ကနေဒါတွင် ပြည်ပအိမ်ခြံမြေဝယ်လက်တို့အား အခွန် ၁၅ ရာခိုင်နှုန်းကောက်ခံတော့မည်

ကနေဒါနိုင်ငံ၏ အကြီးမားဆုံးမြို့ဖြစ်သော တိုရွန်တိုတွင် ပြည်ပအိမ်ခြံမြေဝယ်လက်တို့ကို အခွန် ၁၅ ရာခိုင်နှုန်းကောက်ခံမည့် ဥပဒေတစ်ရပ်ကို အွန်တေရီယိုပြည်နယ် အုပ်ချုပ်ရေးအဖွဲ့က တင်သွင်းထားပြီဖြစ်ပြီး အိမ်ခြံမြေဈေးကွက်ငြိမ်စေရန် ရည်ရွယ်ကြောင်း ဟောင်ကောင်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

အွန်တေရီယိုပြည်နယ်ဝန်ကြီးချုပ် ကာ့သ်လင်း ဝိန်းက ထုတ်ဖော်ကြေညာခဲ့ခြင်းဖြစ်သည်။
အဆိုပါအကောက်ခွန်မှာ ရွှေ့ပြောင်းအခြေချသူတို့ကို ရည်ရွယ်ခြင်းမဟုတ်ကြောင်းလည်း ဝိန်းက ဆိုသည်။

“မိသားစုတစ်ခု ထူထောင်ဖို့ ရည်ရွယ်တဲ့သူတွေကို ကျွန်မတို့ ပစ်မှတ်မထားပါဘူး။ အမြတ်အစွန်းရဖို့သက်သက် အိမ်ခြံမြေတွေ
ဝယ်ပြီး ဈေးကစားနေတဲ့သူတွေကို ရည်ရွယ်တာဖြစ်ပါတယ်”ဟု သူမက ပြောကြားသည်။

တိုရွန်တိုမြို့တွင်းရှိ လုံးချင်းအိမ်တစ်လုံး၏ ပျှမ်းမျှဈေးနှုန်းမှာ ကနေဒါဒေါ်လာ ၁ ဒသမ ၂၁ သန်း (ကန်ဒေါ်လာ ၉၀၀၀၀၀) အထိ ဈေးပေါက်နေသည်။
တိုရွန်တို အိမ်ခြံမြေဈေးကွက်သည် တစ်နှစ်အတွင်း ၃၃ ရာခိုင်နှုန်းအထိ မြင့်တက်သွားခြင်းကြောင့် ဈေးနှုန်းများငြိမ်သက်မှုရှိစေရေး အတွက် အစိုးရမှ ဝင်ရောက်စွက်ဖက်ရန် လိုအပ်လာကြောင်း ဝိန်းက ပြောကြားသည်။

နိုင်ငံသားမဟုတ်သူများ၊ ကနေဒါတွင် အမြဲအခြေချနေထိုင်ခြင်းမရှိသူများ
ကို အခွန်ကောက်ခံရန် ရည်ရွယ်ထားခြင်း ဖြစ်သည်။
CIBC World Markets မှ လက်ထောက်စီးပွားရေးပညာရှင် ဘင်ဂျမင် တာလ်က ပြောကြားရာတွင် ပြည်ပဝယ်လက်အကောက်ခွန်မှာ မှန်ကန်သည့်ခြေလှမ်းတစ်ရပ်ဖြစ်ကြောင်း၊ သို့ရာတွင် တိုရွန်တို၏ ပြည်ပဝယ်လက် ပမာဏမှာ ဗန်ကူးဗားနှင့်နှိုင်းယှဉ်လျှင် နည်းပါးလှသောကြောင့် ဆိုးကျိုးထိခိုက်မှုများရှိလာနိုင်သည်ကို သုံးသပ်ရန်လိုကြောင်း ပြောကြားသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)