်းရှင်လည်း ငွေကျပ် ၊ အလုပ်သမားလည်း ဒုက္ခေ၇ာက်တဲ့ သုံးဦးသုံးဖလှယ် ဒုက္ခဖြစ်ကြပါတယ် ။ ဖွံ့ဖြိုးပြီး နိုင်ငံတွေကလို လုပ်ငန်းရှင်က project ပြပြီး အလွယ်တကူ ဘဏ်က ချေးငွေရတယ့် အဆင့်ကို ချက်ခြင်း မရောက်နိုင်ဘူးဆိုတာ လည်းအားလုံးကနားလည်ထားကြပါတယ် ၊ နှစ်ပေါင်းများစွာ ပျက်စီးခဲ့ရတဲ့ တိုင်းပြည်ကို အသစ်တဖန် ပြန်လည်တည်ဆောက်ရတဲ့ အစိုးရ အတွက်လည်း အလုပ်များမှန်း အားလုံးက သိကြပါတယ် ၊ ဒါကြောင့်လည် အစိုးရလည်း အခွန်ရ ၊ လုပ်ငန်းရှင်ကော အလုပ်သမားတွေပါ အားလုံး အဆင်ပြေနိ်ုင်ဖို့ အတွက် ဈေးကွက်ကို အင်ဂျက်ရှင်းလို့ ခေါ်တဲ့အားဆေးလေးတော့ ထိုးဖို့ အချိန်ရောက်ပါပြီ။
ကိုချစ်ခင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
