ပြည်ပ အိမ်ခြံမြေ သတင်း | Posted by ဇာနည်ကျော်
ဆလီနာဂိုမက်က တေးထုတ်လုပ်သူ ဘန်နီ ဘလန်ကိုနှင့် စေ့စပ်ကြောင်းလမ်းမှု မပြုလုပ်မီတွင် လော့စ်အိန်ဂျလိမြို့၊ ဘီဗာလီဟေးလ်အရပ်မှ စံအိမ်ကြီးတစ်လုံးကို ကန်ဒေါ်လာ ၃၅ သန်းဖြင့် ဝယ်ယူထားခဲ့
ဆလီနာဂိုမက်နှင့် အမေရိကန် တေးထုတ်လုပ်သူ၊ တေးရေးဆရာ ဘန်နီ ဘလန်ကိုတို့သည် ၂၀၂၃ ခုနှစ်၊ ဇွန်လတွင် စတင်တွဲခဲ့ကြပြီး ၂၀၂၄ ခုနှစ်၊ ဒီဇင်ဘာ ၁၁ ရက်တွင် စေ့စပ်ကြောင်းလမ်းခဲ့သည်။
ယခုအခါ ဆလီနာဂိုမက်တို့စုံတွဲက စံအိမ်တစ်လုံးကို ငွေအလုံးအရင်းပေးကာ ဝယ်ယူလိုက်ပြီး ၎င်းတို့၏ အချစ်နှင့် ဘဝကို နောက်တစ်ဆင့်သို့ တက်လှမ်းလိုက်သည်။
လော့စ်အိန်ဂျလိမြို့၊ ဘီဗာလီဟေးလ်အရပ်တွင် တည်ရှိပြီး စပိန်ဗိသုကာဟန်ဖြင့် ဆောက်လုပ်ထားသော စံအိမ်ဖြစ်ကာ ပြီးခဲ့သော ဒီဇင်ဘာလအတွင်း ကန်ဒေါ်လာ ၃၅ သန်းပေးကာ ဝယ်ယူခဲ့ခြင်းဖြစ်သည်ဟု ဆိုသည်။
၂၀၂၄ ခုနှစ်အတွင်း လော့စ်အိန်ဂျလိတွင် ဈေးအကြီးဆုံး အိမ်ခြံမြေအရောင်းအဝယ်များ၌ တစ်ခုအပါအဝင် ဖြစ်ခဲ့ကြောင်း TMZ သတင်းဌာနက ဖော်ပြသည်။
ဝယ်ယူလိုက်သောသတင်းမှာ ယခုအချိန်တွင်မှ ပေါ်ပေါက်လာခြင်းလည်း ဖြစ်သည်။ ခမ်းနားလှသော စံအိမ်သည် အရောင်းဈေးကွက်တွင် တစ်လကျော်သာ ရှိနေခဲ့ပြီး ရောင်းထွက်ခဲ့ခြင်းလည်း ဖြစ်သည်။
ယခင်ပိုင်ရှင်မှာ Joker နှင့် The Hangover ရုပ်ရှင်ဇာတ်ကားများ ရိုက်ကူးခဲ့သော ရုပ်ရှင်ဒါရိုက်တာ Todd Phillips ဖြစ်သည်။
(ဆလီနာ ဂိုမက်တို့စုံတွဲက ဤစံအိမ်ကို ပြီးခဲ့သော ဒီဇင်ဘာလအတွင်း ကန်ဒေါ်လာ ၃၅ သန်းပေးကာ ဝယ်ယူခဲ့သည်။ ဓာတ်ပုံ-Filmsbyjosh/ BACKGRID)
Phillips က ဤစံအိမ်ကို Paradigm Talent Agency ၏ ဥက္ကဌဖြစ်သူ Sam Gores ထံမှ ကန်ဒေါ်လာ ၁၇ ဒသမ ၂၅ သန်းဖြင့် ၂၀၁၂ ခုနှစ်အတွင်း ဝယ်ယူခဲ့ပြီးနောက် ၂၀၂၁ ခုနှစ်တွင် ကန်ဒေါ်လာ ၃၁ သန်းဖြင့် ပြန်လည်ရောင်းထုတ်ခဲ့သည်။
Phillips နှင့် ဆလီနာဂိုမက်တို့ စုံတွဲကြားတွင် ပိုင်ရှင်တစ်ဦးရှိသေးပြီး လက်ရှိအချိန်တွင်မူ အဆိုပါပိုင်ရှင် မည်သူဖြစ်သည်ကို မသိရသေးချေ။
Luxury amenities များစွာပါဝင်ပြီး စံအိမ်အကျယ်အဝန်း စတုရန်းပေ ၇၀၀၀ မှ ၉၀၀၀ ကြားရှိသည်ဟု ခန့်မှန်းရသည်။
ဆလီနာဂိုမက် (၃၂) နှင့် ဘလန်ကို (၃၆) တို့သည် ဒီဇင်ဘာလအစောပိုင်းတွင် ယခုစံအိမ်ကြီးကို ဝယ်ယူခဲ့ပြီး ရက်အနည်းငယ်အကြာတွင် စေ့စပ်ကြောင်းလမ်းခဲ့လည်း ဖြစ်သည်။
(စံအိမ်ကြီးတွင် အိပ်ခန်း ၇ ခန်းနှင့် ရေချိုးခန်း ၁၂ ခန်း ပါဝင်သည်။ ဓာတ်ပုံ-BACKGRID)
ခြံအကျယ်မှာ ၁ ဧကနီးပါးရှိပြီး ရေကူးကန်၊ Spa ၊ အိမ်တွင်းရုပ်ရှင်ရုံ၊ ခမ်းနားသော ခရုပတ်လှေကား၊ စာကြည့်တိုက်၊ fitness center ၊ ပျိုးအိမ်နှင့် ကစားကွင်းတိို့ ပါရှိသည်။
(ရုပ်ရှင်ဒါရိုက်တာ Todd Phillips က ဆယ်စုနှစ် တစ်ခုနီးပါး ပိုင်ဆိုင်ထားခဲ့ပြီး ၂၀၂၁ ခုနှစ်တွင် ကန်ဒေါ်လာ ၃၁ သန်းဖြင့် ရောင်းထုတ်သွားခဲ့သည်။ ဓာတ်ပုံ-4CRNS, WCP/ BACKGRID)
(မကြာသေးမီကမှ စေ့စပ်ကြောင်းလမ်းထားသော ဆလီနာဂိုမက်တို့ စုံတွဲ။ ဓာတ်ပုံ-Instagram/ @selenagomez)
(ဈေးကွက်တင် အရောင်းကြော်ငြာမှတ်တမ်းများအရ စံအိမ်အကျယ်အဝန်းမှာ စတုရန်းပေ ၇၀၀၀ မှ ၉၀၀၀ ကြားရှိကြောင်း ခန့်မှန်းရသည်။ 4CRNS, WCP/ BACKGRID)
မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ် (၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Selena Gomez and Benny Blanco purchase ‘The Hangover’ director’s former Beverly Hills estate for $35M Photo Credit-4CRNS, WCP/ BACKGRID, Instagram/ @selenagomez, Filmsbyjosh/ BACKGRID, BACKGRID