ကမ္ဘာကျော် ရော့ခ်အဆိုတော် ဘွန်ဂျိုဗီ နေထိုင်ခဲ့ဖူးသော နယူးယောက်မြို့ ၊ မာဆာလမ်းရှိ Penthouse ခန်းကို ကန်ဒေါ်လာ ၃၈ သန်းဖြင့် ရောင်းချရန် အရောင်းဈေးကွက်သို့ ရောက်ရှိလာကြောင်းနယူးယောက်
အခြေစိုက်အိမ်ခြံမြေ သတင်းဝက်ဘ်ဆိုက်တစ်ခုတွင် ဖော်ပြသည်။
ဘွန်ဂျိုဗီသည် လွန်ခဲ့သော ၂ နှစ်နီးပါးက အဆိုပါလူနေခန်းကို ရင်းနှီးမြှုပ်နှံသူတစ်ဦးထံ ရောင်းချခဲ့ကာ ယခုအခါ အဆိုပါပိုင်ရှင်က ပြန်လည်ရောင်းထုတ်ရန် အရောင်းဈေးကွက်ပို့လိုက်ခြင်းလည်း ဖြစ်သည်။
ယခုပိုင်ရှင်မှာ Andlinger & Company ကိုတည်ထောင်သူ
ဂါဟာ့ဒ် အန်လင်ဂါဖြစ်ပြီး အသက် ၈၆ နှစ်အရွယ် ရှိပြီ ဖြစ်သည်။
မစ္စတာ အန်လင်ဂါသည် အဆိုပါလူနေခန်းကို ဘွန်ဂျိုဗီထံမှ ၂၀၁၅ ခုနှစ် နှစ်လယ်ပိုင်းတွင် ကန်ဒေါ်လာ ၃၄ သန်းဖြင့် ဝယ်ယူခဲ့ခြင်း ဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။
ဘွန်ဂျိုဗီက ယင်းလူနေခန်းကို ၂၀၀၇ ခုနှစ်တွင် ကန်ဒေါ်လာ ၂၄ သန်းဖြင့် ဝယ်ယူခဲ့ပြီး ၈ နှစ်ကြာ နေထိုင်ခဲ့ကာ ပြန်လည်ရောင်းချရာတွင် ကန်ဒေါ်လာ ၁၀ သန်း မြတ်စွန်းခဲ့သည်။
လူနေခန်းရှိရာ အဆောက်အအုံသည် ယခင်က ခေတ်ပြိုင်အနုပညာပြတိုက်ဖြစ်ပြီး ၁၉၉၀ ပြည့်လွန်နှောင်းပိုင်းကာလများတွင် ကွန်ဒိုမီနီယံအဆောက်အအုံအဖြစ် ပြောင်းလဲဆောက်လုပ်ခဲ့ခြင်း ဖြစ်သည်။
အခန်းတွင်း ကြမ်းခင်းဧရိယာ ၇၅၀၀ စတုရန်းပေ ကျယ်ဝန်းပြီး လသာဆောင်ဧရိယာမှာ စတုရန်းပေ ၃၀၀၀ အကျယ်အဝန်းရှိသည်။
ဘွန်ဂျိုဗီ၏ သီချင်းများကို မြန်မာနိုင်ငံတွင် ပြန်လည်သီဆိုကြရာ၌လည်း အောင်မြင်မှုများစွာရရှိခဲ့ကြရာ Blaze of glory ကို ဇော်ဝင်းထွဋ်က ကန္တာရခရီးသည်၊ You give love a bad name ကို ဖြူဖြူကျော်သိန်းက အတွင်းကြေ၊ Runaway ကို လေးဖြူက လှမ်းအဝေး၊ In these arms ကို မျိုးကြီးက ရင်ခုန်သံအရင်းနှီးဆုံးဟူသော အမည်များဖြင့် ပြန်လည်သီဆိုခဲ့ကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
