ကမ္ဘောဒီးယားအစိုးရ မြေယာစီမံခန့်ခွဲရေး၊ မြို့ပြစီမံကိန်းနှင့် ဆောက်လုပ်ရေးဝန်ကြီးဌာန (MLMUPC) သည် ဝင်ငွေနည်းပါးသူများနှင့် လူလတ်တန်းစားများအတွက် အိမ်ရာစီမံကိန်းများဖော်ဆောင်ရန် ကြိုးပမ်းလျက်ရှိရာ ယခုအခါ Bun Ches Groups Co., Ltd နှင့် လက်တွဲ၍ ကန်ဒေါ်လာ ၈၈ သန်း သုံးစွဲကာ တန်ဖိုးနည်းအိမ်ရာတစ်ခုဆောက်လုပ်ရန် နားလည်မှုစာချွန်လွှာတစ်ခု လက်မှတ်ရေးထိုးလိုက်ကြကြောင်း ဖနွမ်းပင်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
နားလည်မှုစာချွန်လွှာလက်မှတ်ရေးထိုးပွဲ အခမ်းအနားသို့ MLMUPC ၏ ဝန်ကြီး ချီယာ ဆိုဖာရာတက်ရောက် လက်မှတ်ရေးထိုးခဲ့သည်။
တန်ဖိုးနည်းအိမ်ရာ တည်ဆောက်မည့်နေရာမှာ ကန်ဒယ်ပြည်နယ်၊ ပွန်ဟီးလျူခရိုင်၊ ဆလန်ဒိုင်ဒေါ့စ်ကျေးရွာတွင် ဖြစ်သည်။
ယင်းအိမ်ရာကို ဝင်ငွေနည်းပါးသူများ၊ လူလတ်တန်းစားများအတွက် ရည်ရွယ်သည့်နည်းတူ အရပ်ဘက် အစိုးရဝန်ထမ်းများနှင့် လက်နက်ကိုင်တပ်ဖွဲ့များမှ အမှုထမ်းများအတွက်လည်း ရည်ရွယ်သည်ဟု ဆိုသည်။
Bun Ches Groups Co., Ltd မှ ဥက္ကဌဖြစ်သူ ဘွန်ချက်စ်က ပြောကြားရာ
တွင် ကုမ္ပဏီအနေဖြင့် အိမ်ရာစီမံကိန်း ဒီဇိုင်းနှင့်
ဆောက်လုပ်မှုအတွက် တာဝန်ယူသွားမည်ဖြစ်ကြောင်း
ပြောကြားသည်။
“ဒီအုပ်စုဟာ ဆောက်လုပ်ရေးလုပ်ငန်းအတွေ့အကြုံ နှစ်ပေါင်းများစွာရှိခဲ့ပြီး ကမ္ဘောဒီးယားမှာ စီမံကိန်းတွေ အများကြီး ဆောက်လုပ်ခဲ့ပြီး ဖြစ်ပါတယ်။
Toul Kork သိုလှောင်ရုံ၊ Mekong View တာဝါနဲ့ အခြားစီမံကိန်းတွေ
ပါဝင်ပါတယ်။ အခုစီမံကိန်းက စတုတ္ထမြောက်ဆောက်လုပ်ရေး စီမံကိန်း ဖြစ်ပါတယ် ” ဟု ပြောကြားသည်။
နေအိမ်ခန်းများ၏ ဈေးနှုန်းမှာ တစ်ခန်းလျှင် ကန်ဒေါ်လာ ၂၃၅၀၀ နှင့် ၂၄၈၀၀ အကြားရှိမည်ဖြစ်ပြီး ၃၀ ရာခိုင်နှုန်း လက်ငင်းပေးသွင်းရမည်
ဟု ဆိုသည်။
တန်ဖိုးအနည်းငယ်မြင့်သော်လည်း တစ်လလျှင် ပေးသွင်းရမည့်ငွေမှာ
ဒေါ်လာ ၂၀၀ အောက်သာ ဖြစ်သည်ဟု ဆိုသည်။
စီမံကိန်းတွင် နေအိမ်ခန်းပေါင်း ၅၃၄၀ ပါဝင်မည်ဖြစ်ပြီး
စာသင်ကျောင်းများ၊ ဆေးခန်းနှင့် ဈေးဝယ်စင်တာများလည်း
ပါဝင်မည် ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
