ကာတာနိုင်ငံ၏မြို့တော် ဒိုဟာအနီးတွင် လူ ၈၀၀၀၀ ၀င်ဆန့်သည့် Lusail အမည်ရှိ အားကစားကွင်းကြီးကို ဆောက်လုပ်မည်ဖြစ်ရာ အဆိုပါကွင်းဆောက်လုပ်ရန်အတွက် ကာတာထိပ်တန်းဆောက်လုပ်ရေးကုမ္ပဏီ HBK Contracting နှင့် တရုတ်ရထားလမ်း ဆောက်လုပ်ရေး ကော်ပိုရေးရှင်း (CRCC) တို့က ပူးတွဲဆောက်လုပ်ရန် ကန်ထရိုက်ရရှိသွားကြောင်း အရှေ့အလယ်ပိုင်း အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
Lusail အားကစားကွင်း၏ ဒီဇိုင်းကို ရေးဆွဲပေးသည်မှာ ဗြိတိန်ဗိသုကာအဖွဲ့ဖြစ်သော Foster + Partners မှ ဖြစ်သည်။
ဒိုဟာမြို့မြောက်ဘက် ၂၀ ကီလိုမီတာ အကွာအဝေးတွင် တည်ရှိသော Lusail မြို့သစ်ကြီးတွင် ဆောက်လုပ်မည်ဖြစ်ပြီး အဆိုပါမြို့သစ်ကြီးကို ကန်ဒေါ်လာ ၄၅ ဘီလီယံအကုန်အကျခံ၍ တည်ဆောက်ထားခြင်း ဖြစ်သည်။
အားကစားကွင်း ဆောက်လုပ်မှုများကို လာမည့် ၂၀၂၀ ပြည့်နှစ်တွင် အပြီးသတ်ဆောက်လုပ်နိုင်မည်ဟု ရည်မှန်းထားပြီး ၂၀၂၂ ဖီဖာ ကမ္ဘာ့ဖလား (ကာတာ) ၏ ဖွင့်ပွဲနှင့် ဗိုလ်လုပွဲများ လက်ခံကျင်းပမည် ဖြစ်သည်။
Lusail မြို့ အနောက်ဘက်စွန်း အမြန်လမ်းမကြီးအနီးရှိ စတုရန်းတစ်ကီလိုမီတာ ကျယ်ဝန်းသည့် မြေကွက်ပေါ်တွင် ဆောက်လုပ်မည် ဖြစ်သည်။
နောက်ပိုင်းတွင် ယင်းနေရာကို ဇာတ်ရုံခရိုင်အဖြစ် ပြောင်းလဲသွားမည်ဖြစ်ပြီး အရှေ့အလယ်ပိုင်းတွင် ပထမဆုံးဖြစ်လာမည် ဖြစ်သည်။
ကန်ထရိုက်ရရှိသွားသည့် HBK Contracting ၏ ဥက္ကဌ ရှိတ် အလီ ဘင် ဟာမက် ကေ အယ်လ် သာနီက ပြောကြားရာတွင် “ဒီလို အထင်ကရပြယုဂ်ဖြစ်တဲ့ အားကစားကွင်းကြီးဆောက်ဖို့ ကျွန်တော်တို့ကို ယုံယုံကြည်ကြည်တာဝန်ပေးခဲ့တဲ့အတွက် ကျေးဇူးအများကြီးတင်ပါတယ်။ ဒီလိုသမိုင်းဝင် အမျိုးသားစီမံကိန်းကြီးတစ်ခုမှာ ပါဝင်ရတာ ဂုဏ်ယူမိပါတယ်။ ကျွန်တော်တို့ရဲ့ မိတ်ဘက်ဖြစ်တဲ့ CRCC နဲ့ လက်တွဲပြီး အကောင်းဆုံးကြိုးပမ်းသွားမှာဖြစ်ပြီး သဘောတူညီထားတဲ့ deadlines အတိုင်း ပြီးစီးနိုင်ဖို့လည်း ကြိုးပမ်းသွားမှာ ဖြစ်ပါတယ်” ဟု ပြောကြားသည်။
CRCC အင်တာနေရှင်နယ် လိမိတက် ၏ ဥက္ကဌ ရှုလိုင်က ပြောကြားရာတွင် “တရုတ်နိုင်ငံ၊ အင်ဂျင်နီယာနဲ့ ဆောက်လုပ်ရေးကဏ္ဍမှာ ဦးဆောင်ကုမ္ပဏီတစ်ခုအနေနဲ့ Lusail အားကစားကွင်းကြီးကို ဆောက်လုပ်ရာမှာ ကာတာမိတ်ဘက် HBK နဲ့ လက်တွဲခွင့်ရတဲ့အတွက် ဂုဏ်ယူမိပါတယ်” ဟု ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
