ကက်ဆက်တိပ်ခွေဘုရင်ကြီးဟု တင်စားခေါ်ဝေါ်ကြသည့် ဟောင်ကောင်ဘီလျံနာကြီး ဒေးဗစ်ချန်း ပင်ချီက နာမည်ကျော် The Center မိုးမျှော်တိုက်ကြီး၏ ရုံးခန်း ၁၂ ခန်းကို ၄၇ ရာခိုင်နှုန်းအမြတ်တင်ကာ ဈေးကွက်တင်

ကက်ဆက်တိပ်ခွေနှင့် စီဒီလုပ်ငန်းရှင် သူဌေးကြီး ဒေးဗစ်ချန်း ပင်ချီသည် ဟောင်ကောင်ရှိ နာမည်ကျော် The Center မိုးမျှော်တိုက်ကြီး ၏ ရုံးခန်း ၁၂ ခန်းကို ၄၇ ရာခိုင်နှုန်းအမြတ်တင်ကာ ဈေးကွက်တင်လာကြောင်း ဟောင်ကောင်အခြေစိုက် သတင်းဝက်ဘ်ဆိုက်တစ်ခု တွင် ဖော်ပြသည်။

ဒေးဗစ်ချန်းသည် ACME Group ၏ ဥက္ကဌဖြစ်ပြီး ဟောင်ကောင်ရှိ အလွန်ချမ်းသာကြွယ်ဝသော ရင်းနှီးမြှုပ်နှံသူ ၁၀ ဦးတွင် တစ်ဦး အပါအဝင်ဖြစ်သည်။

ဒေးဗစ်ချန်းသည် The Center မိုးမျှော်တိုက်ကြီးကို ၂၀၁၇ နှစ်ကုန်ပိုင်းတွင် ကမ္ဘာ့စံချိန်တင်ဈေးနှုန်းဖြစ်သော ကန်ဒေါ်လာ ၅ ဒသမ ၁၅ ဘီလီယံဖြင့် ဝယ်ယူခဲ့ခြင်း ဖြစ်သည်။

ယခုအခါ ဒေးဗစ်ချန်းက အဆိုပါမိုးမျှော်တိုက်ကြီးမှ ရုံးခန်းအချို့ကို ၎င်းရင်းနှီးမြှုပ်နှံထားရသည့် တန်ဖိုးငွေထက် ၄၇ ရာခိုင်နှုန်းကျော် အထိ ဈေးတင်ကာ ရောင်းချရန် စီစဉ်လာသည်။

ရောင်းချမည့်အခန်းမှာ ၁၂ ခန်းရှိပြီး ၃၉ ထပ်မြောက်တွင် တည်ရှိသည်။

အကယ်၍ အခန်းအားလုံး ရောင်းထွက်မည်ဆိုပါက ဟောင်ကောင်ဒေါ်လာ ၁ ဒသမ ၃ ဘီလီယံ (ကန်ဒေါ်လာ သန်း ၁၇၀ ) ခန့် ရရှိဖွယ်ရာ ရှိသည်။

စုစုပေါင်းအထပ်ရေ ၇၃ ထပ်ရှိသော The Center မိုးမျှော်တိုက်ကြီး၏ အထပ်တိုင်းသည် အကျယ်အဝန်းအားဖြင့် စတုရန်းပေ ၂၆၀၀၀ ခန့်ရှိသည်ဟု ဆိုသည်။

“၅ ခန်းကတော့ ကမ်းလှမ်းချက် ရပြီးပါပြီ။ အသေးစိတ်အချက်တွေကို အလားအလာရှိတဲ့ ဝယ်လက်တွေနဲ့ ဆွေးနွေးထားပါတယ်”ဟု ဒေးဗစ်ချန်းကိုယ်စား ဆောင်ရွက်ပေးနေသူ ACME Group မှ လမ်ချီဖန်းက ပြောကြားသည်။

ရောင်းချမည့် ရုံးခန်း ၁၂ ခန်းသည် အကျယ်အဝန်းအားဖြင့် စတုရန်းပေ ၁၈၄၁ မှ ၃၁၄၀ ကြားရှိပြီး တန်ဖိုးအားဖြင့် ဟောင်ကောင်ဒေါ်လာ ၇၆ ဒသမ ၆၃ သန်းမှ ၁၅၀ ဒသမ ၅ သန်းအကြား ကျသင့်မည်သည်။

အဆိုပါ ဈေးနှုန်းအရ စတုရန်း ၁ ပေလျှင် ဟောင်ကောင်ဒေါ်လာ ၄၀၈၈၂ မှ ၄၈၄၃၅ အကြား ကျသင့်မည်ဖြစ်သည်။

ဒေးဗစ်ချန်းနှင့် အခြားရင်းနှီးမြှုပ်နှံသူတို့သည် The Center မိုးမျှော်တိုက်ကြီး၏ အထပ်ပေါင်း ၄၈ ထပ်ကို စံချိန်တင်ဈေးနှုန်း ဟောင်ကောင်ဒေါ်လာ ၄၀ ဒသမ ၂ ဘီလီယံဖြင့် ဝယ်ယူခဲ့ခြင်းဖြစ်ရာ ၁ စတုရန်းပေလျှင် ဟောင်ကောင်ဒေါ်လာ ၃၃၀၀၀ ကျသင့်ခဲ့သည်။

ပြီးခဲ့သောလအတွင်း အခြားပိုင်ရှင်တစ်ဦးဖြစ်သော ရေမွန် ဆိုင်ချီချုန်းကလည်း ၂၂ ထပ်မြောက်ရှိ အခန်းများကို ၁ စတုရန်းပေလျှင် ဟောင်ကောင်ဒေါ်လာ ၃၅၀၀၀ ဖြင့် ပြန်လည်ဈေးကွက်တင်ခဲ့သည်။

ဆိုင်ချီချုန်းသည် ၂၂ ထပ်ကို အခန်းပေါင်း ၁၂ ခန်း ပြန်လည်ဖွဲ့စည်းခဲ့ပြီး ဝယ်လက်တစ်ဦးစီထံ ပြန်လည်ရောင်းချခဲ့ရာ ဟောင်ကောင်ဒေါ်လာ ၁ ဒသမ ၁ ဘီလီယံခန့် ရရှိခဲ့သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)