ဒူဘိုင်းအခြေစိုက် ဆောက်လုပ်ရေးနည်းပညာကုမ္ပဏီ Cazza က ‘crane printing’ ဟုခေါ်သော ကမ္ဘာ့ပထမဆုံး 3D စနစ်ဖြင့် ဆေးသုတ်မည့် မိုးမျှော်တိုက် ဆောက်လုပ်ရန် စီစဉ်လျက်ရှိကြောင်း အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက် တစ်ခုတွင် ဖော်ပြသည်။
Cazza သည် ကရိန်းများနှင့် အခြားနည်းပညာပစ္စည်းများ အသုံးပြုကာ မီတာ ၈၀ နှင့်အထက် အဆောက်အအုံများကို 3D စနစ် ဆေးသုတ်နိုင်မည့် နည်းပညာကို တီထွင်ခဲ့ခြင်း ဖြစ်သည်။
Cazza ၏ အမှုဆောင်အရာရှိချုပ် ခရစ် ကယ်လ်ဆေးက ပြောကြားရာတွင် “3D ဆေးသုတ်နည်းပညာကို ကျွန်တော်တို့ ပထမဆုံးစပြီး တီထွင်ခဲ့တဲ့အချိန်တုန်းက လုံးချင်းအိမ်တွေ၊ အထပ်နိမ့်အဆောက်အအုံတွေနဲ့ပဲ ပတ်သက်ပြီး စဉ်းစားခဲ့တာ ဖြစ်ပါတယ်” ဟု ပြောကြားသည်။
“developer တွေက ကျွန်တော်တို့ကို မေးမြန်းလာမှုတွေရှိပါတယ်။ မိုးမျှော်တိုက်တွေကိုလည်း 3D စနစ်နဲ့ ဆေးသုတ်လို့ရမလားလို့။ ဒါကြောင့် ကျွန်တော်တို့ဟာ အထပ်မြင့်အဆောက်အအုံတွေမှာ ဒီနည်းပညာ ဘယ်လိုသုံးမလဲဆိုတာ အဖြေထုတ်ခဲ့တာ ဖြစ်ပါတယ်” ဟု ၎င်းက ဆက်လက်ပြောကြားသည်။
“ကျွန်တော်တို့ရဲ့ နည်းပညာကို သုံးမယ်ဆိုရင် ဗိသုကာအရ နည်းပညာပိုင်းရှုပ်ထွေးတဲ့ အဆောက်အအုံတွေကို ယခင်က မတွေ့ခဲ့ဖူးတဲ့ မြန်နှုန်းနဲ့ ပြီးစီးနိုင်တာ တွေ့ရမှာ ဖြစ်ပါတယ်။ ဒါ့အပြင် ကြီးမားတဲ့စီမံကိန်းကြီးတွေမှာဆိုရင် ကုန်ကျစရိတ် များစွာလျော့ကျသွားမှာပါ ” ဟုလည်း ကယ်လ်ဆေးက ပြောကြားသည်။
3D နည်းပညာကိုသုံးရာတွင် အဆောက်အအုံများ၏ အချို့သောအစိတ်အပိုင်းများကိုသာ ယင်းနည်းပညာသုံးမည်ဖြစ်ပြီး ကျန်ရှိသည့် အစိတ်အပိုင်းများကိုမူ လက်ရှိနည်းပညာများကိုသာ သုံးသည်ဟု ဆိုသည်။
Cazza က ဆောက်လုပ်မည့် 3D နည်းပညာသုံးဆေးသုတ်အဆောက်အအုံကို အာရပ်စော်ဘွားများ ပြည်ထောင်စုတွင် တည်ဆောက်မည်ဖြစ်ပြီး အဆောက်အအုံအမြင့်နှင့် စတင်မည့်အချိန်တို့ကိုမူ ထုတ်ဖော်ပြောကြားခြင်း မရှိသေးချေ။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
