ဒေါ်နယ်ထရမ့်၏ သမီး အိုင်ဗန်ကာ ထရမ့် ဝါရှင်တန်တွင် တစ်လလျှင် ကန်ဒေါ်လာ ၁၅၀၀၀ ဖြင့် နေအိမ်ငှားရမ်း

အမေရိကန်သမ္မတ ဒေါ်နယ်ထရမ့်၏ သမီး အိုင်ဗန်ကာ ထရမ့်နှင့် ခင်ပွန်းဖြစ်သူ အိမ်ဖြူတော်အကြံပေးပုဂ္ဂိုလ် ဂျရက်ဒ် ကွတ်ရ်ှနာတို့ သည် ဝါရှင်တန်မြို့တော်ရှိ ကာလိုရာမာအရပ်တွင် တစ်လလျှင်
ကန်ဒေါ်လာ၁၅၀၀၀ ဖြင့် နေအိမ်ငှားရမ်း နေထိုင်လျက်ရှိကြောင်း
နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်
တစ်ခုတွင် ဖော်ပြသည်။

ယင်းနေအိမ်၏ ပိုင်ရှင်မှာ ချီလီနိုင်ငံသား ဘီလျံနာတစ်ဦးဖြစ်ပြီး
ကန်ဒေါ်လာ ၅ ဒသမ ၅ သန်းဖြင့် ဝယ်ယူခဲ့သည့် နေအိမ်
ဖြစ်သည်။အိမ်ပိုင်ရှင် ဘီလျံနာ၏ ကုမ္ပဏီသည် ဒေါ်လာဘီလျံနှင့်ချီကာ တန်ဖိုးရှိသော မိုင်းတွင်းတစ်ခုအရေးနှင့် စပ်လျဉ်း၍ အမေရိကန်အစိုးရနှင့် အငြင်းပွားမှု ဖြစ်ပွားလျက်ရှိချိန်တွင် သမ္မတ၏ အကြံပေးပုဂ္ဂိုလ်က အဆိုပါဘီလျံနာ၏နေအိမ်ကို ငှားရမ်းလိုက်ခြင်းမှာ စိတ်ဝင်စားဖွယ်ကောင်းလှသည်။

ချီလီလူမျိုးဘီလျံနာ အန်ဒရိုနီကို လုခ်ဆစ်သည် အဆိုပါနေအိမ်ကြီးကို အမေရိကန်သမ္မတရွေးကောက်ပွဲ ကျင်းပပြီးစီးချိန်တွင် ဝယ်ယူခဲ့ခြင်း
ဖြစ်သည်။

ယင်းနေအိမ်ကို အငှားချထားရန် ကြော်ငြာတင်ခဲ့ဖူးခြင်း လုံးဝမရှိချေ။
အိုင်ဗန်ကာထရမ့်နှင့် မစ္စတာကွတ်ရ်ှနာတို့က အဆိုပါနေအိမ်ကို လုခ်ဆစ်ဝယ်ယူရေးတွင် အဆင်ပြေချောမွေ့စေရန်
အကူအညီပေးခဲ့ပြီးနောက် ချက်ချင်းပင် ငှားရမ်းကာ ပြောင်းရွှေ့ခဲ့ကြသည်
ဟု ဆိုသည်။

ယခုအိမ်ငှားခ တစ်လလျှင် ကန်ဒေါ်လာ ၁၅၀၀၀ ဖြင့် တစ်နှစ်တာ ကုန်ကျစရိတ်မှာ နေအိမ်တန်ဖိုး၏ ၂ ဒသမ ၅ ရာခိုင်နှုန်းရှိနေသည်။
မစ္စတာလုခ်ဆစ်၏ ကိုယ်ရေးကိုယ်တာရင်းနှီးမြှုပ်နှံမှုများကို
စီမံကွပ်ကဲသူ ရိုဒရီဂို တယ်ရီက ပြောကြားရာတွင်
ကန်ဒေါ်လာ ၅ ဒသမ ၅ သန်း ရင်းနှီးမြှုပ်နှံမှုအတွက် ထိုက်သင့်သည့်ဝင်ငွေပြန်လည်ရရှိရန် အငှားချထားခြင်း
သာဖြစ်သည်ဟု ပြောကြားထားသည်။

တစ်ချိန်ချိန်တွင် ယခုနေအိမ်မှ ကန်ဒေါ်လာ ၁ သန်းခန့် မြတ်စွန်းနိုင်မည်ဟု မျှော်လင့်ထားကြောင်း၊ အငှားချထားမှုကာလမှာ ၂ နှစ်ခွဲခန့် ဖြစ်မည်
ဟု ယူဆကြောင်းလည်း တယ်ရီက ပြောကြားသည်။

မစ္စတာလုခ်ဆစ်၏ ကုမ္ပဏီသည် မင်နီဆိုးတားပြည်နယ်ရှိ တောနယ်အနီးတွင် ကြေးနီနှင့် နီကယ်သတ္တုတွင်းတူးဖော်မှုအရေးနှင့် စပ်လျဉ်း၍ အစိုးရနှင့် အငြင်းပွားမှုဖြစ်ပွားနေခြင်းဖြစ်သည်။

အိုဘားမားအစိုးရသက်တမ်းနောက်ဆုံးကာလများတွင်
အဆိုပါစီမံကိန်းကို သဘာဝပတ်ဝန်းကျင်ထိခိုက်နိုင်မှုရှိသည်ဟု
သုံးသပ်ကာ တားမြစ်ထားခဲ့ပြီး ယခုဒေါ်နယ်ထရမ့်လက်ထက်
တွင် တူးဖော်ခွင့်ရရန် ပြန်လည်ကြိုးပမ်းလာခြင်းလည်း ဖြစ်သည်။
သို့ရာတွင် အိုင်ဗန်ကာထရမ့်၏ ယခုနေအိမ်ငှားရမ်းမှုနှင့် မိုင်းတွင်းအငြင်းပွားမှုအကြားတွင် ဆက်နွှယ်မှုမရှိကြောင်း
အိမ်ဖြူတော်နှင့် မစ္စတာလုခ်ဆစ်တို့နှစ်ဘက်လုံးက
ငြင်းပယ်ထားသည်။

မစ္စတာကွတ်ရ်ှနာနှင့် အိုင်ဗန်ကာထရမ့်တို့၏ လက်ရှိကြွယ်ဝမှုမှာ
ကန်ဒေါ်လာ သန်း ၂၄၀ မှ သန်း ၇၀၀
အကြားရှိနိုင်ကြောင်း ခန့်မှန်းထားသည်။

အိုင်ဗန်ကာထရမ့်သည် ပြီးခဲ့သော ၂၀၁၆ ခုနှစ်၊ ဒီဇင်ဘာလလယ်ခန့်က မန်ဟက်တန်ရှိ လူနေခန်းတစ်ခန်းကို ကန်ဒေါ်လာ ၄ ဒသမ ၁ သန်းဖြင့် အရောင်းဈေးကွက်သို့ တင်ခဲ့ဖူးသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)