တန်ဖိုးနည်းအိမ်ရာများ ဆောက်လုပ်ရန် ဆောက်လုပ်ရေး လုပ်ငန်းရှင်များ အသင်းနှင့် စင်ကာပူအခြေစိုက် ကုမ္ပဏီတို့ လက်မှတ်ရေးထိုး

ရန်ကုန်တိုင်းဒေသကြီးအတွင်း၌ တန်ဖိုးနည်းအိမ်ရာများကို အကောင်အ ထည်ဖော် ဆောင်ရွက်ရန်အတွက် မြန်မာနိုင်ငံဆောက်လုပ်ရေးလုပ်ငန်းရှင်များအသင်း (MCEA) နှင့် စင်ကာပူ အခြေစိုက် ဆောက်လုပ်ရေး လုပ်ငန်း ဆိုင်ရာ နည်းပညာ အကြံပေးကုမ္ပဏီတစ်ခုဖြစ်သည့် Surbana Jurong ကုမ္ပဏီတို့ပူး ပေါင်းအကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။

ယင်းကဲ့သို့ ပူးပေါင်းဆောင်ရွက်နိုင်ရန် အတွက် မြန်မာနိုင်ငံ ဆောက် လုပ်ရေး လုပ်ငန်းရှင်များအသင်းနှင့် Surbana Jurong ကုမ္ပဏီတို့သည် မတ် ၃ ရက်က ရန်ကုန်မြို့၊ ဆူးလေ ရှန်ဂရီလာ ဟိုတယ်တွင် နားလည်မှု စာချွန်လွှာ (MoU) လက်မှတ် ရေးထိုးခဲ့ကြသည်။ မြန်မာနိုင်ငံဆောက် လုပ်ရေး လုပ်ငန်းရှင်များအသင်း ဥက္ကဋ္ဌ ဦးသာဌေးက ''ကျွန်တော်တို့ MCEA က နိုင်ငံရဲ့အနေအထား အချက်အလက်တွေကို ပံ့ပိုးပေးပြီး Surbana Jurong ရဲ့ဒီဇိုင်းနဲ့ နည်းပညာတွေကို အသုံးပြုပြီး နေချင်စဖွယ်လူနေမှု အင်္ဂါ ရပ် များနှင့်ပြည့်စုံသည့် တန်ဖိုး နည်းအိမ်ရာများကို တည်ဆောက်သွားမှာပါ'' ဟု အဆိုပါအခမ်းအနားတွင်ပြောကြားခဲ့သည်။ ယင်းကဲ့သို့ MCEA နှင့် Surbana Jurong တို့ပူးပေါင်းမှုမှာ တန်ဖိုးနည်းအိမ်ရာ စီမံကိန်းများအတွက် သာမက အထူးစီးပွားရေးဇုန် ဆိပ်ကမ်းများ၊ အခြေခံအဆောက်အအုံများ၊ အဝေးပြေးလမ်းမများ၊ စက်မှုဇုန်ဖွံ့ဖြိုးရေးလုပ်ငန်းများတွင် ပါပူးပေါင်းဆောင် ရွက်သွားမည်ဖြစ် ကြောင်း သိရသည်။

Surbana Jurong ကုမ္ပဏီမှ CEO Mr. Teo Eng Cheong က ''ပြည်ထောင် စု အစိုးရအနေဖြင့် ၂ဝ၃ဝ ဖွံ့ဖြိုးရေးစီမံကိန်းအရ အိမ်ခြေတစ်သန်း အကောင် အထည်ဖော်ရေးအ တွက်ကြိုးပမ်းလျက်ရှိပါတယ်။ ကျွန် တော်တို့ ရဲ့ယခုစာချွန်လွှာဟာ အစိုးရရဲ့မျှော်မှန်းချက်ကို တစ်စိတ်တစ် ဒေသအနေနဲ့ အားဖြည့်ပေးသွားမှာပါ''ဟု ပြောကြားခဲ့သည်။ Surbana Jurong ကုမ္ပဏီ သည် မြန်မာနိုင်ငံတွင် ၂ဝ၁၃ခုနှစ် အစပိုင်းမှစတင်ကာ လုပ်ငန်းများ စတင် ခဲ့ပြီး ပထမဆုံးစီမံကိန်းအဖြစ် ဆောက်လုပ်ရေးဝန်ကြီးဌာနနှင့် ပူး ပေါင်း၍ ဒဂုံဆိပ်ကမ်းမြို့နယ်တွင် ရတနာနှင်းဆီအိမ်ရာကိုဆောက်လုပ်ခဲ့ပြီး၊ ယခု အခါ မြန်မာနိုင်ငံအတွင်း စီမံကိန်းပေါင်း ၇ဝ ကျော်လုပ်ကိုင်လျက်ရှိကြောင်း သိရသည်။


Credit: Democracy Today