အမေရိကန်သမ္မတဟောင်း ဘားရက်အိုးဘားမားနှင့် မီရှဲလ်တို့သည် လက်ရှိငှားရမ်းနေထိုင်လျက်ရှိသော နေအိမ်ကို အပိုင်ဝယ်ယူလိုက်ပြီဖြစ်ကြောင်း ဝါရှင်တန်ပို့စ် သတင်းတစ်ရပ်တွင် ဖော်ပြသည်။
အိုဘားမားလက်ရှိနေထိုင်လျက်ရှိသည်မှာ ဝါရှင်တန်ဒီစီမြို့တော်၊ ကာလိုရာမာအရပ်တွင်တည်ရှိသည်။
သမ္မတဟောင်းအိုဘားမားသည် စတုရန်းပေ ၈၂၀၀ အကျယ်အဝန်းရှိ နေအိမ်တွင် ယခုနှစ်ဇန်နဝါရီလကတည်းက နေထိုင်ခဲ့ခြင်း ဖြစ်သည်။
အုတ်ဖြင့် ဆောက်လုပ်ထားသော နေအိမ်ဖြစ်ပြီး ၁၉၂၀ ပြည့်လွန်ကာလများတွင် ဆောက်လုပ်ခဲ့ခြင်းဖြစ်သည်။
သမ္မတဟောင်းမိသားစုသည် အမေရိက၏မြို့တော်တွင် အနည်းဆုံးနောက်ထပ် ၂ နှစ်ခွဲခန့် ဆက်လက်နေထိုင်ရန် အစီအစဉ်ရှိကြောင်း အိုဘားမား၏ ပြောရေးဆိုခွင့်ရပုဂ္ဂိုလ် ကီဗင်လူးဝစ်စ်က ပြောကြားသည်။
“ဆက်ပြီးအိမ်ငှားနေမယ့်အစား ဝယ်လိုက်ဖို့ သူတို့စိတ်ကူးရခဲ့
တာဖြစ်ပါတယ်” ဟု မစ္စတာလူးဝစ်က ပြောကြားသည်။
အိုဘားမားသည် ယခုအခါ အသက် ၅၅ နှစ်ရှိပြီဖြစ်ပြီး အငယ်ဆုံးသမီး ဆာရှာကျောင်းပြီးသည်အထိ ဝါရှင်တန်ဒီစီတွင် နေထိုင်ရန် စီစဉ်ထားသည်
ဟု ဆိုသည်။
၂၀၁၁ ခုနှစ်တွင် မွမ်းမံပြင်ဆင်မှုများ ပြုလုပ်ခဲ့ပြီး အိပ်ခန်း ၉ ခန်း၊ ရေချိုးခန်း ၈ ခန်း၊ မြေအောက်ခန်းတွင် ဝန်ထမ်းများအတွက် အခန်းများ ပါဝင်သည်။
ကျယ်ဝန်းသောလသာဆောင်နှင့် ပန်းဥယျာဉ်များလည်း ပါဝင်ကြောင်း ဝါရှင်တန်အခြေစိုက် Fine Properties အိမ်ခြံမြေကုမ္ပဏီက ဆိုသည်။
ကား ၂ စင်းဆန့်ဂိုဒေါင်အပြင် ထောက်လှမ်းရေးအဖွဲ့၏ ကားများရပ်ရန်
၈ စင်းမှ ၁၀ စင်းအထိဆန့်သည့် ကားရပ်နားရန် နေရာပါဝင်သည်။
ကာလိုရာမာသည် ဝါရှင်တန်ဒီစီတွင် နာမည်ကျော်ဒေသတစ်ခုဖြစ်ပြီး ဒေါ်နယ်ထရမ့်၏သားမက်ဖြစ်သူ ဂျရက်ဒ် ကွတ်ရ်ှနာနှင့် ဇနီး (ဒေါ်နယ်ထရမ့်၏သမီး အိုင်ဗန်ကာ ထရမ့်)၊ နိုင်ငံခြားရေးဝန်ကြီး ရက်ဇ် တီလာဆန်တို့လည်း အခြေချနေထိုင်ကြသည်။
သမ္မတဟောင်း အိုဘားမားသည် ယင်းနေအိမ်ကို ကန်ဒေါ်လာ ၈ ဒသမ ၁ သန်းဖြင့် ဝယ်ယူလိုက်ခြင်းဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
