မြိတ်ကျွန်းစုသည် မြန်မာနိုင်ငံ၏တောင်ဘက် ကပ္ပလီပင်လယ်ပြင်အတွင်းတည်ရှိကာ ကျွန်းပေါင်း ၈ဝဝ ကျော်ဖြင့် ဖွဲ့စည်းထားပြီး မြန်မာနိုင်ငံ၏ တစ်ခုတည်းသော အမျိုးသားအဏ္ဏဝါ ဥယျာဉ်ဖြစ်သည့် လန်ပိကျွန်းတည်ရှိသော ကျွန်းစုတစ်ခုဖြစ်သည်။
လေ့လာသူများ၏ သုတေသနပြုချက်အရ ကုန်းမြေနှင့် ရေစပ်များတွင် ပေါက်
ရောက်သော အမြဲစိမ်းသစ်တောအမျိုးအစား ၁၉၅ မျိုး၊ ဒီရေတောနှင့် သဲခုံတော သဘာဝပေါက်ပင်အမျိုးအစား ၆၃ မျိုး ရှင်သန်ပေါက်ရောက်သည်။ မြိတ်ကျွန်းစုအတွင်းရှိ သန္တာကျောက်တန်းများတွင်လည်း နို့တိုက်သတ္တဝါ ၁၉ မျိုးနှင့် သွေးအေး၊ သွေးနွေးသတ္တဝါမျိုးစိတ် မြောက်မြားစွာ နေထိုင်ကျက်စားလျက်ရှိသော ဒေသကြီးဖြစ်သည့်အပြင် ဆလုံလူမျိုးများနှင့် ဆောင်းရာသီနှင့်နွေရာသီတွင် 'ကဗန်း' လှေပေါ်တွင် နေထိုင်၍ ရေထွက်ပစ္စည်းများကိုရှာဖွေကာ အသက်ရှင်သန်နေထိုင်မှုဘဝပုံစံသည်လည်း ပြည်တွင်းပြည်ပခရီးသွားများအတွက် ဆွဲဆောင်မှု
တစ်ရပ် ဖြစ်သည်။
ဟိုတယ်နှင့်ခရီးသွားလာရေးဝန်ကြီးဌာန၏ကြီးကြပ်မှု၊ ခရီးသွားကုမ္ပဏီများ၏ စီစဉ်ဆောင်ရွက်မှုဖြင့် ဖေဖော်ဝါရီလအတွင်း ခရီးစဉ်စုစုပေါင်း ၇၉ ခုကို ကမ္ဘာလှည့်ခရီးသည် ၆ဝ၄ ဦးလိုက်ပါလျက် ထိုင်းနိုင်ငံသားပိုင် စက်တပ်ရွက်လှေ ၃၅ စင်းနှင့် မြန်မာနိုင်ငံသားပိုင် စက်တပ်ရွက်လှေသုံးစင်း စုစုပေါင်းစက်တပ်ရွက်လှေ ၃၈ စင်းတို့ဖြင့် ကော့သောင်းခရိုင်အတွင်းရှိ အောက်ကျွန်းနီကျွန်း၊ မြန်မာ
ဘန့်၊ မြောက်တော်ဝင်ကျွန်း၊ တောင်တော်ဝင်ကျွန်း၊ နာနတ်သီးကျွန်း၊ ကျွန်းဖီလာကျွန်း၊ ခရင်းခွကျွန်း၊ ၁၁၅ ကျွန်း၊ ငမန်းကျွန်း၊ မျောက်နီကျွန်း၊ သရဲကျွန်း၊ ကြက်မောက်ကျွန်း၊ လန်ပိကျွန်း၊ လိုဏ်ဂူကျွန်း၊ စေတန်ကျွန်း၊ တောင်လ
ပို့ကျွန်း၊ ၂၅၄ ကျွန်း၊ ၂၅၆ ကျွန်း၊ ကိုဖော့ကျွန်း၊ တာယာကျွန်း၊ ညောင်ဦးဖီးကျွန်း၊ နတ်သမီးရေတွင်းကျွန်း၊ ဒုံးရေတံခွန်၊ ဗိုလ်ချိုကျွန်းများသို့ လာရောက်လည်ပတ်ခဲ့ကြသည်။
တနင်္သာရီတိုင်းဒေသကြီး မြိတ်ကျွန်းစုအတွင်းသို့ ၂ဝ၁၅ ခုနှစ်တွင် စက်တပ်ရွက်လှေခရီးစဉ် ၃၉၆ ခု နှင့် ကမ္ဘာလှည့်ခရီးသွား ၃၂၇ဝ လာရောက်ကာ ၂ဝ၁၆ ခုနှစ်တွင် စက်တပ်ရွက်လှေခရီးစဉ် ၄၇ဝ ခုနှင့် ကမ္ဘာလှည့်ခရီးသွား ၃၉၆၁ ဦးဝင်ရောက်ခဲ့သဖြင့် ၂ဝ၁၆ခုနှစ်တွင် ရာခိုင်နှုန်းအားဖြင့် ၁၇ ဒသမ ၄၄ ရာခိုင်နှုန်း တိုးတက်ခဲ့သည်။
၂ဝ၁၇ ခုနှစ် ဇန်နဝါရီလမှ ဖေဖော်ဝါရီလအထိ စက်တပ်ရွက်လှေခရီးစဉ် ၁၆၆ ခုနှင့် ဧည့်သည် ၁၃၉၇ ဦး ဝင်ရောက်ခဲ့ပြီးဖြစ်သည်။ ၂ဝ၁၆ခုနှစ် ဖေဖော်ဝါရီလတွင် စက်တပ်ရွက်လှေခရီးစဉ် ၇၄ ခု နှင့် ဧည့်သည် ၅၁၈ ဦး ဝင်ရောက်ခဲ့ပြီး ၂ဝ၁၇ခုနှစ် ဖေဖော်ဝါရီလတွင် စက်တပ်ရွက်လှေ ခရီးစဉ် ၇၉ ခုနှင့် ဧည့်သည် ၆ဝ၄ ဦးတို့ ဝင်ရောက်ခဲ့သဖြင့် ယခင်နှစ်ကထက် ပိုမိုဝင်ရောက်ခဲ့သည်။
ကမ္ဘာလှည့်ခရီးသွားဧည့်သည်များသည် အပြည်ပြည်ဆိုင်ရာ လေကြောင်း၊ ကုန်း
ကြောင်း၊ ရေကြောင်းခရီးစဉ်များသာမက နယ်စပ်ဖြတ်ကျော် ခရီးစဉ်များဖြင့် မြန်မာနိုင်ငံ၏ သာယာလှပရှုခင်းများ၊ ရှေးဟောင်းယဉ်ကျေးမှုလက်ရာများ၊ လက်မှုပညာလုပ်ငန်းများ၊ တိုင်းရင်းသားများ၏ ရိုးရာဓလေ့စရိုက်နှင့် နေထိုင်မှုပုံစံများကို သိရှိထိတွေ့ခံစားလို၍ လာရောက်ကြသကဲ့သို့ တနင်္သာရီတိုင်းဒေသ
ကြီးအတွင်းရှိ ခွင့်ပြုကျွန်းစုများသို့လည်း အပန်းဖြေခြင်း၊ ငါးမျှားခြင်း၊ ရေအောက်ရှုခင်း ကြည့်ရှုခြင်း၊ ရေကူးခြင်း၊ ဆလုံတိုင်းရင်းသားများ၏ ဘဝများကို လေ့လာခြင်းများဖြင့် ယခင်ကထက် လာရောက်လည်ပတ်လျက်ရှိကြောင်း သိရသည်။
Credit: The Mirror
