တန်ဖိုးနည်း ၊ တန်ဖိုးသင့် ၊ တန်ဖိုးမျှတ လို့ ဆိုတဲ့ တိုက်ခန်းတွေ နဲ့ ပက်သက်ပြီး ၂၀၁၀ ကနေ ၂၀၁၅ ခုနှစ်အတွင်းမှာ မြန်မာနိုင်ငံ အနှံ့အပြားမှာ တော်တော်များများ ဆောက်ခဲ့ကြပါတယ် ။ ပြည်သူတွေ ကြားမှာလည်း အိမ်ရာလိုအပ်ချက်ကြောင့် အလုအယက် လျှောက်လွှာတင်ကြ ၊နည်းလမ်းပေါင်းစုံ နဲ့ ကြိုးစားခဲ့ကြပါတယ် ၊ ဒါပေမယ့် ဆောက်ပြီးတိုက်ခန်းတွေ ရဲ့အရည်အသွေးနဲ့ ပက်သက်ပြီး ဘယ်သူတွေမှ ရေရေရာရာ အရေးတယူ လုပ်ပြောဆိုတာ မရှိခဲ့ပါဘူး ။ ပြောလည်းမပြောခဲ့ကြပါဘူး ။ အခုဆိုရင် နှစ်နှစ် သုံးနှစ်လောက်ဘဲ သက်တမ်းရှိသေးတဲ့ တိုက်တွေမှာ အက်ကွဲကြောင်းတွေ ၊ ရေမြောင်းတွေ ပျက်စီးတာ ၊ ငရုတ်သီးထောင်းလိုက်တာနဲ့ အောက်ခန်းက မျက်နှာကြက်ကနေ ဘိလပ်မြေမှုတွေ ကျလာလို့ အပေါ်ထပ် အောက်ထပ် စကားများရတာတွေ ၊ လှေကားခွင်တွေ ပျက် ၊ မိုးတွင်းဆို ရေတွေဝင်လို့ အတိဒုက္ခရောက်ရတဲ့ဖြစ်ရပ်တွေကတော့ ပုံမှန်ဆိုသလိုဖြစ်နေပါပြီ ၊ ပြည်သူ့အစိုးရလက်ထက်မှာတော့ ဒီလိုအရည်အသွေးနိမ့် ဆောက်ပြီး လူတွေကို အလျင်အမြန်တက်နေခိုင်းတဲ့ စနစ်ကို
လက်မခံတော့ပါဘူး ။ ငလျင် အင်အား ရက်ချက်တာစကေး ၄ ၊
ဒါမှမမဟုတ် ၅ အဆင့်လောက်လှုပ်လိုက်မယ်ဆိုရင်တောင် ဒီတိုက်တွေရဲ့ ကြံခိုင်ရည်ကို ဘယ်သူအာမခံချက်ပေးမလဲ
ဆိုတာ မေးခွန်းထုတ်လိုပါတယ် ။
ကုမ္မဏီတွေက တောင်းတဲ့ တစ်ပေပတ်လည်နှုန်းထားကို နိုင်ငံတော်က ပေးချေပြီးမှ ဆောက်လုပ်ခိုင်း
တာဖြစ်ပါတယ် ၊ နိုင်ငံတော်ကလည်း ပြည်သူတွေကို အရစ်ကျ ၊ လက်ငင်းငွေချေစနစ်နဲ့ နေထိုင်ခွင့် ချထားပေးတာဖြစ်လို့ ငွေတကယ် အမှန်ကုန်ကျ ပေးချေရတာ ပြည်သူဘဲဖြစ်ပါတယ် ၊ ဒါကြောင့်လည်း ထိုက်သင့်တဲ့ တန်ဖိုးကို ရယူထားပြီဆိုရင် အမှန်တကယ် စိတ်ကောင်းစေတနာ ထားပြီး အရည်အသွေးမှီ ဆောက်ပေးရမှာ ကန်ထရိုက်တာတွေမှာ တာဝန်ရှိပါတယ် ။ အလုပ်ရချင်ဇောနဲ့ မဖြစ်နိုင်တဲ့ ဈေးနဲ့ ဆောက်ခဲ့တယ် ဆိုတဲ့ အကြောင်းပြချက်ကတော့ ပွင့်လင်းမြင်သာတဲ့ ဒီမိုကရေ စီခေတ်မှာ အစိုးရကော ပြည်သူကော လက်မခံတော့ပါဘူး ။
ပြည်သူ့အစိုးရလက်ထက်မှာတော့ ရန်ကုန်က နာမည်ကြီး အဌားအိမ်ရာစီမံကိန်း တစ်ခု နဲ့ ရဲ့အရည်အသွေးနဲ့ ပက်သက်ပြီး လွှတ်တော်ကိုယ်စာလှယ်တွေ အကြားမှာကော ၊ အိမ်ခြံမြေ အသိုင်းအ၀ိုင်းမှာကော ၊ ပါဝင်ပက်သက်တဲ့ ပြည်သူတွေ ကြားမှာပါ သို့လောသို့လော နဲ့ သတင်းတွေထွတ်ပေါ်နေပါတယ် ။
အရင်အစိုးရလက်ထက်က ဆောက်ခဲ့တဲ့ အဌားအိမ်ရာစီမံကိန်း ကို အမှန်တကယ် လူနေဖို့ စီစစ်တဲ့ အချိန်မှာ တိုက်တွေမှာ အက်ကွဲကြောင်းတွေ တွေ့တာတို့ ၊ ရေပိုက် ရေစက်တွေ မကောင်းတာတို့ ၊ ကြမ်းခင်းမညီညာတာတို့ ယုတ်စွ အဆုံး မိလ္လာစနစ်က အစ အဆင်မပြေဘူးလို့ သတင်းတွေ ထွတ်လာပါတယ် ၊ဘီလီယံ ၂၀ သုံးခဲ့တယ့် စီမံကိန်းကြီးဖြစ်ပေမယ့်လည်း ပြည်သူတွေ နေထိုင်ဖို့ စီစစ်တဲ့ အခါမှတော့ ပြသနာပေါင်းစုံ တွေ့ရပြီး အရင်လုပ်ခဲ့တဲ့ ကန်ထရိုက်ဟောင်းတွေကို ပြန်ခေါ်ပြီး လုပ်ခိုင်းရတဲ့ အထိ အရုပ်ဆိုးခဲ့ပါတယ် ။ ပြသနာ ဖြစ်လာမှ သူ့လွှဲချ ကိုယ့်လွှဲချ လုပ်နေကြပေမယ့် သေချာတာစ်ခုကတော့ ပြည်သူ့အခွန်ငွေ နိုင်ငံတော်ဘဏ္ဍာနဲ့ ထည့်ဝင်လိုက်ရတဲ့ ငွေကြေး ဘီလီလျံ ၂၀ နဲ့ တူတန်တဲ့ အရည်အသွေးတူ တိုက်ခန်းတွေ မရခဲ့တာတော့ သေချာပါတယ် ၊ ဒါတောင် စီမံကိန်းတစ်ခု အတွက်သာ ဖြစ်ပြီး အဆောက်အအုံ ပြီးလို့ လူတွေ တက်နေနေတဲ့ စီမံကိန်းတွေ ဘယ်နှစ်ခု လောက် ရှိမလဲ ဆိုတာတော့ ကာယကံရှင်တွေဘဲ သိနိုင်မှာဖြစ်ပါတယ် ။
NLD အစိုးရလက်ထက် နာမည်ကြီးလွှတ်တော်ကိုယ်စားလှယ် တစ်ယောက်ကတော့ သူ့မြို့နယ်ထဲမှာ ဆောက်ထားခဲ့တယ့် ဒီအိမ်ရာစီမံကိန်း နဲ့ ပက်သက်ပြီး ပေးလိုက်တဲ့မှတ်ချက်ကတော့ မှတ်သားစရာ ကောင်းသလို သတိထားဆင်ခြင်စရာ လည်ကောင်းပါတယ် ။'' တန်ဖိုးနည်းဆိုပြီး တန်ဖိုးမထားဘူး ဆိုတဲ့ '' စကားလေးဖြစ်ပါတယ် ။
အလားတူ အရည်အသွေးနိမ့် အိမ်ရာစီမံကိန်းတွေမှာလူနေထိုင်နေတဲ့ မိသားစုထောင်ပေါင်းများစွာရဲ့ တိုက်ခန်းအရေည်အသွေးနဲ့ပက်သက်ပြီး ရင်ထဲက ထွတ်လာမယ့် ရင်တွင်းစကားသံတွေလည်း တကယ်နားထောင်မယ်
ဆိုရင် နည်းမှာ မဟုတ်ပါဘူး ။
ပြည်သူ့အစိုးရလက်ထက်မှာတော့ အိမ်ရာစီမံကိန်းတွေ ရဲ့ အရည်အသွေးနဲ့ ပက်သက်ပြီး အသေအချာစီစစ်တဲ့အပြင် ပေးရတဲ့ ပိုက်ဆံနဲ့ ကာမိတဲ့ အရည်အသွေး နဲ့ ပက်သက်ပြီး အသေအချာ လုပ်လာတာကြောင့် အဖြစ်လုပ်ခဲ့တယ့် လူတွေ ကော့နေအောင် ခံစားရပါတယ် ။ တာဝန်ယူမှု တာဝန်ခံမှု ရှိတဲ့ အစိုးရ ဖြစ်တာကြောင့်လည်း အရင်လို တန်ဖိုးနည်း အိမ်ရာဆောက်ပြီးလို့ ဆေးတောင် မခြောက်ခင် လူနေခိုင်းလိုက်တဲံ စနစ်ဆိုးအစား ၊ အိမ်ရာပြီးတာနဲ့ အသေအချာ စီစစ်ပြီးမှ လူတက်နေခိုင်းတဲ့ စနစ်ကို ပြောင်းလိုက်တဲ့ အတွက်ကြောင့် ရေသာခို ၊ အရည်အသွေးခို ဆောက်လုပ်တယ့် ခေတ်က ကုန်သလောက်ဖြစ်သွားတာ ကန်ထရိုက်တာ လောကသားတွေ အသိဖြစ်ပါတယ် ။
အစိုးရသစ်လက်ထက် မှာ ပြန်လည်စီစစ်လိုက်တဲ့ အိမ်ရာစီမံကိန်းကလည်း ၂၀၁၅ နိုဝင်ဘာ ရွေးကောက်ပွဲအပြီး ၂၀၁၆ ဇန်န၀ါရီလ ဆန်းမှာ တက်သုတ်ရိုက်ဆောက်ခဲ့တဲ့အဌားအိမ်ရာစီမံကိန်းဖြစ်ပြီး မတ်လ ၃၁ ရက်နေ့မှာ အပြီးသတ် အချိန်တိုအတွင်းအမြန် ဆောက်လုပ်ခဲ့တဲ့ အတွက် ကမ္ဘာစံချိန်ကို မြန်မာချိုးတယ်လို့တောင် သုံးသပ်လို့ ရပါတယ် ။
နောက်ဆုံးပိတ် ဆွမ်းကြီလောင်းခဲ့တယ်လို့ဘဲပြောပြော ၊ ဇီးသီးဗန်းမှောက်တယ်လို့ဘဲ ဆိုဆို အရင်အစိုးရလူဟောင်း အချို့နဲ့ ဆောက်လုပ်ရေး ကုမ္မဏီ ၂၆ ခု ၀ိုင်းပြီး အားပေးခဲ့တယ့် စီမံကိန်းဖြစ်ပါတယ် ။ ပြည်သူ့ အစိုးရ လက်ထက် မှာတော့ ဒီစီမံကိန်း ပြီးစီးပြီ ဖြစ်တဲ့ အတွက် လူနေထိုင်ဖို့ သင့်မသင့် စီစစ်တဲ့ အခါမှာတော့ စိတ်ပျက်လက်ပျက်ဖြစ်လို့ လက်ရှိ ရန်ကုန်ဝန်ကြီးချုပ် နဲ့ အစိုးရက ကုမ္မဏီတွေကို ပြန်ခေါ်ခိုင်းပြီး ပြင်ခိုင်းတယ်လို့ သတင်းထွတ်လာပါတယ် ။
ဒီဇာတ်လမ်းက ရန်ကုန်ရဲ့ အိမ်ရာစီမံကိန်းပေါင်းများစွာ ထဲကတစ်ခုသာ ဖြစ်ပြီး အလားတူ အိမ်ရာစီမံကိန်း တွေမှာ ၊ ပြီးစီးသွားတဲ့ အိမ်ရာစီမံကိန်းတွေမှာလည်း အလားတူ ပြသနာ လေးတွေ တွေရှိကောင်းရှိနိုင်ပါတယ် ။
ပြီးစီးလို့ လူနေထိုင်နေပြီဖြစ်တဲ့ တန်ဖိုးနည်းအိမ်ရာစီမံကိန်း တစ်ချို့ ပျက်စီးမှု တွေ ရှိလာတာ၊ ဆောက်လုပ်ပြီးတာ အချိန်တိုတိုလေး အတွင်းမှာ မထင်မှတ်လောက်အောင် ပျက်စီးမှု တွေ ဖြစ်လာတဲ့ ကိစ္စတွေ ၊ အပေါ်ဆုံးထပ် အခန်းတွေဆို ခေါင်မိုး မိုးမလုံလို့ ဒုက္ခပင်လယ်ဝေနေတဲ့ မိသားစု အများကြီးရှိပါတယ် ၊ အဓိကကတော့ စေတနာဖြစ်ပါတယ် ၊ မှန်ကန်မျှတတဲ့ ဈေးနှုန်းတစ်ခုနဲ့ ဆောက်လုပ်ခွင့်ခဲ့မယ် ဆိုရင် ထိုက်သင့်တဲ့ အခကြေးငွေ ရပြီးဖြစ်တဲ့ အတွက် တူတန်မျှော်မှန်တဲ့
အရည်အသွေး ၊ လုပ်အားပေးဆပ်မှု ကတော့ လုပ်ပေးရမှာ ကန်ထရိုက်တာတွေရဲ့ တာဝန်သာ ဖြစ်ပါတယ် ။
တရားစွဲတဲ့ အလေ့အကျင့် ထွန်းကားတဲ့ အနောက်နိုင်ငံတွေမှာဆိုရင်တော့ အစိုးရက တရားမစွဲဖြစ်ခဲ့ရင်တောင် အရည်အသွေးမမှီ ဆောက်လုပ်ထားတဲ့ အတွက် နေထိုင်သူတွေက ဆောက်ခဲ့တဲ့ ကုမ္မဏီတွေကို တရားစွဲပြီး နစ်နာကြေးငွေ ဒေါ်လာသန်းနဲ့ ချီတောင်းတာ ကမ္ဘာမီဒီယာတွေမှာ ခဏခဏတွေ့မြင်နေရတဲ့ ထူးမဆန်းတဲ့ သတင်းဖြစ်ပါတယ် ၊ ကျွန်တော်တို့ မြန်မာလူမျိုးတွေရဲ့ ထုံးစံအတိုင်း ရုံးပြင်ကနား
မသွားချင်တာရယ် ၊ တရားရုံးတို့ ရဲတို့နဲ့ မပက်သက်ချင်တာရယ် ၊ ရှည်လျားလှတဲ့ လုပ်ထုံးလုပ်နည်း စနစ်တွေကြောင့် တော်ရုံတန်ရုံ
ပြသနာကို အတိတ်ဘ၀က ၀ဋ်ကြွေးရှိလို့ ခံရတဲ့ ပုံစံမျိုး ၊ ကိုယ့်ပြသနာ ကိုယ်ဖြေရှင်းမယ်ဆိုတဲ့ စိတ်ထားမျိုးနဲ့ သည်းခံနေကြတာဖြစ်ပါတယ် ။
စီးပွားရေး ပွင့်လင်းလာပြီး အနောက်နိုင်ငံတွေ ၊ ဖွံ့ဖြိုးပြီး အာရှနိုင်ငံက ဆောက်လုပ်ရေး ကုမ္မဏီတွေ ပြည်တွင်းကို
ဝင်လာကြပါတယ် ၊ ပြည်တွင်းက ဆောက်လုပ်ရေး ကုမ္မဏီတွေနဲ့ လက်တွဲ ဆောက်လုပ်ကြတာတွေလည်း အထိုက်အလျောက် ရှိပါတယ် ၊ တူတန်မျှတတဲ့ နှုန်းထားကို လည်းပေးပါတယ် ၊ အရည်အသွေးမမှီဘူးဆိုရင်တော့ ဘယ်လောက်ဘဲ ရင်းနှီးမြုပ်နှံထားတဲ့ အဆောက်အအုံ ဖြစ်ပါစေ အားမနာပါဘူး ချက်ခြင်း ပြန်ဖျတ်ခိုင်းတက်ပါတယ် ၊ အရည်အသွေးကို တန်ဖိုးထားတက်တဲ့ စနစ်ဖြစ်ပါတယ် ။
ဒါကြောင်လည်း တစ်နေ့တာ အလုပ်ခွင်ထဲမှာ မောပန်းနွမ်းနယ်ပြီး အိမ်ပြန်လာတဲ့ ပြည်သူတွေ
စိတ်ချလက်ချနေနိုင်အိပ်စက်နိုင်အောင် အရည်အသွေးကောင်းကောင်းနဲ့ စေတနာ ထားဆောက်လုပ်ကြဖို့ တိုက်တွန်းလိုက်ပါတယ် ။
ကိုချစ်ခင် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
