သြစတေးလျနိုင်ငံ၊ ဆစ်ဒနီမြို့ကြီးတွင် ၁၉၄၂ ခုနှစ်အတွင်းက ပေါင် ၁၀၀၀ ဖြင့် ဝယ်ယူခဲ့သည့် နေအိမ်ကို ၇၅ နှစ်ကြာနေထိုင်ခဲ့ပြီး နောက် ကန်ဒေါ်လာ တစ်သန်းခွဲကျော်ဖြင့် အရောင်းဈေးကွက်ဝင်လာခဲ့ကြောင်း သြစတေးလျအခြေစိုက် အိမ်ခြံမြေ သတင်း ဝက်ဘ်ဆိုက်တစ်ခုတွင် ဖော်ပြသည်။
ရောင်းချမည့်သူမှာ မာရီယာဖစ်တန်အမည်ရှိ အသက် ၇၂ နှစ်အရွယ် အဘွားအိုတစ်ဦးဖြစ်ပြီး သူ၏မိဘများဖြစ်သည့် ရွန်နှင့် ဘက်တီ ရီလီတို့က ၁၉၄၂ ခုနှစ်တွင် ပေါင် ၁၀၀၀ ဖြင့် ဝယ်ယူခဲ့ခြင်းဖြစ်သည်။
နေအိမ်တည်ရှိရာမှာ ဆစ်ဒနီမြို့၊ ဝေါလေ့စ်လမ်း၊ အမှတ် ၂၀ တွင်ဖြစ်ပြီး မာရီယာဖစ်တန်မှာ ဤနေအိမ်တွင်ပင် ကြီးပြင်းခဲ့သည့်နည်းတူ သားနှစ်ဦးမှာလည်း ယင်းနေအိမ်တွင်ပင် ကြီးပြင်းခဲ့ကြသည်။
မာရီယာဖစ်တန်၏ ဖခင်သည် အသက် ၉၈ နှစ်အရွယ်တွင် ယခုနှစ် ဇန်နဝါရီလ၌ ကွယ်လွန်ခဲ့ပြီးနောက်ပိုင်း နေအိမ်ကို ရောင်းချရန် ဆုံးဖြတ်လိုက်ကြခြင်းဖြစ်သည်။
“ဒီအိမ်ကြီးမှာ ကျွန်မတို့မိသားစုဟာ မျိုးဆက် ၃ ဆက် နေထိုင်ခဲ့ကြပါတယ်” ဟု မစ္စက် ဖစ်တန်က ဝမ်းနည်းစွာ ပြောကြားသည်။
“ကျွန်မရဲ့ သား ၂ ယောက်ကလည်း ၁၀ နှစ်သားအရွယ်အထိ ဒီအိမ်ကြီးမှာ နေထိုင်ခဲ့ဖူးကြတာကြောင့် သူတို့မှာလည်း လွမ်းဆွတ်သတိရစရာတွေ ပြည့်နှက်နေပါတယ်။ ဒီအိမ်ကြီးကို ရောင်းလိုက်ရတာ သိပ်ဝမ်းနည်းစရာပါပဲ။ ဒါပေမယ့်လည်း အမြဲတမ်းသော့ခတ်ချိတ်ပိတ်ထားဖို့ဆိုတာ မဖြစ်နိုင်ပါဘူး” ဟု မစ္စက် ဖစ်တန်က ဆက်လက်ပြောကြားသည်။
ယင်းနေအိမ်၏ ခေါ်ဈေးမှာ ကန်ဒေါ်လာ ၁ ဒသမ ၆၅ သန်းဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
