စင်္ကာပူစတော့အိတ်ချိန်းစာရင်းဝင် အိမ်ခြံမြေကုမ္ပဏီဖြစ်သော
Ascott REIT သည် အမေရိကန်ပြည်ထောင်စု၊ နယူးယောက်မြို့ တိုင်းမ်စကွဲရ်တွင်ရှိသော DoubleTree
ဟီလ်တန်ဟိုတယ်ကို ကန်ဒေါ်လာသန်း
၁၀၆ သန်းဖြင့် ဝယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
Ascott REIT သည် အာရှ၏ အကြီးမားဆုံးအိမ်ခြံမြေကုမ္ပဏီများတွင် တစ်ခုအပါအဝင်ဖြစ်သော CapitaLand Limited ၏ ကုမ္ပဏီခွဲတစ်ခုဖြစ်ပြီး CapitaLand Limited သည်လည်း စင်္ကာအခြေစိုက်ကုမ္ပဏီပင် ဖြစ်သည်။
Ascott REIT ၏ ယခုဝယ်ယူမှုသည် နှစ်နှစ်တာကာလအတွင်း နယူးယောက်တွင် တတိယမြောက်ဟိုတယ်ဝယ်ယူမှုလည်း ဖြစ်သည်။
DoubleTree ဟီလ်တန်ဟိုတယ်တွင်အခန်းပေါင်း ၂၂၄ ခန်း ပါဝင်ပြီးရောင်းချသူမှာ ရိုဒီအိုင်းလန်းအခြေစိုက် ဟိုတယ်ရင်းနှီးမြှုပ်နှံရေးနှင့် စီမံခန့်ခွဲရေးကုမ္ပဏီ Magna Hospitality Group မှ ဖြစ်သည်။
တိုင်းမ်စကွဲရ် ဟိုတယ်သည် နယူးယောက်တွင် ကန်ဒေါ်လာ ၃၀ ဘီလီယံအကုန်အကျခံအကောင်အထည်ဖော်လျက်ရှိသော Hudson Yards စီမံကိန်းအနီးတွင် တည်ရှိခြင်းကြောင့် အကျိုးဖြစ်ထွန်းနိုင်သည်ဟု Ascott REIT ၏ မန်နေဂျာက သုံးသပ်ခဲ့သည်။
ယခုအရောင်းအဝယ်ဖြစ်ခဲ့သော ဈေးအရ တစ်ခန်းလျှင်
ကန်ဒေါ်လာ ၄၇၃၂၁၄ ခန့် ကျသင့်သည်ကို တွေ့ရသည်။
Magna Hospitality Group သည် ၂၅ ထပ်မြင့်မားသော ဟီလ်တန်ဟိုတယ်ကို ၂၀၁၁ ခုနှစ်၊ နိုဝင်ဘာလအတွင်းက
ကန်ဒေါ်လာ ၉၁ ဒသမ ၅ သန်းဖြင့် ဝယ်ယူခဲ့ခြင်းဖြစ်ရာ ယခုအရောင်းအဝယ်တွင် ကန်ဒေါ်လာ ၁၄ ဒသမ ၅ သန်း မြတ်စွန်းခဲ့သည်။
Ascott REIT သည် လက်ရှိတွင် အမေရိက၊ အာရှ-ပစိဖိတ်နှင့် ဥရောပတို့ရှိ နိုင်ငံပေါင်း ၁၄ နိုင်ငံ၏ မြို့ပေါင်း ၃၈ မြို့တွင် ဟိုတယ်ပေါင်း ၉၀ လုံး ပိုင်ဆိုင်ထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
