တရုတ်နိုင်ငံ မြို့တော်ပေကျင်းတွင် ၎င်းတို့၏ ပထမဆုံးမောင်းသူမဲ့မြေအောက်ရထားလမ်းကို ယခုနှစ်နှောင်းပိုင်းတွင် ဖွင့်လှစ်တော့မည်ဖြစ်ကြောင်း ဒေသဆိုင်ရာအာဏာပိုင်များက
ပြီးခဲ့သည့်သောကြာနေ့ (မတ် ၂၄) တွင် ထုတ်ပြန်ခဲ့သည်။
ယင်းသည် တရုတ်ပြည်မကြီးတွင် ပထမဆုံးပြည်တွင်းတီထွင်သည့် မောင်းသူမဲ့မြေအောက်ရထားဖြစ်လာမည်ဖြစ်ကြောင်း ပေကျင်းမြို့တော်အိုးအိမ်နှင့် မြို့ပြကျေးလက်ဖွံ့ဖြိုးတိုး
တက်ရေးကော်မရှင်၏ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။ တရုတ်သည် ၎င်းတို့၏ ပထမဆုံးမောင်းသူမဲ့မြေအောက်ရထားများကို ယမန်နှစ်က ဟောင်ကောင်တွင် ပထမ
ဆုံး မိတ်ဆက်ပြသခဲ့ပြီးဖြစ်သည်။
၁၆ ဒသမ ၆ ကီလိုမီတာ ရှည်လျားသည့် ယန်ဖန်ရထားလမ်းသည် ပေကျင်းအနောက်တောင်ဘက် ဆင်ခြေဖုံးအရပ် ဖန်ရှန်ကို ၀န်ဆောင်မှုပေးမည်ဖြစ်သည်။
ထိုရထားလမ်းတစ်လျှောက် ဘူတာ ၉ ခုရှိမည်ဖြစ်ပြီး ၎င်း၏ မောင်းသူမဲ့ရထားများသည်၁ နာရီလျှင် ကီလိုမီတာ ၁၀၀ နှုန်းအထိ ရောက်ရှိနိုင်ပြီး ခရီးသည် ၁၂၆၂ ဦးကို သယ်
ဆောင်နိုင်မည်ဖြစ်သည်။
မောင်းသူမဲ့ရထားများကို ထိန်းချုပ်ရေးဌာနမှ စက်ဖြင့် အလိုအလျောက်ထိန်းချုပ်မည်ဖြစ်သည်။ လူကြောင့်ဖြစ်သည့် မှားယွင်းမှုများကို လျှော့ချရန်ဖြစ်သည်။ ကမ္ဘာ့ထိပ်တန်းလုံ
ခြုံရေးနည်းပညာကို အသုံးပြုထားသဖြင့် ၎င်းမောင်းသူမဲ့ရထားများသည် လမ်းချော်ခြင်းသို့မဟုတ် အတားအဆီးတစ်ခုခုနှင့် တိုက်မိပါကလည်း ၎င်းတို့ဘာသာအရေးပေါ်ရပ်တန့်
နိုင်မည်ဖြစ်သည်။
ယင်းရထားလမ်းသစ်နှစ်လမ်း တည်ဆောက်မှုသည် ယခုနှစ်တွင် ပြီးစီးရန် ခန့်မှန်းထားကြသည်။ မြို့တော်၏ မြန်နှုန်း နိမ့်မှ အလယ်အလတ်ရှိ ပထမဆုံးခေတ်မီဓာတ်ရထားသံလမ်း
ဖြစ်လာမည်ဖြစ်သည်။
ပေကျင်းတွင် ယခုလက်ရှိ မြေအောက်ရထားကွန်ရက်သည် စုစုပေါင်း အရှည် ၅၇၄ကီလိုမီတာ ရှိပြီး အရေအတွက်အားဖြင့် မြေအောက်ရထားလမ်းပေါင်း ၁၉ လမ်း ရှိသည်။
ယခုနှစ်တွင် ကီလိုမီတာ ၃၅၀ ကို ထပ်မံထည့်သွင်းဆောက်လုပ်မည်ဖြစ်သည်။
ပေကျင်း၏ ရထားလမ်းဆောက်လုပ်ရေးဆိုင်ရာ ငါးနှစ်စီမံကိန်းအရ ၂၀၂၀ ပြည့်နှစ်မကုန်မီမြေအောက်ရထားကွန်ရက် ကီလိုမီတာ ၉၀၀ ဖြစ်လာရေး ဖြည့်စွက်တည်ဆောက်နိုင်ရန် စီစဉ်နေကြောင်းလည်း သိရသည်။
ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
