ကာတာနိုင်ငံပိုင် Qatar Airways လေကြောင်းလိုင်းက ချစ်သူဇနီးမောင်နှံများ
အထူးသဖြင့် ဟန်းနီးမွန်းခရီးထွက်လာသည့် စုံတွဲများ၊ မိသားစုများ၊ သူငယ်ချင်းများနှင့်စီးပွားရေးလုပ်ဖော်ကိုင်ဖက်များအတွက် လေယာဉ်ခရီးစဉ်တစ်လျှောက်အေးအေးလူလူစကားစမြည်ပြောဆို၍ ယှဉ်လျက်လဲလျောင်းအိပ်စက်လိုက်ပါလာနိုင်မည့်
စုံတွဲအိပ်ယာ-လေယာဉ်ထိုင်ခုံသစ်တစ်မျိုးကို မိတ်ဆက်ပြသလိုက်ပြီဖြစ်သည်။
ယင်းသည် လေကြောင်းလောက၌ စီးပွားရေးတန်း လေယာဉ်ခန်းတွင် ထားရှိသည့်ပထမဆုံးစုံတွဲအိပ်ယာထိုင်ခုံဖြစ်လာမည် ဖြစ်သည်။
"ကျွန်တော်တို့ရဲ့ Qatar Airways နဲ့ ဟန်းနီးမွန်းခရီးထွက်လိုက်ပါ။
တိတ်တိတ်လေးနေပေးဖို့တော့ လိုမယ်နော်" ဟု Qatar Airways ၏
အမှုဆောင်အရာရှိချုပ် အက်ဘာ အယ်လ်ဘာကာက ITB Berlin
ခရီးသွားလုပ်ငန်းပြပွဲတွင် ၎င်းထိုင်ခုံကို မိတ်ဆက်ပြသပြီးနောက် အရွှန်းဖောက်၍ပြောကြားခဲ့သည်။
QSuite ဟု အမည်ပေးထားသည့် ထိုထိုင်ခုံသည် ယခင်ထွက်ရှိဖူးသမျှ စုံတွဲအိပ်ယာထိုင်ခုံအမျိုးအစားများထက် ပိုမိုပြင်လွယ်ပြောင်းလွယ်၊ သက်သောင့်သက်သာရှိသည်။
ယင်းထိုင်ခုံများကို ဖွဲ့စည်းထားပုံမှာ စီးပွားရေးတန်းလေယာဉ်ခန်း၏ အလယ်လမ်းတွင်စုံတွဲထိုင်ခုံနှစ်ခုကို ၎င်းတို့အကြား၌ ရုပ်သံဖန်သားပြင်များ ခြားထား၍ မျက်နှာချင်းဆိုင်ဖွဲ့ထားခြင်းဖြစ်သည်။ လေးယောက်စုံညီ စီနင်းလိုက်ပါလိုပါက ထိုဖန်သားပြင်များကို
ဘေးတို့အလွယ်တကူဖယ်ရှား၍ စီးနင်းနိုင်မည်ဖြစ်သည်။
စုံတွဲထိုင်ခုံတစ်ခုကိုသာ အသုံးပြုလိုပါက ထိုရုပ်သံဖန်သားပြင်များ
ကို ကာလိုက်ခြင်းအားဖြင့် မျက်နှာချင်းဆိုင်မှစုံတွဲခုံနှင့်
မသက်ဆိုင်တော့ဘဲ သီးသန့်မူလစုံတွဲခုံတစ်ခုံ
ဖြစ်မည်ဖြစ်ကြောင်း Qatar Airways က တမြန်နေ့ (မတ် ၈) တွင် ထုတ်ပြန်ခဲ့သည်။
ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
