သေးငယ်သော တရုတ်မြို့ကြီးများ၌ပင် အိမ်ဈေးများ ဆက်တက်ခဲ့

အိမ်သစ်ဈေးများသည် တရုတ်ပြည်မကြီးရှိ အကြီးဆုံးမြို့ကြီးများတွင်သာမက ပိုမိုသေးငယ်သော မြို့ကြီးများတွင်လည်း ဆက်လက်မြင့်တက်ခဲ့သည်။

ယခုနှစ် ဇန်န၀ါရီတွင် အိမ်သစ်ဈေးမြင့်တက်ခဲ့သည့်မြို့ကြီး အရေအတွက် ၄၅ မြို့ရှိခဲ့ရာမှဖေဖော်ဝါရီတွင် ၅၆ မြို့သို့ မြင့်တက်ခဲ့ကြောင်း ယခုလမတ် ၁၈ ရက်က တရုတ်အမျိုးသားစာရင်းအင်းဗျူရို (NBS) က ထုတ်ပြန်ခဲ့သော ကိန်းဂဏန်းစာရင်းအရ သိရသည်။

ထိုထုတ်ပြန်ချက်မတိုင်မီကပင် "ကျွန်တော်တို့တွေ အိမ်ခြံမြေဖွံ့ဖြိုးတိုးတက်မှု၊ ဈေးကွက်ရှာဖွေရေးနဲ့ အကျိုးဆောင်တွေနဲ့ ပတ်သက်တဲ့ စည်းမျဉ်းတွေကို ပိုပြီးသေသေချာချာ ကြပ်ကြပ်မတ်မတ်လုပ်ရပါမယ်။ ဒါမှ ပေါ်ပြူလာဖြစ်တဲ့ မြို့တွေမှာ အိမ်ဈေးတွေ အရမ်းမြန်မြန်ဆန်ဆန် မမြင့်တက်အောင် ထိန်းနိုင်မှာပါ" ဟု တရုတ်ဝန်ကြီးချုပ် လီခဲချန်က ယခုလအစောပိုင်းက လွှတ်တော်အစည်းအဝေးတွင် ပြောကြားခဲ့ပြီး ဖြစ်သည်။

တရုတ်တွင် အိမ်သစ်ဈေးများသည် ဖေဖော်ဝါရီတွင် ဇန်န၀ါရီကထက် ၀
ဒသမ ၃ ရာခိုင်နှုန်း မြင့်တက်ခဲ့ပြီး ဇန်န၀ါရီတွင် ဒီဇင်ဘာကထက် ၀ ဒသမ ၂ ရာခိုင်နှုန်း မြင့်တက်ခဲ့ရာ ဖေဖော်ဝါရီမြင့်တက်နှုန်းသည် ဇန်န၀ါရီမြင့်တက်နှုန်းထက် ၀ ဒသမ ၁ ရာခိုင်နှုန်း တိုးလာခဲ့သည်။ ၂၀၁၆ ခုနှစ် ဖေဖော်ဝါရီကထက်မူ ယခုနှစ် ဖေဖော်ဝါရီတွင် ၁၁ ဒသမ
၈ ရာခိုင်နှုန်းပင် မြင့်တက်ခဲ့ကြောင်း အထက်ပါစာရင်းအရ သိရသည်။

နိုင်ငံအရှေ့ပိုင်း အန်ဟွေပြည်နယ်မြို့တော် ဟယ်ဖေမြို့ရှိ အိမ်ဈေးများသည် ၂၀၁၆ ခုနှစ် ဖေဖော်ဝါရီကထက် ယခုနှစ် ဖေဖော်ဝါရီတွင် ၄၀ ဒသမ ၅ ရာခိုင်နှုန်းဖြင့် NBS က လေ့
လာခဲ့သည့် မြို့ကြီး ၇၀ အနက် အမြင့်ဆုံးနှုန်းဖြင့် မြင့်တက်ခဲ့သည်။

မြို့တော်ပေကျင်းနှင့် ကပ်လျက်တည်ရှိသည့် ဟယ်ပေပြည်နယ်၏ မြို့တော် ရှီကျာကျွမ်တွင် အိမ်သစ်ဈေးများသည် ၂၀၁၆ ခုနှစ် ဖေဖော်ဝါရီကထက် ယခုနှစ် ဖေဖော်ဝါရီတွင်၁၈ ဒသမ ၂ ရာခိုင်နှုန်း မြင့်တက်ခဲ့ပြီး ယခုနှစ် ဇန်န၀ါရီကထက် ဖေဖော်ဝါရီတွင် ၀ ဒသမ၂ ရာခိုင်နှုန်း မြင့်တက်ခဲ့သည်။ ရှီကျာကျွမ်မြို့တွင် အိမ်ခြံမြေစည်းမျဉ်းများကို ၂၀၁၄ ခုနှစ်
နောက်ပိုင်း ပထမဆုံးအကြိမ်အဖြစ် မတ် ၁၉ က တင်းကျပ်လိုက်သည်။

ရှီကျာကျွမ်မြို့တွင် ဒုတိယအကြိမ်အိမ်ဝယ်ယူသည့် ဒေသခံများ လက်ငင်းပေးချေရမည့်ငွေကို အိမ်တန်ဖိုး၏ ၄၀ ရာခိုင်နှုန်းသို့ တိုးမြှင့်လိုက်သည်။ လူဦးရေ ၁၀ သန်းရှိသည့် ထို
မြို့တွင် ဒေသခံမဟုတ်သူများသည် အိမ်တစ်လုံးထက် ပိုဝယ်ခွင့်မရှိတော့ပေ။
ယခုမတ်လ ၁၉ ရက်အထိ ၁၉ ရက်တာအတွင်း ထိုမြို့ကြီး ၇၀ အနက် ခုနစ်မြို့က အိမ်ခြံမြေစည်းမျဉ်းတင်းကျပ်မှုများ တိုးမြှင့်ခဲ့သည်။

မြို့တော်ပေကျင်းတွင် အိမ်ခြံမြေဈေးကွက်တည်ငြိမ်စေရန် မြို့တော်အစိုးရက ယခုအချိန်အထိ အပြင်းထန်ဆုံးသော အိမ်ခြံမြေစည်းမျဉ်းတင်းကျပ်မှုများကို မတ် ၁၇ ရက်ကပဲ ချမှတ်ခဲ့သည်။ ဒုတိယအကြိမ်အိမ်ဝယ်ယူသူများ လက်ငင်းပေးချေရမည့်ငွေကို အိမ်တန်ဖိုး
၏ ယခင် ၅၀ ရာခိုင်နှုန်းမှ ယခု ၆၀ ရာခိုင်နှုန်းသို့ တိုးမြှင့်လိုက်ပြီး ဇိမ်ခံအိမ်များကို ၀ယ်ယူသူများသည် အိမ်တန်ဖိုး၏ ယခင် ၇၀ ရာခိုင်နှုန်းမှ ယခုအခါ ၈၀ ရာခိုင်နှုန်းထက်မနည်းကို လက်ငင်းပေးချေရတော့မည်ဖြစ်သည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com