ကမ္ဘောဒီးယားတွင် ၂၀၁၆ ဆောက်လုပ်ရေးလုပ်ငန်းပြပွဲနှင့် ထိပ်သီးဆွေးနွေးပွဲကို လာမည့် ဒီဇင်ဘာတွင်ကျင်းပမည်

ကမ္ဘောဒီးယားနိုင်ငံတွင် ၂၀၁၆ ခုနှစ် ဆောက်လုပ်ရေးလုပ်ငန်းပြပွဲနှင့် ထိပ်သီးဆွေးနွေးပွဲကို လာမည့် ဒီဇင်ဘာ ၁ ရက်မှ ၃ ရက်အထိ ကျင်းပသွားမည်ဖြစ်ပြီး ဖနွမ်းပင်ရှိ စိန်ကျွန်း (diamond island) တွင် ပြုလုပ်သွားမည်ဖြစ်ကြောင်း ကမ္ဘောဒီးယားအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ယင်းပြပွဲကို ပံ့ပိုးပေးသူများစွာရှိရာ ကမ္ဘောဒီးယား မြေယာစီမံခန့်ခွဲမှု၊ မြို့ပြစီမံကိန်းနှင့် ဆောက်လုပ်ရေးဝန်ကြီးဌာန၊ အလုပ်သမား ၀န်ကြီးဌာန၊ ကမ္ဘောဒီးယား အင်ဂျင်နီယာများဘုတ်အဖွဲ့၊ ကမ္ဘောဒီးယား ဗိသုကာပညာရှင်များ ဘုတ်အဖွဲ့၊ အာဆီယံ ဆောက်လုပ်ရေး လုပ်ငန်းရှင်များ အဖွဲ့ချုပ်၊ နိုင်ငံတကာအာရှနှင့် ဥရောပ ပစိဖိတ်ဒေသ ဆောက်လုပ်ရေးလုပ်ငန်းရှင်များအဖွဲ့ချုပ်၊
တရုတ်-အာဆီယံ ဆောက်လုပ်ရေးလုပ်ငန်းသုံးပစ္စည်းများဆိုင်ရာ ပူးပေါင်းဆောင်ရွက်ရေးအသင်းတို့မှ အဓိကပံ့ပိုးပေးခဲ့ခြင်း ဖြစ်သည်။

ထိပ်သီးဆွေးနွေးပွဲတွင် တက်ရောက်လာမည့် ဂုဏ်သရေရှိ ဧည့်သည်တော်များမှ အစီရင်ခံစာနှင့် မိန့်ခွန်းများ တင်ပြ၊ ပြောကြားကြမည် ဖြစ်သည်။
အာဆီယံ ဆောက်လုပ်ရေး လုပ်ငန်းရှင်များ အဖွဲ့ချုပ်၏ ဥက္ကဌ မစ္စတာ နာတာပေါင် ဘရန်ဆုသီနှင့် တရုတ်-အာဆီယံ စီးပွားရေးကောင်စီဥက္ကဌ မစ္စတာ ရှုနင်းနင်းတို့ အပါအ၀င် အခြားအရေးပါသည့် ပုဂ္ဂိုလ်များစွာ မိန့်ခွန်းပြောကြားကြမည် ဖြစ်သည်။

ဖိတ်ကြားခံရမည့် ပုဂ္ဂိုလ်များမှာ ဆောက်လုပ်ရေးလုပ်ငန်းရှင်များ၊ ရင်းနှီးမြှုပ်နှံသူများ၊ ကန်ထရိုက်လုပ်ငန်းရှင်များ၊ ဒီဇိုင်နာများ၊
မန်နေဂျာများ၊ အ၀ယ်တော်များ၊ အင်ဂျင်နီယာများ၊ ဗိသုကာပညာရှင်များ၊ ဖြန့်ချိရေးအရာရှိများနှင့် ကျောင်းသားများ ပါဝင်မည် ဖြစ်သည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)