ရန်ကုန်တိုင်း အိမ် ခြံ မြေ ဝန်ဆောင်မှုအသင်းအနေဖြင့် ယခင်လ အတွင်းကဆွေးနွေးခဲ့သော အိမ် ခြံ မြေ ဝန်ဆောင်မှု ဥပဒေကြမ်းတွင် အကြုံပြုလိုသူများအား ဖိတ်ခေါ်ခဲ့ရာ လာရောက်အကြံပြုသူအများစုမှာ လတ်တလောတွင် အကျိုးဆောင်လိုင်စင်မသတ်မှတ်သင့်သေးကြောင်းအကြံပြုသူများပြားနေသည်ဟု သိရသည်။
"""ကျွန်တော်တို့က လာရောက်အကြံပြုဖို့ဖိတ်ခေါ်ခဲ့ပါတယ်။ဒီလို အကြံပြုဖို့ဖိတ်ခေါ်ထားမှုကြောင့် လာပြီးအကြံပြုတဲ့ စာတွေလာပါတယ်။စာ အများစုကတော့ လက်ရှိအချိန်မှာ အကျိုးဆောင်လိုင်စင်ရှိရမယ်ဆိုတဲ့ဟာကို မထားသင့်ကြောင်းပြောထားတာတွေ့ရပါတယ်။""ရန်ကုန်တိုင်းအိမ်ခြံမြေဝန်ဆောင်မှုလုပ်ငန်းရှင်များအသင်း ဥက္ကဌ မှ ပြောပြသည်။
ရန်ကုန်တိုင်းအိမ် ခြံ မြေ အသင်း အနေဖြင့် ယင်းအကြံပြုစာလွှာများကို မိတ္တူသိမ်းဆည်းကာ မူရင်းအတိုင်း ဥပဒေကြမ်းနှင့်အတူ ဥပဒေကြမ်းကော်မတီသို့တင်သွင်းသွားမည်ဟုဆိုသည်။လက်ရှိ မြန်မာနိုင်ငံတွင် အိမ် ခြံ မြေ ဝန်ဆောင်မှုများနှင့် ပတ်သက်၍ ဥပဒေ တစ်စုံတစ်ရာ မရှိသေးပေ။ထို့ကြောင့် မြန်မာနိုင်ငံအိမ်ခြံမြေအသင်း ၊ ရန်ကုန်အိမ်ခြံမြေ ဝန်ဆောင်မှု အသင်း၊မန္တလေးအိမ်ခြံမြေ အသင်းတို့မှာ ၎င်း တို့အသင်းအလိုက် ဥပဒေကြမ်းများရေးဆွဲနေကြကာ လွှတ်တော်သို့တင်သွင်း၍ ဥပဒေပြုနိုင်ရေး အပြိုင်ကြိုးပမ်းနေလျက်ရှိကြသည်။
""ပေါင်းပြီးလုပ်နိုင်ရင်တော့ အကောင်းဆုံးပေါ့ဗျာ။အိမ် ခြံ မြေ ဝန်ဆောင်မှုတွေနဲ့ ပတ်သက်ပြီး ဥပဒေရှိတော့ လောကသားတွေအဆင်ပြေတာပေါ့။နောက်ပြီး တည်ငြိမ်တဲ့မူဝါဒတွေလည်းဖော်ဆောင်နိုင်ရင် အဆင်ပြေတာပေါ့""ဟု အကျိုးဆောင်တစ်ဦးမှ ပြောဆိုသုံးသပ်သည်။
မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
