ဗြိတိန်နိုင်ငံ၊ ဝေလပြည်နယ်က ထူးဆန်းသော အိမ်ခြံမြေ ကြော်ငြာ

22 Jan 2025 11:16 am တွင် တင်ခဲ့သည်

311 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ရွှေစင်ဝင်း

ဗြိတိန်နိုင်ငံ၊ ဝေလပြည်နယ်ရှိ လုံးချင်းအိမ်တစ်လုံး၏ ကြော်ငြာမှာ နေအိမ်ရှာဖွေနေသူများအတွက် ရယ်သွမ်းသွေးစရာ ဖြစ်လျက်ရှိသည်။

ဝေလပြည်နယ်၊ Conwy မြို့ရှိ အိပ်ခန်း ၄ ခန်းပါ နေအိမ်မှာ အပြင်ပန်းမှကြည့်လျှင် စက္ခုပသာဒဖြစ်ဖွယ် သာမန်ခေတ်ဟောင်းနေအိမ်တစ်လုံးသာ ဖြစ်သည်။

အဖြူရောင်နံရံများ၊ ပန်းချီဆေးရေး မှန်ပြတင်းများ၊ မြင့်မားသော မျက်နှာကြက်များဖြင့် သမိုင်းဝင်နေအိမ်အဖြစ် grade II အဆင့် သတ်မှတ်ခံထားရသော ဂျော်ဂျီယာခေတ်ကြို (၁၇၁၄ မတိုင်မီ) စံအိမ်မှာ အကောင်းကြိုက်သူများအတွက် ပြီးပြည့်စုံသောနေအိမ်တစ်လုံးဟု ယူဆရသည်။

အဆိုပါအိမ်ကို Rightmove အိမ်ခြံမြေဝက်ဘ်ဆိုက်တွင် ပေါင် ၈၇၅၀၀၀ ဖြင့် အရောင်းဈေးကွက်တင်ထားသည်။

ဈေးကွက်တင်ကြော်ငြာတွင် ဖော်ပြချက်အရ နံရံတံတိုင်းကာမြို့များအတွင်း အလယ်ခေတ်အဆောက်အအုံ ၂ လုံးတည်းသာရှိသည့်အနက် တစ်ခုဖြစ်သည်ဟု ဆိုသည်။

နေအိမ်ကြော်ငြာဓာတ်ပုံများတွင် ထူးခြားသည့်ပစ္စည်းတစ်ခု ပါဝင်နေသည်။

အိမ်ပိုင်ရှင်က ခေတ်ဟောင်းနေအိမ်ကို ခေတ်မီ ပြန်လည်မွမ်းမံရာတွင် ရေချိုးခန်း၌ ခေတ်မီဆန်းသစ်မှုကို ထည့်သွင်းလိုခဲ့ဟန်ရသည်။

၎င်းတိို့က သာမန်ရေစိမ်ကန်မျိုး မလိုချင်။

ထို့ကြောင့် ဒေါက်မြင့်ဖိနပ်အသွင် ရေစိမ်ကန်တစ်ခု ဖန်တီးခဲ့သည်။

(နေအိမ်ပြန်လည်မွမ်းမံရာတွင် ဒေါက်မြင့်ဖိနပ်ပုံ ရေစိမ်ကန်တစ်ခု ဖန်တီးခဲ့သည်)

သာကေတမြို့နယ် ထူပါရုံ (-) လမ်း အသင့်နေရုံ မြေညီတိုက်ခန်းရောင်းမည်

2,500 သိန်း (ကျပ်)

သာကေတ | ရန်ကုန်တိုင်းဒေသကြီး

(40’ x 80’)အကျယ်၊ ရွှေတောင်ကြားရပ်ကွက် ရှိ လုံးချင်းအိမ် တိုက်သစ် အရောင်း။

75,000 သိန်း (ကျပ်)

ဗဟန်း | ရန်ကုန်တိုင်းဒေသကြီး

တောင်ဥက္ကလာပငွေကြာယံရိပ်သာရှိliftပါလုံးခြင်းတိုက်အရောင်း

35,000 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

ဒေါက်ဖိနပ်ပုံ ရေစိမ်ကန်၏ ဘေးနှင့် အောက်ဘက်တွင် ပန်းနှင်းဆီရောင် လိုင်းစင်းများဖြင့် အလှဆင်ပုံဖော်ထားသည်။

အိုင်ယာလန်တွင် နေထိုင်သော ကီဗင်အမည်ရှိ အမျိုးသားက ထူးဆန်းသောနေအိမ်ကြော်ငြာကို သတိပြုမိခဲ့ပြီး X လူမှုကွန်ရက်တွင် “ဝေလပြည်နယ်မှာရှိတဲ့ ဒီအိမ်မှာ ဘယ်လိုထူးဆန်းတဲ့ပစ္စည်းရှိနေတယ်ထင်လဲ..။ ဓာတ်ပုံနံပါတ် ၁၇ ကို သွားကြည့်ပါ။ ခင်ဗျားတို့ ဘယ်လိုမှ ထင်မထားတဲ့အရာတစ်ခု တွေ့ပါလိမ့်မယ်။ ခင်ဗျားတို့ကို စိတ်မပျက်စေရပါဘူး” ဟု caption ရေးသား မျှဝေခဲ့သည်။

သူ၏ tweet မှာ ကြည့်ရှုသူ ၈၀၀၀၀ ကျော်ရှိခဲ့ပြီး အဆိုပါအိမ်၏ ထူးခြားသောရေစိမ်ကန်နှင့် ပတ်သက်၍ လူမှုကွန်ရက်သုံးစွဲသူတို့က အမျိုးမျိုးအဖုံဖုံ မှတ်ချက်ပေးကြသည်။

(ဝေလပြည်နယ်၊ Conwy မြို့ရှိ အိပ်ခန်း ၄ ခန်းပါ နေအိမ်မှာ အပြင်ပန်းမှကြည့်လျှင် စက္ခုပသာဒဖြစ်ဖွယ် သာမန်ခေတ်ဟောင်းနေအိမ်တစ်လုံးသာ ဖြစ်သည်။)

(ဒေါက်မြင့်ဖိနပ်ပုံ ရေစိမ်ကန်ကို တွေ့ရပုံ)

(အဖြူရောင်နံရံများ၊ ပန်းချီဆေးရေး မှန်ပြတင်းများ၊ မြင့်မားသော မျက်နှာကြက်များဖြင့် သမိုင်းဝင်နေအိမ်အဖြစ် grade II အဆင့် သတ်မှတ်ခံထားရသော ဂျော်ဂျီယာခေတ်ကြို (၁၇၁၄ မတိုင်မီ) စံအိမ်မှာ အကောင်းကြိုက်သူများအတွက် ပြီးပြည့်စုံသောနေအိမ်တစ်လုံးဟု ယူဆရသည်။)

(ရေချိုးခန်း ၃ ခန်းပါဝင်ပြီး တစ်ခုသော ရေချိုးခန်းတွင် အနက်ရောင်ဖြင့် မွမ်းမံထားသော နံရံဘေးတလျှောက် ရှည်လျားသည့် လက်ဆေးကန်တစ်ခုလည်း ထူးခြားစွာ ပါဝင်နေသည်)

(မီးဖိုဆောင်မှာ ကျေးလက်ဆန်သော အလယ်ခေတ်စံအိမ်နှင့် ကွဲပြားနေသည်)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Home listed for £875K with 'mad' piece of furniture inside leaves house hunters in hysterics after they notice VERY odd fixture in Welsh property Photo Credit-dailymail

ဗဟုသုတ သိမွတ္ဖြယ္ရာ

Share on Facebook

Share on Twitter