၂၀၁၁ တွင် စစ်တပ်မှ တိုက်ရိုက်အုပ်ချုပ်မှုကို ရုပ်သိမ်းခဲ့ပြီးနောက် တိုင်းပြည်စီးပွားရေးပြန်လည် ဦးမော့လာနိုင်ရေး နည်းလမ်းများကိုလည်း စဉ်းစားခဲ့ကြရာနည်းလမ်းတရပ်မှာ အထူးစီးပွားရေးဇုန်များတည် ဆောက်ခြင်းဖြစ်သည်။ ဤသို့ဖြင့် ကျောက်ဖြူ-ထားဝယ်နှင့်သီလ၀ါစသည့် အထူးစီးပွားရေးဇုန် ၃ ခုကို အကောင်အထည်ဖော်ရန် ၂၀၁၀ရွေးကောက်ပွဲအလွန် ၅ နှစ်သက်တမ်း အစိုးရတာဝန်ယူခဲ့သည့် သမ္မတ ဦးသိန်းစိန်အစိုးရက ပြင်ဆင်ခဲ့သည်။ သို့သော်ကျောက်ဖြူနှင့် ထားဝယ်အထူးဇုန်တို့မှာ အကောင်အထည် ပေါ်ရန်နှောင့်နှေးကြန့်ကြာလျက်ရှိသည်။ သီလ၀ါမှာ မြန်မာနိုင်ငံ၏ ပထမဦးဆုံးပေါ်ထွက်လာသော အထူးစီးပွားရေးဇုန် ဖြစ်သည်။
၂၀၁၂ ခုနှစ် ဧပြီ ၂၁ ရက် ဂျပန်နိုင်ငံ၊ တိုကျိုမြို့၌ကျင်းပခဲ့သည့် စတုတ္ထအကြိမ်မြောက် မဲခေါင်-ဂျပန် ထိပ်သီးအစည်းအဝေးတွင် စီးပွားရေး ပူးပေါင်းဆောင်ရွက်ရန် သမ္မတဦးသိန်းစိန်နှင့်ဂျပန်ဝန်ကြီးချုပ်တို့ တွေ့ဆုံဆွေးနွေးမှုမှ သီလ၀ါအထူးစီးပွားရေးဇုန် အကောင်အထည်ဖော်ရန် အစပြုနိုင်ခဲ့ခြင်း ဖြစ်သည်။ ၂၀၁၂ ခုနှစ် ဒီဇင်ဘာ ၂၁ တွင် သီလ၀ါအထူးစီးပွားရေးဇုန် ရင်းနှီးတည်ထောင်ရန်အတွက် ပူးပေါင်းဆောင်ရွက်မှု မှတ်တမ်းလွှာကို မြန်မာ-ဂျပန် နှစ်ဖက်လက်မှတ်ရေးထိုးခဲ့ကြသည်။
၂၀၁၃ခုနှစ် မေ၂၅ ရက်တွင် သီလ၀ါအထူးစီးပွားရေးဇုန်အကောင်အထည်ဖော်ရန်နားလည်မှု စာချွန်လွှာ (MOU) ကို မြန်မာ-ဂျပန် လက်မှတ်ရေးထိုးခဲ့သည်။ ၂၀၁၃ ခုနှစ် အောက်တိုဘာ ၂၉ ရက်တွင် မြန်မာ-ဂျပန်ဖက်စပ်ကုမ္ပဏီဖွဲ့စည်းပြီး စီမံကိန်းအကောင်အထည်ဖော်ရန် သဘောတူစာချုပ်ကို ဂျပန်နိုင်ငံ၊ တိုကျိုမြို့တွင် လက်မှတ်ရေးထိုးခဲ့သည်။ ၂၀၁၃ ခုနှစ် နိုဝင်ဘာ ၃၀ တွင် သီလ၀ါအထူးစီးပွားရေးဇုန် ပထမအဆင့်(ဇုန်A)ကိုစတင်ခြင်း အခန်း အနားကိုကျင်းပခဲ့ပြီး ၂၀၁၄ ခုနှစ် ဒီဇင်ဘာ ၁၂ ရက်တွင် သီလ၀ါအထူး စီးပွားရေးဇုန်သို့ လာရောက်ရင်းနှီးမြှုပ်နှံမည့်သူများအား လုပ်ငန်းခွင့်ပြုမိန့်ပေးအပ်ပွဲအခမ်းအနားကျင်းပခဲ့ကြောင်း သတင်းမှတ်တမ်းများအရ သိရသည်။
သီလ၀ါအထူးစီးပွားရေးဇုန်ကို ဇုန် A နှင့် ဇုန် B ဟူ၍ နှစ်ပိုင်းခွဲကာ အကောင်အထည်ဖော်ခဲ့သည်။ ဇုန် A ဖော်ဆောင်မှုတွင် အဆင့် ၁၂ နှင့် လူမှုနေထိုင်ရာနှင့် စီးပွားရေးဆိုင်ရာ အစိတ်အပိုင်းဖော်ဆောင်မှု
မှာပြီးစီးခဲ့ပြီး ၂၀၁၅ ခုနှစ် စက်တင်ဘာ ၂၃ တွင် လုပ်ငန်းများ စတင်လည်ပတ်လျက်ရှိကြောင်း၊ ၂၀၁၆ ခုနှစ် မိုးရာသီ အကုန်တွင် အဆင့် ၂ ပြီးစီးရန် လုပ်ဆောင်လျက်ရှိကြောင်း၊ ဇုန် B ဖော်ဆောင်မှုအား ၂၀၁၆ ခုနှစ် နိုဝင်ဘာတွင် စတင်ဆောင်ရွက်သွားမည်ဖြစ်ကြောင်း Myanmar Thilawa SEZ Holding Public Limited (MTSH)၏ ၂၀၁၅-၁၆ နှစ်ပတ်လည် အစီရင်ခံစာ (Annual Report 2015-16)ဖော်ပြထားသည်။ သို့သော် ဇုန် B ဖော်ဆောင်ရန်အတွက် ဒေသခံများနှင့် ပြေလည်မှုရရှိရေးမှာ လိုအပ်ချက်တရပ်အဖြစ် ရှိနေသည်။
''တိုင်းဒေသကြီး အစိုးရသတ်မှတ်တာ သိန်း ၁၀၀၊ developer တွေဘက်က တိုးပေးတာ ၁၅၀၊ သိန်း ၂၅၀ ပေါ့။ ဒါပေမဲ့ ဒေသခံတွေဘက်က တဦးစ၊ နှစ်ဦးစတော့ လက်ခံတယ်လို့ သိရတယ်။ တော်တော်များများကတော့ လက်မခံကြဘူး။ လက်မခံနိုင်ဘူးဖြစ်နေတဲ့အကြောင်းကလည်း အချက်အလက်တချို့ရှိတယ်ဗျ။ ဥပမာ တစ်ဧကပေါ်မှာ infrastructure တွေ၊ လမ်းတွေ၊ တံတားတွေ၊ အခြေခံအဆောက်အဦတွေ ထည့်မယ်။ ထည့်ပြီးဆောင်ရွက်လိုက်တဲ့အခါမှာ FDI နိုင်ငံခြားရင်းနှီးမြှုပ်နှံသူတွေကိုငှားမယ်။ ဘယ်လောက်ရမယ်၊ တဧကကို ဒေသခံတွေ ဘက်ကသိတယ်။ အဲဒီလို တဧကပေါ်မှာ infrastructure တွေထည့်ပြီးလို့ရှိရင် နိုင်ငံခြားရင်းနှီးမြှုပ်နှံသူတွေကိုငှားတဲ့အခါ developer တွေအနေနဲ့ သိန်း ၃၅၀၀ ကနေ ၄၀၀၀ အထိရတယ်လို့ သူတို့ဒေသခံတွေဘက်က သိထားတာ။ သူတို့ကို မြေယာလျော်ကြေးပေးတဲ့အခါမှာတော့ သိန်း ၁၀၀၊ ၂၅၀ ပဲပေးတယ်။ ဒါမမျှတဘူးလို့ သူတို့ရင်ထဲမှာခံစားရတယ်''ဟု အမှတ်(၁)ကျောက်တန်းမြို့နယ် တိုင်းဒေသကြီးလွှတ်တော်ကိုယ်စားလှယ် ဦးဇော်မိုးလွင်က ဒေသခံများနှင့် developer များ အကြားဖြစ်ပေါ်နေသည့် အခြေအနေကို News Watch သို့ ရှင်းပြခဲ့သည်။
Myanmar-Japan Thilawa Development (MJTD) ၏ ဇူလိုင် ၁၈ ရက်နေ့ထုတ်ပြန်ခဲ့ချက်အရ ဇုန် A အတွင်း ရင်းနှီးမြှုပ်နှံမှုပမာဏမှာ အမေရိကန်ဒေါ်လာ သန်း ၇၆၀ ရှိခဲ့ပြီး ဖြစ်သည်။
နောင်နှစ်အနည်းငယ်အတွင်း ပိုမိုများပြားလာမည့် ရင်းနှီးမြှုပ်နှံသူများကြောင့် စုစုပေါင်းရင်းနှီးမြှုပ်နှံမှု ပမာဏမှာ အမေရိကန်ဒေါ်လာသန်း ၁၀၀၀ ရှိမည်ဟု မျှော်မှန်းထားပြီး ပြည်ပသို့တင်ပို့နိုင်မည့် ပမာဏသည် အမေရိကန် ဒေါ်လာသန်း ၃၅၀ ရှိမည်ဟု မျှော်မှန်း ထားကြောင်း၊ ခွင့်ပြုပြီးရင်းနှီးမြှုပ်နှံမှု အစီအစဉ်များကြောင့် အလုပ်အကိုင် ၁၅,၀၀၀ ခန့်နှင့် အနာဂတ်တွင် မျှော်မှန်းထားသည့် ရင်းနှီးမြှုပ်နှံမှုများကြောင့် အလုပ်အကိုင် ၂၈,၀၀၀ မှ ၃၀,၀၀၀ အထိ ဖန်တီးပေးနိုင်မည်ဟု မျှော်မှန်းထားကြောင်း၊ ၂၀၁၈ ခုနှစ်တွင် ဇုန် A Project ၌ အလုပ်အကိုင်အခွင့်အလမ်း အနည်းဆုံး ၄၀,၀၀၀ ပေးနိုင်မည်ဟု မျှော်မှန်းထားကြောင်း MTSH ၏ ၂၀၁၅-၁၆ နှစ်ပတ်လည် အစီရင်ခံစာတွင် ဖော်ပြထားသည်။
ဇုန်A ကို အကျယ်အ၀န်း ဟက်တာ ၄၀၀ (ဧက ၉၆၀) တွင် အကောင်အထည်ဖော်ခဲ့သည်။ ဇုန် B ဖော်ဆောင်မည့် အကျယ်အ၀န်းမှာ ဟက်တာ ၇၀၀ (ဧက ၁၆၈၀) ဖြစ်သည်။ ဒေသခံပြည်သူများနှင့် ညှိနှိုင်းမှုအဆင်မပြေလျှင် စီမံကိန်းရပ်ဆိုင်းသည့် အနေအထားမျိုးရှိလာနိုင်သည်ဟု MJTD ၏ ဥက္ကဋ္ဌနှင့် အမှုဆောင်အရာရှိချုပ် မစ္စတာတကာရှီက အောက်တိုဘာ ၁၈ ရက်က မီဒီယာများနှင့်တွေ့ဆုံရာတွင် ပြောကြားထားခဲ့သည်။ ''ဒေသခံတွေအတွက် ပြန်လည်နေရာချထားရေးကိစ္စတွေဟာ အစိုးရက လုပ်ရမှာဖြစ်ပါတယ်။ အဆင်မပြေဘူးဆိုရင်တော့ စီမံကိန်း ရှေ့ဆက်မယ့်လုပ်ငန်းစဉ်တွေကို ရပ်ဆိုင်းတာမျိုးလည်း ရှိကောင်းရှိလာနိုင်ပါတယ်''ဟု ၎င်းက ပြောကြားခဲ့သည်။
သို့သော် MTSH, Thilawa SEZ Management Committee (TSMC)MMS Thilawa Development Co.Ltd (MMSTD) နှင့် Japan International Cooperation Agency (JICA) တို့အကြား ဇုန် B အတွက် “Joint Venture Agreementအားတတိယအကြိမ် ပြင်ဆင်ခြင်း”သဘောတူညီချက်ကို
အောက်တိုဘာ၂၁ရက်တွင် ရေးထိုးခဲ့ကြသည်။ မြေယာပြဿနာ ဖြေရှင်းပြီးသည့်နေရာများတွင် ဇုန် B စီမံကိန်းကို စတင်အကောင်အထည်ဖော်သွားမည်
ဟု TSMC ဥက္ကဋ္ဌ ဦးဆက်အောင်က မစ္စတာ တကာရှီ၏ ပြောကြားမှုနှင့်ပတ်သက်ပြီး မီဒီယာများ၏ မေးမြန်းမှုကို အဆိုပါ လက်မှတ်ရေးထိုးပွဲတွင် ပြောကြားထားခဲ့သည်။ ဤအချက်က အလုပ်ဖြစ်နိုင်ခြေနည်းသည်။ စုံစမ်း၍ရသမျှ အချက်အလက်များအရဆိုလျှင် developer များပေးသည့် တဧက သိန်း ၂၅၀ ကို လက်ခံသူမှာ အနည်းစု သာဖြစ်၍စီမံကိန်းအကောင်အထည်ဖော်နိုင်လောက်သည့်
မြေယာပြဿနာပြေလည်မှု ရှိ၊ မရှိ စဉ်းစားရန်ရှိသည်။
''နောက်ဆုံး အခြေအနေဆိုရင်တော့ ခြံသမားကို သိန်း ၃၀၀ ပေးတယ်။ ခြံသမားကလည်း လက်မခံဘူး။ ခြံတဧကကို ထောင်ချီရှိတယ်။ ဘယ်လိုပဲဝယ်ဝယ် ဇုန်မှမဟုတ်ဘူး။ အပြင်မှာဝယ်လည်း ထောင်ချီရှိတယ်။ ငါတို့က ဘာနဲ့ပြန်သွားဝယ်မှာလဲ။ သူတို့ပေးတဲ့ ပိုက်ဆံက ၈၀ x ၆၀ တကွက်စာတောင်မရှိဘူး။ ပြောရမယ်ဆိုရင် ၆၀x၄၀ တကွက်စာလောက်ပဲ ရှိမယ်။ ၈၀ x ၆၀ တကွက်စာတောင် မရှိတဲ့ပိုက်ဆံနဲ့ ငါတို့က ဘာရင်းနှီးလုပ်ကိုင်စားသောက်မလဲ။ ပြန်ရင်းစားရအောင် ဟုတ်လား။ သုံးဧကပေးလိုက်ရလို့ သုံးဧက ပြန်ဝယ်မှာ ဘာပိုက်ဆံနဲ့ဝယ်မှာလဲ''ဟု ဒေသခံတဦးက News Watch သို့ ပြောသည်။
''အပေါ်မှာ စတင်ပြီး တောင်းတာက တဧကကို သိန်း ၁၅၀၀ တောင်းတာ။ သူတို့ပေးတာက ၂၅၀။ သူတို့ရောင်းနေတာစက ၄၅၀၀။ ၄၅၀၀ ကိုကျော်ဦးမယ်။
အခု ဒေါ်လာ ဈေးတက်နေတယ်နော်''ဟု ၎င်းက ဆက်လက်ပြောကြားခဲ့သည်။
ဒေသခံ များ၏ လိုလားချက်၊ တောင်းဆိုချက်များအပေါ် တုံ့ပြန်ဆောင်ရွက်ပေးနေမှု အခြေအနေများနှင့် ပတ်သက် MTSH သို့ ဆက်သွယ်မေးမြန်းခဲ့သော်လည်း ပြန်လည်ဖြေကြားခဲ့ခြင်းမရှိပေ။ ပြဿနာရပ်များ ပြေလည် ပြီး ဇုန် B စီမံကိန်း ဆက်လက်အကောင်အထည်ဖော်နိုင်ရေးနှင့်ပတ်သက်၍ ဦးဇော်မိုးလွင်က အောက်ပါအတိုင်း အကြံ ပြုပြောကြားခဲ့သည်။
Developer တွေနဲ့ လက်ရှိမြေယာပိုင်ရှင်တွေကြားထဲမှာ တူညီတဲ့ အချက်တခုရှိတယ်။ အဲဒါဘာလဲဆိုတော့ ကျွန်တော်နှစ်ဖက်စလုံးကိုမေးကြည့်တဲ့အခါမှာ အားလုံးသည် နိုင်ငံတကာရင်းနှီးမြှုပ်နှံမှု FDI တွေကို လာစေချင်တယ်။ တဖက်နဲ့တဖက် ပွင့်လင်းမြင်သာမှုမရှိတာရယ်၊ တဖက်က အများကြီးလိုချင်တယ်။ တဖက်က ပေးမယ့်သူကလည်း နည်းနည်းလေးပဲပေးချင်တယ်။ ဒီအစွန်းနှစ်ဖက်ထွက်နေတာတွေကြောင့် လက်ရှိမှာ ညှိနှိုင်းရခက်နေတယ်လို့ ကျွန်တော်ထင်တယ်။ လက်ရှိစီမံအုပ်ချုပ်ခွင့်ရထားတဲ့ အစိုးရအနေနဲ့ ဘယ်ဘက်ကိုမှ မကပ်ဘဲနဲ့ Developer တွေ ဘက်ကိုလည်း မကပ်နဲ့။ တောင်သူမြေယာပိုင်ရှင်တွေဘက်ကိုလည်း မကပ်နဲ့။
ကြားထဲက သမာသမတ်ကျကျရပ်ပြီးတော့ ပွင့်လင်းမြင်သာစွာနဲ့ ပူးပေါင်းဖြေရှင်းမယ်ဆိုရင် ပြေလည်နိုင်မယ်လို့ ထင်ပါတယ်'' ဟူ၍
ဖြစ်သည်။
Credit: News Watch
