၁ နှစ်နီးပါကြာရောင်းမထွက်သေးသည့် ပေါင် ၆၅ သန်းတန် ပုဂ္ဂလိကကျွန်း

ခရစ္စတယ်လေးလို ကြည်လင်လှပတဲ့ပင်လယ်ရေတွေ ဝန်းရံထားပြီး ဆွေးမျိုးမိတ်ဆွေတွေကိုပါ လက်ခံထားရှိနိုင်ဖို့ရာ နေအိမ်အမြောက်အမြားနဲ့ပြည့်နေတဲ့ ပုဂ္ဂလိကကျွန်းတစ်ကျွန်းကိုပိုင်ဆိုင်နိုင်ဖို့ စိတ်ကူးယဉ်ကြည့်ဖူးပါသလား။

သင့်မှာ ပေါင် ၆၅ သန်းလောက်လက်ဝယ်ရှိတယ်ဆိုရင်တော့ စိတ်ကူးယဉ်အိပ်မက်တစ်ခုသက်သက် မဟုတ်တော့ပါဘူးနော်။ ပေါင် ၆၅ သန်းနဲ့ ဈေးခေါ်ထားတဲ့ ကမ္ဘာ့ခေါ်ဈေးအကြီးဆုံးလို့ဆိုရမယ့် အိမ်ခြံမြေတစ်ခုဟာ အရောင်းဈေးကွက်ပေါ် ရောက်ရှိနေတာ ၁ နှစ်လောက်ကြာလာတဲ့တိုင် ဝယ်လက်ကို မတွေ့ရှိသေးပါဘူး။

ဘဟားမားစ်နိုင်ငံမှာ သင့်အိပ်မက်ထဲကကျွန်းထက် ပိုပြီးလှပတဲ့ ပုဂ္ဂလိကကျွန်းက သင့်ကို သူ့ပိုင်ရှင်ဖြစ်လာဖို့ စောင့်မျှော်လျက်ရှိပါတယ်။

သာယာအေးချမ်းလှပတဲ့ အဲ့ဒီကျွန်းလေးဟာ အခုထိတော့ ဘယ်ဘီလျံနာဝယ်လက်ရဲ့ နှလုံးသားကိုမျှ သိမ်းပိုက်နိုင်စွမ်းမရှိသေးဘဲ အရောင်းဈေးကွက်ပေါ်မှာ ၁ နှစ်နီးပါးရှိလို့နေပါပြီ။

အဲ့ဒီကျွန်းဟာ ဗြိတိန်အိမ်ခြံမြေဝက်ဘ်ဆိုက် Rightmove မှာ ရောင်းရန်ရှိတဲ့ ပြည်ပအိမ်ခြံမြေတွေ (နေအိမ်မရှိသော ကျွန်းများနှင့် ဆိုင်ခန်းများ သို့ ရုံးခန်းများ)အနက် ဈေးအကြီးဆုံးပဲဖြစ်ပါတယ်။ အဲ့ဒီကျွန်းရဲ့အရောင်းအဝယ်အတွက် အိမ်ခြံမြေအကျိုးဆောင်ကုမ္ပဏီကတော့ Knight Frank ပဲဖြစ်ပါတယ်။

အဲ့ဒီကျွန်းကို Little Pipe Cay လို့ ခေါ်ပါတယ်။ ၃၈ ဧက ကျယ်ဝန်းတဲ့ Little Pipe Cay ကျွန်းပေါ်မှာ နေအိမ်အမြောက်အမြား ပျံ့နှံ့လို့နေပါတယ်။

Little Pipe Cay ဟာ အတ္တလန္တိတ်သမုဒ္ဒရာထဲမှာ အမေရိကန်နဲ့ ကျူးဘားတို့အကြား ကျွန်းပေါင်း ၇၀၀ ကျော်ရှိတဲ့ဘဟားမားစ်ကျွန်းစုနိုင်ငံရဲ့ Exuma လို့ခေါ်တဲ့ ခရိုင်မှာ ရှိပါတယ်။ Exuma မှာ ကျွန်းပေါင်း ၃၆၅ ကျွန်းကျော်နဲ့ ဖွဲ့စည်းထားပါတယ်။ Knight Frank ကတော့ Little Pipe Cay ကို Exuma ရဲ့ ရတနာသရဖူ၊ ဘဟားမားစ်ရဲ့ ထိပ်တန်းပုဂ္ဂလိကကျွန်းတစ်ကျွန်းအဖြစ် တင်စားထားပါတယ်။

Little Pipe Cay ကျွန်းဟာ ဂျိမ်းစ်ဘွန်းနဲ့ Pirates of the Caribbean ဇာတ်ကားတွေမှာ ပါဝင်ဖူးပါတယ်။ သူနဲ့အနီးဆုံးနာမည်ကျော်ကမ်းခြေကတော့ မိုင် ၂၇၀ အကွာမှာတည်ရှိတဲ့ မိုင်ယာမီကမ်းခြေပဲဖြစ်ပါတယ်။

ကျွန်းကို အဝင်အထွက်လုပ်ဖို့အတွက်ကတော့ ပင်လယ်လေယာဉ်တွေနဲ့ အသွားအလာလုပ်မှပဲအဆင်ပြေပါမယ်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)