ဆော်ဒီအာရေးဗီးယားတွင် တစ်ကီလိုမီတာအမြင့်ရှိမည့် Jeddah Tower အပါအဝင် ထိပ်တန်း ဆောက်လုပ်ရေးစီမံကိန်းကြီး ၁၀ ခု၏ တန်ဖိုးမှာ ကန်ဒေါ်လာ ၉၂ ဘီလီယံ တန်ကြေးရှိနေသည်။
ဆော်ဒီဆောက်လုပ်ရေးဈေးကွက်ကို ၂၀၁၇ ခုနှစ်အတွင်း ဆက်လက်မောင်းနှင်ကာ နိုင်ငံတကာ အာရုံစိုက်မှုရစေမည့် အဓိကစီမံကိန်းများမှာ ဖျော်ဖြေရေးဆိုင်ရာ အဆောက်အအုံများနှင့် လူနေအိမ်ရာသစ်ဆောက်လုပ်မှုများ ဖြစ်ကြသည်။
လက်ရှိ ဆောက်လုပ်နေသော စီမံကိန်းများကို လေ့လာမည်ဆိုလျှင် မြို့ပြဆောက်လုပ်ရေးနှင့် သယ်ယူပို့ဆောင်ရေးကဏ္ဍဆိုင်ရာ ဆောက်လုပ်ရေးစီမံကိန်းများမှာ ဆော်ဒီအာရေးဘီးယား စုစုပေါင်းစီမံကိန်းများ၏ ၆၈ ရာခိုင်နှုန်းရှိပြီး တန်ဖိုးအားဖြင့်
ကန်ဒေါ်လာ ၇၀၀ ဘီလီယံဖိုးခန့်အထိ ရှိနေသည်။
တစ်ကီလိုမီတာ အမြင့်ရှိ Jeddah Tower တွင် အထပ်ပေါင်း ၂၅၂ ထပ်ပါဝင်ပြီး ကြမ်းခင်းဧရိယာ ၂၄၅၀၀၀ စတုရန်းမီတာ ရှိသည်။
အဆိုပါ အဆောက်အအုံတွင် ရုံးခန်းနေရာများ၊ အခန်း ၂၀၀ ပါ Four Seasons ဟိုတယ်၊ ပရိဘောဂအပြည့်အစုံပါ လူနေခန်း ၁၂၁ ခန်း၊ အခြားလူနေခန်းပေါင်း ၃၆၀ ခန့် ပါဝင်မည် ဖြစ်သည်။
Jeddah Tower ဆောက်လုပ်မှုအတွက် ကန်ဒေါ်လာ ၁ ဒသမ ၈ ဘီလံယံကုန်ကျမည်ဖြစ်ပြီး ၂၀၂၀ ပြည့်နှစ်၊ မတ်လတွင် အပြီးသတ်နိုင်ရန် မျှော်မှန်းထားသည်။
စည်ပင်သာယာရေးနှင့် ကျေးလက်ရေးရာဝန်ကြီးဌာနက အဓိကကဏ္ဍကြီးသုံးရပ်တွင် ဆောက်လုပ်ရေးလုပ်ငန်းများ ဖော်ဆောင်ရန် ရည်မှန်းထားရာ အဆောက်အအုံသစ်များ၊ ရင်ပြင်များနှင့် တူးမြောင်းများ ဖြစ်ကြသည်။
မြို့တော် ရီယာ့ဒ်ရှိ စီမံကိန်းများအနက် စီမံကိန်းကြီး ၄ ခုမှာ အကောင်အထည်ဖော် ဆောက်လုပ်နေဆဲ ဖြစ်သည်။
အိုးအိမ်ဝန်ကြီးဌာနမှ ဆောက်လုပ်သော ဒါဟီယက် အယ်လ် ဖာဆန်စီမံကိန်းတွင် လူနေအိမ်ပေါင်း ၁၀၀၀၀၀ ပါဝင်မည် ဖြစ်သည်။
ယင်းစီမံကိန်းတွင် လူနေအိမ်များ၊ လူနေခန်းများအပြင် ပညာရေးဆိုင်ရာ အဆောက်အအုံများ၊ ကူးသန်းရောင်းဝယ်ရေး အဆောက်အအုံများ၊ သုတေသနနှင့် ဖွံ့ဖြိုးရေး အဆောက်အအုံများ ပါဝင်မည်ဖြစ်သည်။
ဒါဟီယက် အယ်လ် ဖာဆန်စီမံကိန်းအတွက် ကန်ဒေါ်လာ ၂၀ ဘီလီယံကုန်ကျမည်ဖြစ်ပြီး ၂၀၂၀ ပြည့်နှစ် ၊ မတ်လတွင် အပြီးသတ်နိုင်ရန် ရည်မှန်းထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
