သင်္ကြန်ပွဲတော်ကာလအတွင်း မန္တလေးကျုံးဘေးလမ်းမကြီးများတွင် ရွေ့လျားဈေးရောင်းချမှုကို ကန့်သတ်ထားပြီး ရွေ့လျားဈေးရောင်းချသူများအား စည်ပင်မှ စနစ်တကျ ခွင့်ပြုချထားပေးမည်

သင်္ကြန်ပွဲတော်ကာလအတွင်း မန္တလေးကျုံးလေးပတ်လည်ရှိ အဓိကလမ်းမကြီးများတွင် ရွေ့လျားဈေးရောင်းချမှုအား ကန့်သတ်ထားပြီး ကန့်သတ်ဧရိယာပြင်ပ ရောင်းချလိုသူများအနေဖြင့် စည်ပင်သာယာရေးကော်မတီမှ စနစ်တကျ ခွင့်ပြုချထားပေးသွားမည်ဖြစ်ကြောင်း သိရသည်။

မန္တလေးမြို့ မြန်မာ့ရိုးရာ မဟာသင်္ကြန် ပွဲတော်ကာလအတွင်း ကျုံးမြောက်ဘက် ၁၂ လမ်း၊ ကျုံးအရှေ့ဘက် ၆၆ လမ်း၊ ကျုံးတောင်ဘက် ၂၆ လမ်း၊ ကျုံးအနောက်ဘက်လမ်း ၈၀ စသည့် အဓိကလမ်းမကြီးများ၊ ၆၅ လမ်း နှင့် ၆၆ လမ်းကြားရှိ ၁၄ လမ်းမှ ၂၆ လမ်းအထိ လမ်းများ၊ ၂၆ လမ်းနှင့် ၂၇ လမ်းကြားရှိ ၆၆ လမ်းမှ ၇၈ လမ်းအထိ လမ်းများ၊ ၂၇ လမ်းတစ်လျှောက် ၆၆ လမ်းနှင့် ၇၈ လမ်းကြား စသည့် လမ်းများတွင် ဈေးရောင်းချခြင်းမပြုရန် မန္တလေးမြို့တော် စည်ပင်သာယာရေးကော်မတီက အသိပေးကြေညာထားသည်။

သတ်မှတ်ဧရိယာပြင်ပတွင် ဈေးရောင်းချလိုသူများအနေဖြင့် မန္တလေးမြို့တော် စည်ပင်သာယာရေးကော်မတီသို့ လျှောက်ထားရမည်ဖြစ်ပြီး ရောင်းချသည့် ဈေးသည်များသည် ရွေ့လျားစနစ်ဖြင့် ရောင်းချရမည်ဖြစ်ရာ ငါးပေအကျယ်ရှိသည့် ဆိုင်ခန်းတစ်ခန်းကို ငွေကျပ် ၁၀၀၀၀၊ ရှစ်ပေအကျယ်ရှိသည့် ဆိုင်ခန်း တစ်ခန်းကို ငွေကျပ် ၁၅၀၀၀၊ ရှစ်ပေနှင့် အထက် ဆိုင်ခန်းများကို ငွေကျပ် ၂၀၀၀၀ သတ်မှတ်ထားကြောင်း သိရသည်။

“သင်္ကြန်မှာ ခေါင်းရွက်ဗျပ်ထိုးနဲ့ ရောင်းတဲ့ ဈေးသည်ရှိသလို တွန်းလှည်းနဲ့ရောင်းတဲ့ ဈေးသည်တွေလည်းရှိပါတယ်။ အဲဒီဈေးသည်တွေကို လိုင်စင်လုပ်ပေးမှာဖြစ်ပါတယ်၊ ဘာလိုလိုင်စင်လုပ်ပေးရလဲဆိုရင် စည်းကမ်းသတ်မှတ်ချက်လေးတွေကို သိစေချင်လို့ပါ၊ တစ်နေရာတည်းမှာ စုပြုံပြီး များနေမယ့်အစား ဥပမာ တစ်ပြအတွင်းမှာ ၁၀ ဆိုင်ပဲ ဖွင့်ခွင့်ပေးမယ်ဆိုရင် ၁၀ ဆိုင်ပဲ လိုင်စင်ပေးမှာဖြစ်ပါတယ်” ဟု မန္တလေးမြို့တော် စည်ပင်သာယာရေးကော်မတီဝင် ဦးကျော်ဆန်းမြင့်က ပြောကြားသည်။

ရောင်းချလိုသူများအနေဖြင့် လိုင်စင်လျှောက်ထားရမည်ဖြစ်ကာ ဈေးရောင်းချခွင့် လည်ဆွဲကတ်ပြားများ ထုတ်ပေးသွားမည်ဖြစ်သည်။ ရောင်းချခွင့်ရရှိသော ဈေးသည်များအနေဖြင့် စာရွက်စာတမ်းကြေးအဖြစ် ပေးသွင်းရမည်ဖြစ်ပြီး သတ်မှတ်စည်းကမ်းများအား လိုက်နာ၍ သတ်မှတ်နေရာတွင်သာ ဈေးရောင်းချရမည်ဖြစ်ကြောင်းသိရသည်။

ယခုနှစ်သင်္ကြန်ပွဲတော်ကို လမ်းလျှောက်သင်္ကြန်အဖြစ် ကျုံးအရှေ့ဘက်နှင့် ကျုံးတောင်ဘက်ခြမ်းများတွင် ကျင်းပသွားမည်ဖြစ်ကာ လမ်းလျှောက်သင်္ကြန်ဧရိယာအတွင်း၌ စားသောက်ဖွယ်ရာများ ရောင်းချမည့် တောသင်္ကြန်နေ့ဈေး၊ ညဈေး ဈေးတန်းထည့်သွင်းထားကာ ယင်းဈေးတန်းတွင် ဒေသထွက် အစားအစာများနှင့် မြန်မာ့ရိုးရာ အစားအစာ ရောင်းချသည့် ဆိုင်ခန်းများရှိမည်ဖြစ်ကြောင်း သိရသည်။

Credit: Eleven Media Group