ရိုးမရိပ်သာ တန်ဖိုးနည်းအိမ်ရာမှ တိုက်ခန်းများ ဝယ်ယူရန် လျှောက်ထားလာသည့် လျှောက်လွှာများကို မဲနှိုက်ရွေးချယ်မည်ဖြစ်ကြောင်း မြို့ပြနှင့် အိမ်ရာဖွံ့ဖြိုးရေး ဦးစီးဌာန ထုတ်ပြန်

27 Feb 2025 10:32 am တွင် တင်ခဲ့သည်

770 ကြိမ် ကြည့်ရှု့ပြီး

ပြည်တွင်း အိမ်ခြံမြေ သတင်း | Posted by စည်သူအောင်

ရန်ကုန်တိုင်းဒေသကြီး ၊ ဒဂုံမြို့သစ် ဆိပ်ကမ်းမြို့နယ်၊ ၁၆၈ ရပ်ကွက် ရိုးမရိပ်သာလမ်းပေါ်တွင် ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေး ဦးစီးဌာနမှ တည်ဆောက်ပြီးစီးထားသော ရိုးမရိပ်သာ တန်ဖိုးနည်းအိမ်ရာမှ တိုက်ခန်းများကို ဝင်ငွေ နည်းပါးကာ နေရေးအခက်အခဲရှိသူများအား ရောင်းချပေးရန် စီစဉ်လျက်ရှိသည်။

ရိုးမရိပ်သာ တန်ဖိုးနည်းအိမ်ရာမှ တိုက်ခန်းပေါင်း ၈၇၄ ခန်းကို ရန်ကုန်တိုင်းဒေသကြီး အစိုးရအဖွဲ့၏ ကြီးကြပ်မှုဖြင့် ဝင်ငွေနည်းကာ နေရေးအခက်အခဲရှိသော ပြည်သူများ၊ အငြိမ်းစားဝန်ထမ်းများနှင့် တာဝန်ထမ်းဆောင်ဆဲ ဝန်ထမ်းငယ်များကို ရောင်းချပေးမည်ဟု နိုင်ငံပိုင် သတင်းစာများတွင် ကြေညာခဲ့သည်။

တန်ဖိုးနည်း တိုက်ခန်းအတွက် လျှောက်လွှာများကို ယခုနှစ် ဖေဖော်ဝါရီလ ၁၃ ရက်မှ ၂၁ ရက်နေ့အထိ ရောင်းချပေးခဲ့ကြောင်း၊ စုစုပေါင်း လျှောက်လွှာ ၃၀၀၀၀ ကျော် ရောင်းချခဲ့ရပြီး သတ်မှတ်ကာလတွင် ပြန်လည်တင်ပြသူ ၂၈၀၀၀ ကျော်ရှိခဲ့ကြောင်း မြို့ပြနှင့် အိမ်ရာဖွံ့ဖြိုးရေး ဦးစီးဌာန၏ ထုတ်ပြန်ချက်တွင် ဖော်ပြသည်။

အဆိုပါ ပြန်လည်တင်ပြလာသော လျှောက်လွှာများကို အိမ်ရာရောင်းချရေးကော်မတီမှ စိစစ်ပြီး သတ်မှတ်ချက်နှင့် ကိုက်ညီသည့် လျှောက်လွှာများကို မဲစနစ်ဖြင့် ရွေးချယ်သွားမည်ဟု ဆိုသည်။

ဗဟန်းမြို့နယ် သံသွင်လမ်းသွယ် လုံးချင်းအိမ်အရောင်း / Landed House for Sales Bahan Township in Yangon

0 သိန်း (ကျပ်)

ဗဟန်း | ရန်ကုန်တိုင်းဒေသကြီး

ငွေကြာယံလုံးချင်းတိုက်သစ်ရောင်းမည် RC 3 ထပ်

80,000 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

(38.6’ x 80’)အကျယ်၊ မာလာမြိုင်လမ်းမပေါ် ရှိ လုံးချင်းအိမ် အရောင်း။

38,000 သိန်း (ကျပ်)

ရန်ကင်း | ရန်ကုန်တိုင်းဒေသကြီး

မဲပေါက်သူများကို ဌာနမှ အကြောင်းကြားစာ ပေးပို့သွားမည်ဖြစ်ကြောင်းလည်း မြို့ပြနှင့် အိမ်ရာဖွံ့ဖြိုးရေး ဦးစီးဌာနက ထုတ်ပြန်ထားသည်။

ရိုးမရိပ်သာ တန်ဖိုးနည်း တိုက်ခန်းများကို ၃ လ အကြေပေး အရစ်ကျစနစ်ဖြင့် ရောင်းချပေးခြင်းဖြစ်ပြီး အကြေပေးသွင်းရန် ပျက်ကွက်ပါက ဝယ်ယူခွင့် ပယ်ဖျက်ခံရမည်ဖြစ်သည်။

ဝယ်ယူခွင့် ရရှိပြီးနောက် ငွေအကြေပေးသွင်းပြီးမှသာ တိုက်ခန်း လက်ရောက်အပ်နှံမည်ဖြစ်ပြီး ဝယ်ယူခွင့် ရရှိသူအမည်ဖြင့် ငွေပေးသွင်းရမည်ဖြစ်ကာ အမည်လွှဲပြောင်း၍ ငွေပေးသွင်းမှု ခွင့်မပြုထားချေ။

တိုက်ခန်း ဝယ်ယူခွင့်ရရှိသူသည် ၂ နှစ်အတွင်း အမည်ပြောင်းလဲခွင့် မရှိကြောင်း သိရသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Photo Credit-DUHD Ygn

တန္ဖိုးနည္းအိမ္ရာ တိုက္ခန္း ဗဟုသုတ သိမွတ္ဖြယ္ရာ

Share on Facebook

Share on Twitter