မလေးရှားရင်းဂစ်ငွေ အားပျော့နေချိန်တွင် နိုင်ငံခြားဝယ်လက်များ မလေးရှားတွင် နေအိမ်များ ၀ယ်ယူလာဖွယ်ရှိ

လက်ရှိအားဖြင့် မလေးရှားနိုင်ငံတွင် ရင်းဂစ်ငွေ အားပျော့လျက်ရှိရာ နိုင်ငံခြားဝယ်လက်များသည် အဆိုပါအခွင့်အရေးကို အသုံးချ၍ မလေးရှားတွင် နေအိမ်များ ၀ယ်ယူလာဖွယ်ရှိကြောင်း မလေးရှားအခြေစိုက် အိမ်ခြံမြေသတင်းဝက်ဘ်ဆိုက်တစ်ခုက သုံးသပ်ထားသည်။

နိုင်ငံခြားဝယ်လက်များသည် အိမ်ခြံမြေများကို ရေရှည်အတွက် မျှော်မှန်းဝယ်ယူလေ့ရှိကြပြီး ၅ နှစ်မှ ၁၀ နှစ်အထိ လူနေထိုင်၊ ငှားရမ်းလေ့မရှိဘဲ ကိုင်ထားလေ့ရှိကြကြောင်း မီဒီယာနှင့် ပွဲလမ်းများ စီမံခန့်ခွဲရေးဆိုင်ရာ ကုမ္ပဏီမှ မန်နေးဂျင်းဒါရိုက်တာ ချွာကီ ကီယန်က ပြောကြားသည်။

မလေးရှားတွင် နိုင်ငံခြားဝယ်လက်တို့ အာရုံအစိုက်ဆုံးနေရာများမှာ ကွာလာလမ်ပူမြို့လယ်နှင့် ကွာလာလမ်ပူ၏ အနောက်မြောက်ပိုင်း မြို့နယ်တစ်ခုဖြစ်သော မောင့်ကီယာရာတို့ ဖြစ်သည်ဟု ၎င်းက ဆက်လက်ပြောကြားသည်။

“မလေးရှားမှာ အိမ်ခြံမြေတွေ ၀ယ်ဖို့အတွက် နိုင်ငံခြား developer တွေ ၊ အထူးသဖြင့် တရုတ်နိုင်ငံက developer တွေ လာလိမ့်မယ်လို့ ကျွန်တော်တို့ မျှော်လင့်ထားပါတယ်” ဟုလည်း ကီယန်က ပြောကြားသည်။
မလေးရှားတွင် ပြည်တွင်းလုပ်ငန်းရှင်များက ရင်းနှီးမြှုပ်နှံမှု အလွန်နည်းပါးနေပြီး ပြီးခဲ့သော နှစ်လတာကာလအတွင်း ၁၀ ရာခိုင်နှုန်းမှ ၁၅ ရာခိုင်နှုန်းအထိ ကျဆင်းသွားသည်။

အဓိကအကြောင်းရင်းမှာ ပြည်တွင်းနှင့် ကမ္ဘာလုံးဆိုင်ရာစီးပွားရေးကျဆင်းမှုကြောင့် ဖြစ်သည်။
ပြည်တွင်းရင်းနှီးမြှုပ်နှံသူတို့သည် ငွေကို ပြန်ကိုင်ထားကြပြီး သြစတေးလျကဲ့သို့ ပြည်ပအိမ်ခြံမြေကဏ္ဍတွင်သာ ရင်းနှီးမြှုပ်နှံရန် ပိုမိုစိတ်ဝင်စားလျှက် ရှိကြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)