ရန်ကုန်တိုင်းရှိ စက်မှုဇုန်များသည် အရည်အသွေးလိုအပ်ချက်များစွာရှိနေခြင်းကြောင့် စက်မှုဇုန်အသစ်များကို ထပ်မံအကောင်အထည်ဖော် တည်ဆောက်မည်ဟု စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကပြောသည်။
ရန်ကုန်တိုင်းရှိ စက်မှုဇုန်များသည် စတင်တည်ထောင်စဉ်ကပင် ကောင်းမွန်သည့် ဖွဲ့စည်းတည်ဆောက်မှုမရှိခဲ့ခြင်းကြောင့် လက်ရှိအချိန်တွင်ရှိပြီးသား စက်မှုဇုန်များကို အရည်အသွေးမြှင့်တင်ရန်ခက်ခဲသဖြင့် စက်မှုဇုန်အသစ်များကို ထပ်မံအကောင်ထည်ဖော်ရန် စီစဉ်ရခြင်းဖြစ်ကြောင်း ၀န်ကြီးက ပြောကြားသည်။
စက်မှုဇုန် အသစ်များကို အကောင်အထည်ဖော်ရာတွင် ငွေကြေးအရင်းအနှီးလုံလောက်သည့်
လုပ်ငန်းရှင်များကိုသာ ဆောင်ရွက်ခွင့်ပြုမည်ဟု ပြည်ထောင်စုဝန်ကြီးကပြောသည်။
‘‘တကယ်လုပ်နိုင်မယ့်သူဆို ရင် ပြည်တွင်း၊ ပြည်ပမခွဲခြားဘဲ လုပ်ကိုင်ခွင့်ပေးမယ်’’ဟု ရန်ကုန် မြို့ နိုဗိုတယ်ဟိုတယ်တွင်
မတ်လ ၁၈ ရက်က ပြုလုပ်သော
မြန်မာရင်းနှီးမြှုပ်နှံမှုကော်မရှင်ဥက္ကဋ္ဌနှင့် ပြည်ပစီးပွားရေးအဖွဲ့အစည်းတို့
တွေ့ဆုံပွဲ၌ ပြည်ထောင်စုဝန်ကြီး က ပြောကြားသည်။
စက်မှုဇုန်များ အကောင်အထည်ဖော်တည်ဆောက်ရာတွင် လုပ်ငန်းလုပ်ကိုင်လိုသူတစ်ဦး ချင်းကို မြေငှားရမ်းပြီး ရရှိလာသော
ငွေကြေးဖြင့် တည်ဆောက်ရေးလုပ်ငန်းများ လုပ်ကိုင်မည့်
အစီအစဉ်ကို အစိုးရကလက်ခံမည် မဟုတ်ကြောင်း၊
အမှန်တကယ် ရင်းနှီးမြှုပ်နှံပြီး အကောင်အထည်ဖော်
တည်ဆောက်နိုင်သည့် ငွေကြေးအရင်းအနှီးရှိသူကိုသာ
စက်မှုဇုန်များတည်ထောင်ခွင့်ပေးမည်ဟု ၎င်းက ဆိုသည်။
‘‘ကိုယ်တကယ်လုပ်နိုင်စွမ်း မရှိဘဲ အခွင့်အရေးယူထားတာမျိုး ကို လက်မခံဘူး’’ ဟု ၀န်ကြီးဦး ကျော်ဝင်းက ဆိုသည်။
စက်မှုဇုန်အသစ်များထပ်မံအကောင်အထည်ဖော်မည်ဖြစ်သော်လည်း မည်သည့်အချိန်တွင် အကောင်အထည်
ဖော်မည်ကို ၀န်ကြီးက ပြောကြားခဲ့ခြင်း မရှိပေ။
စက်မှုဇုန်များတည်ထောင်ရန် ရင်းနှီးမြှုပ်နှံမှု ငွေကြေးပမာဏများခြင်းကြောင့်
ပြည်တွင်းလုပ်ငန်းရှင်များထက် ပြည်ပလုပ်ငန်းရှင်များသာ လုပ်ကိုင်နိုင်သည့်အခြေအနေမျိုး ဖြစ်နေသည်ဟု
လှိုင်သာယာ စက်မှုဇုန်စီမံခန့်ခွဲမှုကော်မတီနာယက ဦးမြတ်သင်းအောင်က ပြောသည်။
နေးရှင်းမြန်မာ မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
