ရန်ကုန်တိုင်းဒေသကြီး ကျူးကျော်များအတွက် ကြည့်မြင်တိုင် တစ်ဖက်ကမ်းတွင် မြို့သစ်စီမံကိန်းဖြင့် နေရာချပေးမည့်စီမံချက်များ လွှတ်တော်သို့ တင်ပြမည်ဟု ရန်ကုန်တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးတင်အောင်ထွန်းက ပြောကြားသည်။
ဒဂုံမြို့နယ် မဲဆန္ဒနယ်အမှတ် ၂ မှ ကိုယ်စားလှယ် ဦးကျော်ဇေယျက နိုဝင်ဘာ ၁၆ ရက်၊ ဒုတိယအကြိမ် ရန်ကုန်တိုင်းဒေသကြီး လွှတ်တော် တတိယပုံမှန် အစည်းအဝေး ၁၆ ရက်မြောက်နေ့တွင် မေးမြန်းမှုအပေါ် လုံခြုံရေးနှင့် နယ်စပ်ရေးရာ ဝန်ကြီးက ယင်းသို့ထည့်သွင်း ပြောကြားခြင်း ဖြစ်သည်။
''လောလောဆယ်တော့ စီမံကိန်းရေးဆွဲနေဆဲ ကာလဖြစ်ပါတယ်။ ဝန်ကြီးချုပ်ခရီးစဉ်က ပြန်လာမှ အသေးစိတ်ကို သိရှိနိုင်မှာဖြစ်ပါတယ်။
၂ဝ၁၇ ခုနှစ် မတ်လမှာတော့ လွှတ်တော်ကို တင်ပြမှာပါ''ဟု လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး တင်အောင်ထွန်းက ပြောသည်။
''ရက် ၁ဝဝ စီမံချက်မှာ ကျူးကျော်ကိစ္စ ပါဝင်ခဲ့တယ်။ ဧပြီ ၂၄ ရက်က ကျူးကျော်စာရင်းကို ကောက်ယူခဲ့တယ်။ အစိုးရအဖွဲ့အနေနဲ့ အခက်အခဲတွေ ရှိတယ်ဆိုတာ သိပေမယ့် ပြည်သူတွေက သိချင်တဲ့အတွက် မေးမြန်း ရခြင်း ဖြစ်ပါတယ်'' ဟု လွှတ်တော် ကိုယ်စားလှယ် ဦးကျော်ဇေယျက ပြောသည်။
ကျူးကျော် ခန့်မှန်းစာရင်းများအရ အရှေ့ပိုင်းခရိုင်တွင် အိမ်ထောင်စု ၄ဝ၃၄၇ စု လူဦးရေ ၁၆၉ဝဝ၄ ဦး၊ အနောက်ပိုင်း ခရိုင်တွင် အိမ်ထောင်စု ၂၄၂ဝ စု လူဦးရေ ၈၁၈၄ဦး၊ တောင်ပိုင်းခရိုင်တွင် အိမ်ထောင်စု ၂၃၈၃၁စု လူဦးရေ ၉၃၄၈၃ ဦး၊ မြောက်ပိုင်းခရိုင်တွင် အိမ်ထောင်စု ၅ဝ၃၇၇ စု လူဦးရေ ၁၇ဝ၉၇၅ ဦး စုစုပေါင်း လူဦးရေ ၄၄၁၆၄၆ ဦးတို့ ဖြစ်ကြောင်း သိရသည်။
မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
