ဘာရိန်းတွင် ကန်ဒေါ်လာ ၅၃၃ သန်းတန်ကြေးရှိ ဆောက်လုပ်ရေးလုပ်ငန်းများ အကောင်အထည်ဖော်ရန် ဘာရိန်းနှင့် ဆော်ဒီအာရေးဘီးယား လက်မှတ်ရေးထိုးမည်ဖြစ်ကြောင်း အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ဘာရိန်းနိုင်ငံတွင် အိမ်ခြံမြေ၊ လမ်းများ၊ ရေ၊ လျှပ်စစ်နှင့် အခြားအခြေခံအဆောက်အအုံများ ဆောက်လုပ်ရေးအတွက် သဘောတူစာချုပ် ၉ ခုလက်မှတ်ရေးထိုးကြမည်ဖြစ်သည်။
ဆော်ဒီ ဖွံ့ဖြိုးရေးရန်ပုံငွေအဖွဲ့မှ အဆိုပါစီမံကိန်းများကို အကောင်အထည်ဖော်ခြင်းဖြစ်ကြောင်း ဘာရိန်းဆိုင်ရာ
ဆော်ဒီသံအမတ်ကြီး ဒေါက်တာ အဗ္ဗဒူလာ ဘင် အဗ္ဗဒူမာလစ် အယ်လ် ရှိတ်ခ်က ဘာရိန်းသတင်းအေဂျင်စီ (BNA) နှင့် တွေ့ဆုံမေးမြန်းခန်းတွင် ပြောကြားသည်။
ဆော်ဒီဖွံ့ဖြိုးရေးရန်ပုံငွေအဖွဲ့မှ ဒုတိယဥက္ကဌ ယူဆက်ဖ် ဘင် အီဘရာဟင် အယ်လ်ဘာဆမ်ခေါင်းဆောင်သော ကိုယ်စားလှယ်အဖွဲ့သည် မတ်လ ၁၈ ရက်တွင် ဘာရိန်းနိုင်ငံသို့ သွားရောက်ကာ သဘောတူစာချုပ်များ လက်မှတ်ရေးထိုးမည်ဖြစ်ကြောင်းလည်း သံအမတ်ကြီးက ပြောကြားသည်။
၂၀၁၅ ခုနှစ်၊ ဇွန်လအတွင်း ဆော်ဒီအာရေးဘီးယားသည် ဘာရိန်းနိုင်ငံတွင် အိမ်ခြံမြေ၊ လမ်း၊ စွမ်းအင်နှင့် ရေအရင်းအမြစ်ဆိုင်ရာ
စီမံကိန်းများ အကောင်အထည်ဖော်ရန် ကန်ဒေါ်လာ
သန်း ၆၇၀ ရန်ပုံငွေ ချထားပေးခဲ့သည်။
ပင်လယ်ကွေ့ဖွံ့ဖြိုးရေးရန်ပုံငွေအဖွဲ့သည် GCC အဖွဲ့ဝင်နိုင်ငံများတွင် ဖွံ့ဖြိုးတိုးတက်ရေးစီမံကိန်းများအတွက် ကန်ဒေါ်လာ ၁၀ ဘီလီယံ ထောက်ပံ့ရန် ကတိကဝတ်ပြုထားသည်။
ယင်းထောက်ပံ့မှုမှ ဘာရိန်းအတွက် ကန်ဒေါ်လာ ၂ ဒသမ ၅ ဘီလီယံ ထောက်ပံ့မည်ဖြစ်ရာ ယခုပေးအပ်သော အကူအညီမှာ ဒုတိယအရစ်လည်း ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
