အိန္ဒိယတွင် တက္ကသိုလ်ကျောင်းသားတစ်ဦးက စာမေးပွဲဖြေဆိုချိန် အလွန်နီးကပ်နေသောကြောင့် ကျောင်းသို့ စက်တပ်လေထီးဖြင့်သွားခဲ့ရာ ၅ မိနစ်အတွင်း ရောက်ရှိခဲ့ပုံ

28 Feb 2025 10:54 am တွင် တင်ခဲ့သည်

908 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by အေးမြတ်သူ

အိန္ဒိယနိုင်ငံတွင် တက္ကသိုလ်ကျောင်းသားတစ်ဦးသည် စာမေးပွဲချိန် အလွန်နီးကပ်နေသောကြောင့် သမားရိုးကျ မဟုတ်သော သယ်ယူပို့ဆောင်ရေးနည်းလမ်းတစ်ခုဖြင့် ကျောင်းသို့ အရောက်သွားခဲ့ပုံမှာ အိန္ဒိယ လူမှုကွန်ရက်သုံးစွဲသူတို့ကြား နာမည်ကြီးနေသည်။

မဟာရပ်ရှ်တရာပြည်နယ်၊ Pasarni မြို့ရှိ စာမေးပွဲခန်းရှိရာသို့ လမ်းပိတ်သော ကားလမ်းမှ သွားပါက အချိန်မမီနိုင်တော့သောကြောင့် အဆိုပါကျောင်းသားက စက်တပ်လေထီး (paragliding) ဖြင့် သွားရန် ဆုံးဖြတ်ခဲ့သည်။

X လူမှုကွန်ရက်တွင် ဂယက်ရိုက် ပျံ့နှံ့နေသော ဗွီဒီယိုဖိုင်တစ်ခုတွင် စာမေးပွဲခန်းရှိရာသို့ အဝါရောင် စက်တပ်လေထီးကို စီးကာ သွားနေသည့် တက္ကသိုလ်ကျောင်းသားအား တွေ့ရသည်။

Times of India သတင်းဌာန၏ ဖော်ပြချက်အရ အဆိုပါတက္ကသိုလ်ကျောင်းသား၏ အမည်မှာ ဆမ်မာ့ မဟမ်ဂဒီဖြစ်ပြီး အအေးဆိုင်လေးတစ်ခု ဖွင့်ထားသည်။

အဆိုပါဆိုင်တွင် ဈေးရောင်းနေစဉ် သူ၏ တက္ကသိုလ်ကျောင်းသားသူငယ်ချင်းများက စာမေးပွဲရက်ရွှေ့ထားပြီး စောကာ ပြုလုပ်မည်ဟု ရုတ်တရက်အကြောင်းကြားလာသည်။

၎င်းတို့ အကြောင်းကြားသည့်နေ့တွင် စာမေးပွဲကျင်းပတော့မည်ဖြစ်ပြီး မဟမ်ဂဒီမှာ သူ၏ အအေးဆိုင်တွင် ဈေးရောင်းနေချိန် ဖြစ်သည်။

ဗဟန်းမြို့နယ် သံသွင်လမ်းသွယ် လုံးချင်းအိမ်အရောင်း / Landed House for Sales Bahan Township in Yangon

0 သိန်း (ကျပ်)

ဗဟန်း | ရန်ကုန်တိုင်းဒေသကြီး

မြောက်ဒဂုံ မြို့နယ် 37 ရပ်ကွက် ပင်လုံလမ်းမကျောကပ်လမ်းရှိ 3RC အိမ်ကောင်းအရောင်း

25,000 သိန်း (ကျပ်)

မြောက်ဒဂုံ | ရန်ကုန်တိုင်းဒေသကြီး

(73’ x 118’)အကျယ်၊ နှင်းဆီကုန်းလမ်းမရှိ မြေကွက် အရောင်း။

138,000 သိန်း (ကျပ်)

ဗဟန်း | ရန်ကုန်တိုင်းဒေသကြီး

မဟမ်ဂဒီက ပြောသည်မှာ မိမိ၏ စာမေးပွဲအချိန်စာရင်းမှာ အဟောင်းဖြစ်နေပြီး သူငယ်ချင်းများ၏ ပြောကြားမှသာ ရက်ရွှေ့လိုက်သည်ကို သိရကြောင်း ပြောသည်။

စာမေးပွဲခန်းမှာ သူ၏ဆိုင်မှ ၁၅ ကီလိုမီတာခန့်ဝေးကွာသည်။

အဆိုပါ လမ်းကြောတွင် လမ်းပြင်နေသောကြောင့် ယာဉ်လမ်းကြောလည်း ပိတ်နေသည်။

ထို့ကြောင့် ကောင်းကင်မှ သွားရန် ဆုံးဖြတ်ကာ အနီးဝန်းကျင်တွင်ရှိသော စက်တပ်လေထီးကျွမ်းကျင်သူ တစ်ဦးထံ အကူအညီတောင်းခဲ့သည်။

မဟမ်ဂဒီ၏ တောင်းဆိုမှုကို ကနဦးတွင် ထိုသူက အလွန်အံ့အားသင့်သွားခဲ့သည်။

သို့သော် ဤလူငယ်သည် စာမေးပွဲမလွတ်စေရန် မည်သည့်အရာကိုမဆို လုပ်မည့်သူဖြစ်ကြောင်း ရိပ်မိသွားချိန်တွင် မဟမ်ဂဒီကို စက်တပ်လေထီး တပ်ဆင်ပေးကာ လေထဲသို့ တက်သွားစေရန် ကူညီပေးခဲ့သည်။

ပုံမှန်အားဖြင့် စာမေးပွဲခန်းသို့ ရောက်ရန် နာရီဝက်ခန့် သွားရမည်ဖြစ်သော်လည်း လေထီးဖြင့် သွားရာတွင် ၅ မိနစ်သာ ကြာမြင့်ခဲ့ပြီး စာမေးပွဲခန်းသို့ အချိန်မီ ရောက်သွားသည်။

စာမေးပွဲခန်းစောင့်သည့်ဆရာက အဖြေလွှာများ စတင်ပေးဝေနေပြီဖြစ်ကာ မဟမ်ဂဒီကို စာမေးပွဲခန်းအတွင်းသို့ ဝင်ခွင့်ပြုခဲ့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Student in India late for exam paraglides to centre, arrives in 5 minutes

ဗဟုသုတ သိမွတ္ဖြယ္ရာ

Share on Facebook

Share on Twitter