ပြီးခဲ့သည့်လက ရှန်ဟိုင်းကြိုပွိုင့်အိမ်ဈေးကွက် တစ်စုံတစ်ရာမြင့်တက်ခဲ့

တရုတ်နိုင်ငံ ရှန်ဟိုင်းမြို့တွင် ပြီးခဲ့သည့်လ (မတ်) က ကြိုပွိုင့် အိမ်ရောင်းအားသည် နှစ်ဆကျော်မြင့်တက်ခဲ့သည်။ ရောင်းအားနည်းနေကျ ရာသီကုန်ဆုံးပြီးနောက် ကြိုပွိုင့်အိမ်ဈေးကွက် တစ်စုံတစ်ရာပြန်လည်မြင့်တက်လာခြင်းဖြစ်သည်။

မြို့တစ်ဝန်း ယခုနှစ်မတ်လအတွင်း ကြိုပွိုင့်အိမ်ခန်း ၁၉၄၀၀ ရောင်းချခဲ့ရကြောင်း၊ ၉၄၀၀ရောင်းချခဲ့ရသည့် ဖေဖော်ဝါရီလကထက် နှစ်ဆကျော်မြင့် တက်လာခြင်းဖြစ်ကြောင်း
ရှန်ဟိုင်းအိမ်ခြံမြေ အကျိုးဆောင်ကုမ္ပဏီ Shanghai Homelink Real Estate AgencyCo. က တမြန်နေ့ (ဧပြီ ၁၀) တွင် ထုတ်ပြန်ခဲ့သည်။ သို့သော်လည်း ယခင်နှစ်မတ်လနှင့်ယှဉ်လျှင် ၆၁ ဒသမ ၈ ရာခိုင်နှုန်း ကျဆင်းခဲ့ခြင်းဖြစ်ကြောင်း သိရသည်။

"ဒီလိုပြန်လည်မြင့်တက်တာဟာ အဓိကကတော့ နိုင်ငံရဲ့အကြီးဆုံးနှစ်ကူးပွဲတော်ကာလကြီး ကုန်ဆုံးသွားတာမို့ပါ။ ဒါပေမဲ့လည်း တင်းကျပ်တဲ့စည်းမျဉ်းတွေကြောင့် ကြီးကြီးမားမား ပြန်လည်နာလန်ထူလာဖို့ကိုတော့ မျှော်လင့်လို့ မရသေးပါဘူး" ဟု Homelink ကအစီရင်ခံခဲ့သည်။

ပြီးခဲ့သည့်လက ရောင်းချခဲ့ရသည့် ကြိုပွိုင့်အိမ်များ၏ ပျမ်းမျှဈေးနှုန်းသည်လည်းမြင့်တက်သည့် နယ်မြေ ပိုများလာခဲ့သည်။ Homelink က စောင့်ကြည့်လေ့လာခဲ့သည့်
နယ်မြေ ၁၃၀ တွင် ၉၂ နယ်မြေ၌ မြင့်တက်ခဲ့သည်ဖြစ်ရာ ၁၃ နယ်မြေသာမြင့်တက်ခဲ့သည့် ဖေဖော်ဝါရီကထက် များပြားလာခဲ့သည်။ ဈေးနှုန်းများသည် ၁၇ နယ်မြေတွင် ကျ
ဆင်းခဲ့ပြီး ကျန် ၂၁ နယ်မြေတွင် မပြောင်းလဲ၊ တည်ငြိမ်ခဲ့သည်။

အိမ်သစ်ဈေးကွက်တွင်မူ ရှန်ဟိုင်း၌ အစိုးရမတည်သော တန်ဖိုးနည်းအိမ်ရာများမှအပအိမ်သစ်ဧရိယာ စတုရန်းမီတာ ၇၄၂,၄၀၀ ကို မတ်လအတွင်း ရောင်းချခဲ့ရသည်။
ယင်းသည် ဖေဖော်ဝါရီလကထက် ၁၀၄ ဒသမ ၅ ရာခိုင်နှုန်း မြင့်တက်ခဲ့ခြင်းဖြစ်သော်လည်း ယမန်နှစ် မတ်လအောက် ၆၆ ဒသမ ၅ ရာခိုင်နှုန်း ကျဆင်းခဲ့ပြီးငါးနှစ်တာအတွင်း ယခုနှစ်မတ်လသည် အနိမ့်ဆုံးမတ်လဖြစ်ခဲ့ကြောင်း Homelink ၏အချက်အလက်များအရ သိရသည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com