ပြည်ပ အိမ်ခြံမြေ သတင်း | Posted by ဇာနည်ကျော်
ကံကြမ္မာတည်းဟူသော ဇာတ်ဆရာက မည်သို့မည်ပုံ ဇာတ်လမ်းဇာတ်ကွက်များ ဖန်တီးထားသည်ကို ကျွန်ုပ်တို့ ကြိုတင်မသိနိုင်ချေ။
လူတစ်ဦးစီ၏ ဘဝခရီးမည်သို့ ဖြတ်သန်းရမည်ဟူသည့် ဘဝဇာတ်ကွက်များကို ကံဇာတ်ဆရာက ကြိုတင်ရေးသားထားပြီး ဖြစ်သည်။
မကြာသေးမီက တရုတ်ပြည်တွင် မီးသတ်သမားလူငယ်တစ်ဦးက ၎င်းအသက်ကယ်ပေးလိုက်သည့် မိန်းကလေးနှင့် ဖူးစာဆုံသွားသည့်ဖြစ်ရပ်မှာ ပြည်မကြီးလူမှုကွန်ရက်၌ နာမည်ကြီးနေသည်။
အံ့ဖွယ်ကောင်းသော ကံတရားကို လူတို့ တဖန်ပြန်လည် ယုံကြည်လာကြသည်။
ဖြစ်ပုံမှာ တရုတ်ပြည် အရှေ့တောင်ပိုင်း ဖူကျန်းပြည်နယ်၊ ဖူကျိုးမြို့ရှိ လူနေတိုက်ခန်းတစ်ခုတွင် အသည်းကွဲနေသော မိန်းကလေးတစ်ဦးက မိမိကိုယ်ကို အဆုံးစီရင်ရန် အဆောက်အအုံထိပ်ဖျားစွန်းတွင် ရပ်နေခဲ့သည်။
အဆိုပါ မိန်းကလေးအား အရေးပေါ်ကယ်တင်ရန် အမိန့်ရလာသောကြောင့် မီးသတ်သမားတစ်ဖွဲ့သည် လူနေတိုက်ခန်းရှိရာ အဆောက်အအုံသို့ သွားရောက်ခဲ့ကြသည်။ ကယ်ဆယ်မည့်သူများ ချဉ်းကပ်လာချိန်တွင် စိတ်လှုပ်ရှားမှု ပြင်းထန်နေသော မိန်းကလေးမှာ အဆောက်အအုံ ဘောင်စွန်းမှ ပြုတ်ကျသွားသော်လည်း ဘောင်စွန်းကို လက်ဖြင့် ဖမ်းဆွဲထားနိုင်ခဲ့သည်။
ထိုအချက်ကို ကြည့်ခြင်းအားဖြင့် သူ၏ အတွင်းစိတ်တွင် အသက်ရှင်လိုစိတ် ရှိနေကြောင်း သိနိုင်သည်။
ထိုအချိန်တွင် ကယ်ဆယ်ရန် ရောက်ရှိလာသော မီးသတ်သမားအဖွဲ့မှတစ်ဦးက ချက်ချင်းပြေးသွားခဲ့ပြီး မိန်းကလေး၏ လက်ကို ဆွဲထားနိုင်ခဲ့သည်။
အပေါ်ထပ်တွင် ကယ်ဆယ်ရေးသမားက လက်ကို ဆွဲထားသည့်နည်းတူ အောက်ထပ်ရှိ ပြတင်းပေါက်မှ တစ်ဦးက မိန်းကလေး၏ ခြေထောက်ကို ခိုင်ခိုင်မြဲမြဲ ဆွဲထားသည်။
ထိုအခြေအနေတွင် ခြေလှမ်းတစ်ချက်ချော်သွားသောကြောင့် မိန်းကလေးမှာ အောက်သို့ လျှောကျသွားခဲ့ရာ အောက်ထပ်ရှိ မီးသတ်သမား ၄ ဦးက မိန်းကလေး၏ ခန္ဓာကိုယ်အောက်ပိုင်းကို ပြတင်းပေါက်မှတဆင့် ဆွဲထားကြရာ မိန်းကလေး၏ ဘောင်းဘီမှာ ခါးပတ်မပါသောကြောင့် လျှောကာ ကျွတ်သွားသည်။
(▲ မိန်းကလေးကို ကယ်ဆယ်စဉ် မီးသတ်သမားတို့မှာ မိန်းကလေး၏ ဘောင်းဘီကို မတော်တဆ ဆွဲချွတ်မိသွားသည်။ ဓာတ်ပုံ-Weibo)
ထိုအချိန်တွင် ဖမ်းမထိန်းပါက မိန်းကလေးမှာ အောက်သို့ ပြုတ်ကျတော့မည်ဖြစ်ရာ မီးသတ်သမားတစ်ဦးမှာ တုံ့နှေးမနေဘဲ မိန်းကလေး၏ တင်ပါးကို လက်ဖြင့် ပင့်မ ပေးထားပြီး ပြုတ်မကျစေရန် ထိန်းထားပေးခဲ့သည်။
သူ၏ ထိုသို့ လျင်မြန်စွာ ထိန်းလိုက်နိုင်မှုကြောင့် မိန်းကလေးမှာ သေကံမရောက်ခဲ့။ အဆိုပါဖြစ်ရပ်ကို တစ်ဖက်တိုက်မှတဆင့် ဝိုင်းဝန်းကြည့်ရှုနေသူတို့က ဗွီဒီယိုရိုက်ကူးကာ လူမှုကွန်ရက်တွင် တင်ခဲ့ကြသည်။
ကယ်ဆယ်ရေးသမားတစ်ဦး၏ တာဝန်မှာ အသက်များ ကယ်တင်နိုင်ရေးအတွက် ဖြစ်နိုင်သမျှ နည်းလမ်းအားလုံး လုပ်ဆောင်ရန် ဖြစ်သည်။
၎င်းတို့၏ စိတ်အာရုံတွင် ကျား၊ မဟူသည့် လိင်ခွဲခြားမှုများ မရှိတော့ချေ။
အဆိုပါ သူရဲကောင်းတို့အတွက် လူ့အသက်များ ကယ်ဆယ်ရေးသာ တာဝန်ဝတ္တရားတစ်ခုအဖြစ် ရှုမြင်ကြသည်။ ဆရာဝန်များကဲ့သို့ပင်တည်း။
ကျား၊ မခွဲခြားမှု ရှိမနေဘဲ ၎င်းတို့၏ စိတ်အစဉ်မှာ ကန်ရေပြင်အလား တည်ငြိမ်၍သာ ရှိကြသည်။
((လက်ထပ်ခဲ့ကြ))
အထက်ပါဖြစ်ရပ်များဖြစ်ပွားပြီး ၃ လကြာသောအခါ မီးသတ်သမားလူငယ်နှင့် မိမိကိုယ်ကို အဆုံးစီရင်လိုခဲ့သည့် မိန်းကလေးတို့ လက်ထပ်ခဲ့ကြသည်။
၎င်းတို့၏ ဇာတ်ပေါင်းခန်းကို ကြည့်ကာ လူမှုကွန်ရက်သုံးစွဲသူတို့က ကံတရား၏ ဆန်းကြယ်မှုကို ရင်သပ်ရှုမော ဖြစ်ခဲ့ကြသည်။
လူမှုကွန်ရက်သုံးစွဲသူတစ်ဦးက အရွှန်းဖောက် မှတ်ချက်ပြုသည်မှာ “ရှင် ကျွန်မရဲ့ ဘောင်းဘီကို ဆွဲချွတ်လိုက်တယ်။ ကျွန်မ ဒီဘဝမှာ တခြားဘယ်သူ့ကိုမှ လက်မထပ်တော့ဘူး” ဟု ဆိုသည်။
(▲ နောင် ၃ လကြာသောအခါ အဆုံးစီရင်ကြိုးစားသည့် မိန်းကလေးနှင့် မီးသတ်သမားလူငယ်တို့ လက်ထပ်ခဲ့ကြသည်။ ဓာတ်ပုံ-Weibo)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Love story unfolds: Chinese woman marries firefighter who saved her life Photo Credit-Weibo