အင်္ဂလန်တွင် ကိုယ်ပိုင်ကျွန်းတစ်ခုလုံးကို တစ်ညလျှင် ပေါင် ၄၀ မျှဖြင့် ငှားရမ်းတည်းခိုနိုင်မည့် ရှားရှားပါးပါးအခွင့်အလမ်းတစ်ခု ပေါ်ပေါက်နေ

28 Feb 2025 11:10 am တွင် တင်ခဲ့သည်

485 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ဇာနည်ကျော်

ကျွန်းတစ်ကျွန်းတွင် သီးသန့် အပန်းဖြေနိုင်ရေးဆိုသည်မှာ မလွယ်လှ။

ကျိကျိတက် ကြွယ်ဝချမ်းသာသူတို့သာ ကျွန်းတစ်ကျွန်းကို ကိုယ်ပိုင်ဝယ်ယူ ပိုင်ဆိုင်နိုင်ကြသည်။

သို့သော် ကိုယ်ပိုင်မဝယ်နိုင်သူများအနေဖြင့်လည်း ငွေအနည်းငယ်မျှ ပေးရုံဖြင့် ချမ်းသာကြွယ်ဝသူတို့၏ ဘဝနေထိုင်မှု ပုံစံမျိုး ရရှိနိုင်မည့် အခွင့်အလမ်းတစ်ခု ပေါ်ပေါက်နေသည်။

သူဌေးကြီး ဆာရစ်ချတ် ဘရန်ဆန်း၏ ကမ္ဘာကျော် Necker Island အမည်ရှိ အပန်းဖြေကျွန်းကြီးနှင့် မယှဉ်နိုင်သော်လည်း အင်္ဂလိပ်ရေလက်ကြားတွင် တစ်ညလျှင် ပေါင် ၄၀ မျှဖြင့် ငှားရမ်းတည်းခိုနိုင်မည့် ကျွန်းတစ်ခု ရှိနေသည်။

ကျွန်း၏ အမည်မှာ လီဟို (Lihou) ဖြစ်ပြီး Guernsey အမည်ရှိ ကျွန်းကြီး၏ အနောက်ဘက်တွင် တည်ရှိသည်။

ကျွန်းမှာ အင်္ဂလန်ထက် စာလျှင် ပြင်သစ်နိုင်ငံနှင့် ပိုမို နီးစပ်သည်။

လန်ဒန်မြို့နှင့် ကီလိုမီတာ ၂၀၀ ကျော် ဝေးကွာပြီး ပြင်သစ်နိုင်ငံမှ အနီးဆုံးမြို့နှင့်ဆိုလျှင် ၇၈ ကီလိုမီတာသာ ဝေးသည်။

လီဟိုကျွန်းပေါ်တွင် အိမ်တစ်လုံးတည်းသာ ရှိသည်။

အဆိုပါ ကျွန်းကို Lihou Charitable Trust က ပိုင်ဆိုင်စီမံခန့်ခွဲသည်။

ကျွန်းပေါ်ရှိ နေအိမ်ရှိရာသို့ ဒီရေကျချိန်တွင် ကျောက်လမ်းတစ်ခုမှသာ သွားရောက်နိုင်သည်။

စမ်းချောင်းမြို့နယ် "ပန်းလှိုင်လုံးချင်းအိမ်"ရောင်းမည်

25,000 သိန်း (ကျပ်)

စမ်းချောင်း | ရန်ကုန်တိုင်းဒေသကြီး

တောင်ဥက္ကလာပမြို့နယ်၊ ကောလိယလမ်းမကြီးပေါ် မြေပိုင်ဆိုင်မှုပါဝင်သည့် အလွှာနိမ့် (ပထမထပ်) အခန်းကျယ် ရေ

2,300 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

(50’ x 90’)အကျယ်၊ လမ်းသစ်လမ်းမအနီးရှိ မြေကွက် အရောင်း။

12,000 သိန်း (ကျပ်)

အင်းစိန် | ရန်ကုန်တိုင်းဒေသကြီး

တစ်လလျှင် ၂ ပတ်မှာ ဒီရေကျသောကာလ ဖြစ်သည်။

အဆိုပါဒေသသည် တချိန်က ပင်လယ်ရေညှိ ထုတ်လုပ်မှု အားကောင်းခဲ့သော နေရာ ဖြစ်သော်လည်း ယခုအခါတွင်မူ လူသူကင်းမဲ့လျက် ရှိသည်။

ကျွန်းပေါ်တွင် အချက်ပြလိုင်းများ မမိသောကြောင့် ကျွန်းပေါ်တွင် တည်းခိုနေထိုင်လိုသူတို့အနေဖြင့် Netflix (သို့မဟုတ်) Spotify တို့နှင့် လမ်းခွဲရမည် ဖြစ်သည်။

နေအိမ်တွင် ရုပ်မြင်သံကြားစက်လည်းမရှိ။

သို့သော် မျက်မှောက်ခေတ် အာရုံထွေပြားသော ကမ္ဘာကြီးနှင့် အဆက်ဖြတ်လိုသူတို့အတွက်မူ ပြီးပြည့်စုံသော နိဗ္ဗာန်ဘုံတစ်ခု ဖြစ်သည်။

(▲ ငှားရမ်းနေထိုင်မည့်သူတို့အနေဖြင့် တစ်ကျွန်းလုံးတွင် မိမိတို့ချည်း သီးသန့် လွတ်လပ်စွာ နေထိုင်နိုင်မည့် အခွင့်အရေး ရရှိမည် ဖြစ်သည်။ ဓာတ်ပုံ-The Lihou Charity LBG)

(▲ သဘာဝအလှတရားများ ဝန်းပတ်ထားသည်။ ဓာတ်ပုံ-The Lihou Charity LBG)

တစ်ကျွန်းလုံးတွင် သီးသန့် နေထိုင်နိုင်မည် ဖြစ်သောကြောင့် အိမ်နီးချင်းများနှင့် ပြဿနာတက်စရာ အကြောင်းလည်း မရှိတော့ချေ။

သို့သော် ကျွန်းပေါ်မှ နေအိမ်ရှိရာသို့ သွားသည့် တစ်မိုင်၏ လေးပုံတစ်ပုံခန့် ရှည်လျားသော ကျောက်လမ်းမှာ လှိုင်းများ အမြဲရိုက်ပုတ်ကာ ချောနေသောကြောင့် မိမိတို့၏ အထုပ်အပိုးများ ပြုတ်မကျစေရန် ဂရုတစိုက် သယ်ဆောင်ရမည် ဖြစ်သည်။

ထို့အပြင် ကျွန်းရှိရာသို့ Delivery ဖြင့် အစားအသောက် မှာယူ၍ မရနိုင်သောကြောင့် လိုအပ်သည့် ရိက္ခာအားလုံး သယ်ယူသွားရမည် ဖြစ်သည်။

သို့သော် ဆူညံပွက်လောရိုက်နေသော နေ့စဉ်လူနေမှု ဘဝမှ ရုန်းထွက်ကာ ဆိတ်ငြိမ်အေးချမ်းမှုကို ခံစားလိုသူများအတွက် သွားရ ကျိုးနပ်မည့် နေရာတစ်ခု ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: You can rent an entire private English island for just £40 a night Photo Credit- The Lihou Charity LBG

ဗဟုသုတ သိမွတ္ဖြယ္ရာ

Share on Facebook

Share on Twitter