ပြည်တွင်း အိမ်ခြံမြေ သတင်း | Posted by ဇာနည်ကျော်
ရန်ကုန်မြို့ပတ်ရထားလမ်းပိုင်းတွင် ပါဝင်သော အလုံလမ်းဘူတာအနီးရှိ ရထားလမ်းကူးခုံးကျော်တံတားဟောင်းကို ဖျက်ပြီး တံတားသစ်ကို ဧပြီ ၁ ရက်မှစတင်တည်ဆောက်ရန် စီစဉ်နေကြောင်း မြန်မာ့မီးရထားတိုင်း (၇) မှ အထွေထွေမန်နေဂျာ ဦးဇော်လွင်၏ ပြောကြားချက်အရ သိရသည်။
အဆိုပါ အလုံလမ်းဘူတာရုံအနီးရှိ ရထားလမ်းကို ဖြတ်ကျော်ထားသည့် လမ်းကူးခုံးကျော်တံတားသည် အကျယ် ၂၆ ပေ ၆ လက်မသာရှိပြီ ကျဉ်းမြောင်းသဖြင့် မော်တော်ယာဉ်များဖြတ်သန်းရာတွင် သတိပြုဖြတ်သန်းနေရခြင်းနှင့် တံတားအမြင့်မှာလည်း ၁၂ ပေ ၆ လက်မသာရှိသည့်အတွက် ရထားလမ်းမြှင့်မည်ဆိုပါက RBE ရထားများနှင့် မလွတ်သောကြောင့် ရထားလမ်းအဆင့်မြှင့်တင်ခြင်းမပြုနိုင်ဘဲ နှစ်စဉ်ရထားလမ်းရေကျော်ခြင်းတို့ ဖြစ်ပေါ်လျက်ရှိကြောင်း သိရသည်။
ထို့ကြောင့် အလုံရထားလမ်းကူးခုံးကျော်တံတားကို ဧပြီ ၁ ရက်မှစ၍ တံတားဟောင်းကိုဖျက်ပြီး တံတားသစ်ဖြင့် အစားထိုးရာတွင် အကျယ် ၄၄ ပေ၊ လေးလမ်းသွား၊ အမြင့် ၁၆ ပေရှိမည်ဖြစ်သောကြောင့် လာမည့်နှစ်များတွင် မိုးတွင်းကာလရထားလမ်းရေကျော်ခြင်း ကင်းဝေးသွားမည်ဖြစ်ကြောင်း သိရသည်။
ခုံးကျော်တံတားဖျက်နေစဉ်ကာလအတွင်း မော်တော်ယာဉ်များ ဖြတ်သန်းမှုလွယ်ကူစေရေးအတွက် တံတား၏ ဘေးတစ်ဖက်တစ်ချက်၌ လမ်းလွှဲအဖြစ် ဘေလီတံတားနှစ်စင်းကို ယာယီတည်ဆောက်ပေးထားမည်ဖြစ်ပြီး တည်ဆောက်ရေးကို အပိုင်းနှစ်ပိုင်းခွဲထားရာ ပထမပိုင်းမှာ ငါးလခန့်ကြာမြင့်မည်ဖြစ်သည်။
အဆိုပါ ခုံးကျော်တံတားအမျိုးအစားမှာ သံကူကွန်ကရစ်ဘိုးပိုင်း RC Abutment, Pc Grider နှင့် သံကူကွန်ကရစ်ကြမ်းခင်းဖြစ်ပြီး အေ၀မ်းကုမ္ပဏီမှ တာဝန်ယူတည်ဆောက်မည်ဖြစ်ကြောင်း သိရသည်။
Credit: Myawaddy
