အွန်လိုင်းကနေ ရွှေ၊ ဒေါ်လာ အရောင်းအဝယ်ပြုလုပ်တာတွေကို မြန်မာနိုင်ငံ ဗဟိုဘဏ်က ပြည်ထဲရေး ဝန်ကြီးဌာနနဲ့ ပူးပေါင်းစစ်ဆေးနေတယ်လို့ မြန်မာနိုင်ငံဗဟိုဘဏ် ဒုတိယဥက္ကဋ္ဌ ဦးဆက်အောင်က ပြောပါတယ်။
အွန်လိုင်းကနေ နိုင်ငံခြားငွေလဲလှယ်တဲ့ လုပ်ငန်းတွေမှာ မြန်မာနိုင်ငံ ရင်းနှီးမြှုပ်နှံမှု ကော်မရှင်မှာ လုပ်ငန်းလုပ်ကိုင်ခွင့်လျှောက်ပြီး ကုမဏီမှတ်ပုံတင်ယူကာ ဘဏ္ဍာရေးဝန်ကြီးဌာန ခွင့်ပြုချက်နဲ့ တရားဝင်လုပ်ငန်းလုပ်ကိုင်နေတာတွေလည်း ရှိပါတယ်။ တရားဝင်မှတ်ပုံမတင်ဘဲ ဆောင်ရွက်နေတဲ့ လုပ်ငန်းတွေလည်း ရှိ တယ်လို့ သိရပါတယ်။
အွန်လိုင်းဈေးကွက်က သည်နှစ်ပိုင်းတွေမှာ တစ်ဟုန်ထိုး တိုးတက်လာတာနဲ့ အတူ လူသုံးကုန်ပစ္စည်းမျိုးစုံအပြင် ရွှေထည်ပစ္စည်းတွေကိုပါ ရောင်းချလာကြတာပါ။
ပြည်တွင်း ရွှေဆိုင်ဖွင့်လှစ်ထားသူတွေက ဈေးကွက်ချဲ့ထွင်တဲ့အနေနဲ့ အွန်လိုင်းကနေ ရောင်းချတာရှိသလို အပြင်မှာ ရတနာဆိုင်မဖွင့်ဘဲ အွန်လိုင်းသီးသန့် ရောင်းချတာတွေလည်း ရှိပါတယ်။
ဦးဆက်အောင်က “ဒေါ်လာ၊ ရွှေကို အွန်လိုင်းအရောင်းအဝယ်လုပ်တဲ့ကိစ္စနဲ့ ပတ်သက်ပြီး ပြည်ထဲရေးနဲ့လဲ ပူးပေါင်းပါတယ်၊ ဖြစ်လာတဲ့ပေါ်မှာ ဒီကိစ္စက တရားဝင်လား တရားမဝင်လားဆိုတာ ကျွန် တော်တို့က သဘောထားမှတ်ချက်တွေ ပေးပါတယ်”လို့ ပြောပါတယ်။
ရွှေနဲ့ဒေါ်လာ အွန်လိုင်းအရောင်းအဝယ်လုပ်တဲ့ လုပ်ငန်းတွေကို တရားဝင်လုပ်ကိုင်တာ ဟုတ်မဟုတ် စစ်ဆေးပါတယ်။ လက်ရှိမှာ တရားဝင်လုပ်ကိုင်နေပြီး နောက်ပိုင်းမှာ အများပြည်သူကို ထိခိုက်နိုင်ခြေရှိတဲ့လုပ်ငန်းတွေကိုလည်း စစ်ဆေး အရေးယူမှာပါ။
သည်လုပ်ငန်းက လက်ရှိ green ဧရိယာထဲမှာ ရှိနေတယ်လို့ ဗဟိုဘဏ်က မှတ် ချက်ပေးထားတယ်။ သည်လုပ်ငန်းကို ဆက်လုပ်နေရင်တော့ ပြည်သူလူထုကို ထိခိုက်စေတယ်လို့ မှတ်ချက်ပေးထားတဲ့ လုပ်ငန်းတွေကို ပြည်ထဲရေးဝန်ကြီးဌာန က အရေးယူမှာပါ။
အရေးယူတဲ့အပိုင်းကတော့ အုပ်ချုပ် ရေး ယန္တရားနဲ့သက်ဆိုင်လို့ ပြည်ထဲရေး ဝန်ကြီးဌာနကပဲ ဆောင်ရွက်မှာဖြစ်ပြီး မြန်မာနိုင်ငံ ဗဟိုဘဏ်ကတော့ ပူးပေါင်းကူညီ ပေးတာလို့ ဦးဆက်အောင်က ရှင်းပြတယ်။
Credit: Kumudra
