ကမ္ဘာ့ရွှေဈေးကြောင့် ဒေါ်လာဈေး အတက်၊ အကျ အနည်းငယ်ဖြစ်

ကမ္ဘာ့ရွှေဈေး အ ပြောင်းအလဲများခြင်းကြောင့် ပြင်ပဈေးကွက်တွင် ကန်ေ ဒ်ါလာ တန်ဖိုးတစ်ဒေါ်လာလျှင် ၁၄ ကျပ် ခန့် ဈေးနှုန်း အပြောင်းအလဲဖြစ် ခဲ့ကြောင်း သတင်းရရှိသည်။

နှစ်သစ်ကူးသင်္ကြန်ပွဲတော် အပြီး လုပ်ငန်းလည်ပတ်မှု ပုံမှန် အခြေအနေမျိုး မရှိသေးခြင်းကြောင့် ပြည်ပသို့ ငွေလွှဲပေးပို့မှု လျော့နည်း၍ ပြင်ပဈေးကွက်တွင် ဒေါ်လာတန်ဖိုး ၁,၃၅၀ ကျပ်ခန့်၌သာ အပြောင်းအလဲ အနည်းငယ်သာ ရှိသည်ဟု ပြင်ပငွေကြေးဈေးကွက် ၀န်ဆောင်မှု လုပ်ကိုင်နေသူ တစ်ဦးက ၎င်း၏ အမြင်ကို ပြောသည်။ ဧပြီ နောက်ဆုံးပတ်တွင် ပြင်ပဈေးကွက်၌ ကန်ဒေါ်လာ တန်ဖိုးဈေးနှုန်း အပြောင်းအလဲ သည် ၂၆ ရက်တစ်ရက်တည်း သာ တစ်ဒေါ်လာလျှင် ခြောက်ကျပ်ခန့် ရုတ်တရက် အပြောင်းအလဲ ဖြစ်ခဲ့ ပြီးနောက် ပြန်လည် ကျဆင်းခဲ့သည်။

ဧပြီ ၂၄ ရက်တွင် ပြင်ပဈေး ကွက်၌ တစ်ဒေါ်လာလျှင် ၁,၃၄၈ ကျပ်ဝန်း ကျင် ဈေးဖွင့်ခဲ့၍ ၂၆ ရက်တွင် ၁,၃၆၂ ကျပ်သို့ မြင့် တက်ကာ ဧပြီ ၂၈ ရက် ၌ ၁,၃၅၂ ကျပ်သို့ပြန်လည်ကျဆင်းခဲ့သည်။

ပြင်ပ ဈေးကွက်များတွင် ဒေါ်လာဈေးနှုန်း ကျဆင်းလာ သော်လည်း ဗဟိုဘ ဏ်၏ ရည် ညွှန်းငွေလဲနှုန်းက ဧပြီ ၂၈ ရက် က တစ်ဒေါ်လာလျှင် ၁,၃၅၈ ကျပ် သတ်မှတ်သည်။

ဧပြီနောက်ဆုံးပတ် ဧပြီ ၂၄ ရက်တွင် ကမ္ဘာ့ရွှေဈေးသည် တစ် အောင်စလျှင် ကန်ဒေါ်လာ၁,၂၇၃ ၀န်းကျင်ဈေးရှိ၍ ပြည်တွင်းရွှေဈေးက ကျပ်ကိုးသိန်း တစ်သောင်းခန့် ဈေးမြင့်တက်ခဲ့သည်။ ထို့နောက် ကမ္ဘာ့ရွှေဈေး ဆက်တိုက် ကျဆင်းလာ၍ ဧပြီ ၂၈ ရက်တွင် တစ်အောင်စလျှင် ၁,၂၆၅ ဒေါ်လာသို့ ကျ ဆင်းကာ ပြည်တွင်းရွှေဈေးက ကျပ်ကိုးသိန်း ခုနစ်ထောင် ၀န်းကျင် ဈေး ရှိခဲ့သည်။

‘‘ကမ္ဘာ့ရွှေဈေးကမောက်က မကြောင့် ပြည်တွင်းငွေဈေးက မတည် မ ငြိမ် ဖြစ်လာတာပါ’’ ဟု ပြည်ပပို့ကုန်လုပ်ငန်းရှင် ဦးမျိုးသူ ရအေးက ပြော သည်။


Credit: 7DayDaily