အိမ္ျခံစည္းရုိးကာရံဖို႕အေရး ေထာက္ခံခ်က္ေတြ လိုအပ္ေသး

[Zawgyi]

ရန္ကုန္ျမိဳ႕ေတာ္ စည္ပင္သာယားေရးေကာ္မတီျမိဳ႕ျပစီမံကိန္းနွင့္ ေျမစီမံခန္႕ခြဲမႈဌာနတြင္ ေျမငွါးဂရန္ေလွ်ာက္ထားျခင္း၊ ေျမပံုေျမရာဇဝင္ ေရးကူးေပးပါရန္ ေလွ်ာက္ထားျခင္း၊ ေျမတိုင္းတားျခင္းနွင့္ ေျမကြက္အမည္ေျပာင္းျခင္းကိစၥမ်ားကို ေဆာင္ရြက္လ်က္ရွိေၾကာင္း မၾကာေသးမီက ျမန္မာ့အလင္းနွင့္ ေၾကးမံုသတင္းစာတို႕တြင္ ဖတ္လိုက္ရသည္။

ျပည္သူမ်ားအေနျဖင့္ မလိုအပ္ဘဲ ေငြေၾကးကုန္းက်မႈ မရွိေစရန္နွင့္ အခ်ိန္ၾကန္႕ၾကာမႈ မရွိေစရန္ ျမိဳ႕ေတာ္ခန္းမတြင္ ေဆာင္ရြက္ေပးလ်က္ရွိေၾကာင္း သတင္းေကာင္းပါလာသျဖင့္ “ ေရကန္အသင့္ ၾကာအသင့္ ”ျဖစ္သြားသည္။ လြန္ခဲ့ေသာနွစ္က စိတ္ကူးကို ယခုအေကာင္အထည္ေဖာ္ရန္ ဆံုးျဖတ္လိုက္သည္။

ပရိတ္ဆိုသည္မွာ အရံအတားျဖစ္သလို ျခံစည္းရုိးဆိုတာလည္း ထို႕အတူပဲ

“ ပရိတ္ ”ဆိုတာ “ အရံအတား ” ျဖစ္တယ္လို႕ ေတာင္တန္းသာသနာျပဳဆရာေတာ္ “ ဦးဥတၱမသာရ ”၏ ပရိတ္တရားေတာ္တြင္ နာၾကားရဖူးသည္။ထို႕အတူ အိမ္ရွိျပီဆိုလွ်င္လည္း အရံအတားျဖစ္ေအာင္ ျခံစည္းရုိးကာရံဖို႕ လိုအပ္သည္။ ျခံစည္းရုိးေကာင္းမွ လံုျခံဳမႈလည္း ရွိႏိုင္သည္ မဟုတ္လား။ သည္လိုအေတြးေပၚသည္မွာ ၾကာေနျပီ။ ဒီေန႕ေတာ့ အိမ္ျခံစည္းရုိးကာရံဖို႕ ျမိဳ႕ေတာ္ခန္းမသို႕ အေရာက္လွမ္းခဲ့သည္။

နံနက္ (၁၁)နာရီ ျမိဳ႕ေတာ္ခန္းမေရာက္္ေတာ့ စာေရးသူကဲ့သို႕ပင္ မိမိတို႕ပိုင္ဆို္င္သည့္ အိမ္ေျမနွင့္ပတ္သက္၍ ေရာင္းရန္ ၊ ဝယ္ရန္ ၊ ေျမတိုင္းရန္ ၊ ဂရန္သစ္ေလွ်ာက္ရန္ ၊ အမည္ေျပာင္းရန္ ကိစၥမ်ားျဖင့္ လာေရာက္ၾကသည့္ ဧည့္သည္မ်ားမွာ ျမိဳ႕ေတာ္ခန္းမ ေျမညီထပ္တြင္ အထူးသည္ကားလွသည္။ တာဝန္က် စားပြဲခံုအသီးသီးတြင္လည္း ေခါင္းမေဖာ္ႏိုင္ေအာင္အလုပ္ရႈပ္ေနၾကသည္ကို ေတြ႕ျမင္ရသည္။

စာေရးသူလည္း အမ်ားနည္းတူ ျခံစည္းရုိးကာရန္ ေလွ်ာက္လႊာတစ္စံုကို ၂၀၀/- ျဖင့္ ဝယ္လိုက္သည္။ေလွ်ာက္လႊာတြင္ အမည္၊ မွတ္ပံုတင္ ၊ အဘအမည္၊ ေျမတိုင္းရပ္ကြက္ ၊ ေျမကြက္အမွတ္ ၊ ဂရနအမည္ေပါက္ စသျဖင့္လိုအပ္သည္မ်ားကို ျဖည့္သြင္းလိုက္သည္။

ထို႕ေနာက္ မိမိအမည္ေပါက္ အနွစ္ (၆၀) ဂရန္ မိတၱဴတစ္စံု ၊ မိမိ၏မွတ္ပံုတင္ မိတၱဴတစ္စံုတို႕ကို တင္ျပျပီး ျခံစည္းရုိးကာရံဖို႕အတြက္ ေျမပံုထုတ္ေပးရန္ ေလွ်ာက္လႊာတင္လိုက္သည္။

ေလွ်ာက္လႊာတင္ျပီး နာရီဝက္ခန္႕ေစာင့္ရသည္။ ဒီေနာက္မွာေတာ့ အလွည့္က်ေခၚသျဖင့္ စာေရးသူ အလွည့္ေရာက္လာသည္။ မွတ္ပံုတင္မူရင္း ၊ ဂရန္မူရင္းမ်ားကို တုိက္ဆိုင္စစ္ေဆးဖို႕ ေကာင္းသည္။ စာေရးသူလည္း အသင့္ပါလာေသာ မွတ္ပံုတင္ ၊ အနွစ္ (၆၀) ဂရန္မူရင္းတို႕ကို ထုတ္ျပရာ မွန္ကန္မႈ ရွိသျဖင့္ မူရင္မ်ားျပန္ေပးျပီး မိတၱဴမ်ားကို လက္ခံထားသည္။ ေနာက္ဆံုးမွာေတာ့ ဂ၇န္ေျမငွါးခ (၃)လ တစ္ၾကိမ္ထုတ္ ေျပစာကို ေတာင္းသည္။ စာေရးသူ အခက္ေတြ႕သြားသည္။ ေရခြန္ ၊ မီးခြန္လည္း မရွိ ၊ ျမိဳ႕နယ္မွဂရန္ေျမငွါးရမ္းခ လာေရာက္ေကာက္ခံခဲ့ဖူးျခင္းလည္း မရွိေၾကာင္း ေျပာျပေတာ့မွ ျမိဳ႕နယ္ တာဝန္ခံ ဌာနမွဴးက………

“ ဒါဆိုရင္ အစ္ကိုေနတဲ့ ျမိဳ႕နယ္စည္ပင္သာယာေရးအုပ္ခ်ဳပ္ေရးမွဴးရုံးမွာ သြားျပီး ေၾကြးက်န္ကင္းရွင္းေၾကာင္းေထာက္ခံခ်က္သြားယူျပီး ျပန္လာခဲ့ပါ။အခုေတာ့ ေျမပံုကူးေလွ်ာက္တဲ့ အမႈကုိ လက္ခံျပီး အမႈတြဲဖြင့္ေပးပါ့မယ္။ ”

“ ေၾကြးက်န္ကင္းရွင္းေၾကာင္းေထာက္ခံခ်က္ေတာင္းတာေတာ့ ဟုတ္ပါျပီ။ ေၾကြးက်န္ကင္းရွင္းေၾကာင္း ေထာက္ခံခ်က္ နမူနာျပပါ ” လို႕ ေျပာေတာ့ ဌာနစုမွဴးက နမူနာစာရြက္တစ္ရြက္ ထုတ္ျပသည္။ စာေရးသူ ဖတ္လိုက္ရသည့္ ေထာက္ခံခ်က္ကို စာဖတ္သူမ်ားလည္း သိေစလိုသျဖင့္ ကူးယူေဖာ္ျပလိုက္ပါသည္။

ျမိဳ႕နယ္စည္ပင္သာယာ

အုပ္ခ်ဳပ္ေရးမွဴးရုံး

ေျမာက္ဥကၠလာပျမိဳ႕နယ္ စာအမွတ္၊ / /စည္ပင္(မဥ) ရက္စြဲ ၊ ....ခုနွစ္ ၊ ... လ၊ ... ရက္

သို႕

ဌာနမွဴး ျမိဳ႕ျပစီမံကိန္းနွင့္ ေျမစီခံခန္႔ခြဲမႈဌာနအေၾကာင္းအရာ။ ။ေၾကြးက်န္ကင္းရွင္းေၾကာင္း ေထာက္ခံခ်က္။

အထက္ပါ အေၾကာင္းအရာကိစၥနွင့္ ပတ္သက္၍ ေျမာက္ဥကၠလာပျမိဳ႕နယ္ ၊ …………… ရပ္ကြက္ ၊ …………….. လမ္း ၊ အိမ္အမွတ္ ……….ေန ၊ ပစၥည္းခြန္၊ ေျမခြန္း၊ ေၾကြးက်န္ကင္းရွင္းမႈ ေလွ်ာက္ထားသူ “ ဦးေကာင္းေဖ ” မွတ္ပံုတင္အမွတ္ ………………… သည္ ေပါင္းစည္အခြန္ေၾကြးက်န္ကင္းရွင္းေၾကာင္း ေထာက္ခံအပ္ပါသည္။

အုပ္ခ်ဳပ္ေရးမွဴး

စာေရးသူလည္း ဝါမဆိုမီ အျမန္ဆံုးျခံစည္းရုိး ကာရန္လိုသျဖင့္ အထက္ပါေထာက္ခံခ်က္ရရန္ ျမိဳ႕နယ္စည္ပင္သာယာ အုပ္ခ်ဳပ္ေရးမွဴးရုံးသို႕သြား၍ ေတာင္းယူရပါသည္။

အေထာက္အထားအျဖစ္ ဂရန္မိတၱဴနွင့္ ေလွ်ာက္ထားသူ၏ မွတ္ပံုတင္မိတၱဴျပရသည္။ တစ္ရင္ေစာင့္ရသည္။ေနာက္တစ္ေန႕ မနက္တြင္ ေထာက္ခံခ်က္ ရရွိသျဖင့္ ျမိဳ႕ေတာ္ခန္းမသို႕ လာ၍ ေထာက္ခံခ်က္မူရင္းကို ေပးခဲ့သည္။

အိမ္ေျခရင္း ၊ေခါင္းရင္း နွစ္ဦး၏ေထာက္ခံခ်က္ ၊ ရပ္ကြက္အုပ္ခ်ဳပ္ေရးမွဴးေထာက္ခံခ်က္တို႕ လုပ္ေပးရဦးမည္။ ေျမပံုကူးယူခ တစ္ေသာင္းေက်ာ္ ေပးခဲ့ရသည္။ အားလံုးျပည့္စံုမွ ျခံစည္းရုိးတိုင္းေပးမည္။မွန္ကန္ျပည့္စံုလွ်င္ တစ္လခြဲခန္႕ၾကာလွ်င္ေျမပံုရမည္။ ေျမပံုရလွ်င္ ျခံစည္းရိုးကာခြင့္ရျပီဟု သိရသည္။ သို႕မွသာ စိတ္ေအးရေတာ့မည္။

အိမ္ျခံေျမ ကိစၥအဝဝနွင့္ ပတ္သက္၍ ဥပေဒအၾကံေပးပညာရွင္မ်ားနွင့္ ေဆြးေႏြးတိုင္ပင္လိုပါက  iMyanmarHouse.com ၏ ဖုန္းနံပါတ္မ်ားျဖစ္ေသာ  09-966901767, 09-268022352 သို႔ ဆက္သြယ္ႏိုင္ပါသည္။

သုခီ အတၱာနံ ပရိဟႏၱဳ

Credit: လႊတ္ေတာ္ေရွ႕ေန ေမာင္ေကာင္းေဖ

[Unicode]

ရန်ကုန်မြို့တော် စည်ပင်သာယားရေးကော်မတီမြို့ပြစီမံကိန်းနှင့် မြေစီမံခန့်ခွဲမှုဌာနတွင် မြေငှါးဂရန်လျှောက်ထားခြင်း၊ မြေပုံမြေရာဇဝင် ရေးကူးပေးပါရန် လျှောက်ထားခြင်း၊ မြေတိုင်းတားခြင်းနှင့် မြေကွက်အမည်ပြောင်းခြင်းကိစ္စများကို ဆောင်ရွက်လျက်ရှိကြောင်း မကြာသေးမီက မြန်မာ့အလင်းနှင့် ကြေးမုံသတင်းစာတို့တွင် ဖတ်လိုက်ရသည်။

ပြည်သူများအနေဖြင့် မလိုအပ်ဘဲ ငွေကြေးကုန်းကျမှု မရှိစေရန်နှင့် အချိန်ကြန့်ကြာမှု မရှိစေရန် မြို့တော်ခန်းမတွင် ဆောင်ရွက်ပေးလျက်ရှိကြောင်း သတင်းကောင်းပါလာသဖြင့် “ ရေကန်အသင့် ကြာအသင့် ”ဖြစ်သွားသည်။ လွန်ခဲ့သောနှစ်က စိတ်ကူးကို ယခုအကောင်အထည်ဖော်ရန် ဆုံးဖြတ်လိုက်သည်။

ပရိတ်ဆိုသည်မှာ အရံအတားဖြစ်သလို ခြံစည်းရိုးဆိုတာလည်း ထို့အတူပဲ

“ ပရိတ် ”ဆိုတာ “ အရံအတား ” ဖြစ်တယ်လို့ တောင်တန်းသာသနာပြုဆရာတော် “ ဦးဥတ္တမသာရ ”၏ ပရိတ်တရားတော်တွင် နာကြားရဖူးသည်။ထို့အတူ အိမ်ရှိပြီဆိုလျှင်လည်း အရံအတားဖြစ်အောင် ခြံစည်းရိုးကာရံဖို့ လိုအပ်သည်။ ခြံစည်းရိုးကောင်းမှ လုံခြုံမှုလည်း ရှိနိုင်သည် မဟုတ်လား။ သည်လိုအတွေးပေါ်သည်မှာ ကြာနေပြီ။ ဒီနေ့တော့ အိမ်ခြံစည်းရိုးကာရံဖို့ မြို့တော်ခန်းမသို့ အရောက်လှမ်းခဲ့သည်။

နံနက် (၁၁)နာရီ မြို့တော်ခန်းမရောက်တော့ စာရေးသူကဲ့သို့ပင် မိမိတို့ပိုင်ဆိုင်သည့် အိမ်မြေနှင့်ပတ်သက်၍ ရောင်းရန် ၊ ဝယ်ရန် ၊ မြေတိုင်းရန် ၊ ဂရန်သစ်လျှောက်ရန် ၊ အမည်ပြောင်းရန် ကိစ္စများဖြင့် လာရောက်ကြသည့် ဧည့်သည်များမှာ မြို့တော်ခန်းမ မြေညီထပ်တွင် အထူးသည်ကားလှသည်။ တာဝန်ကျ စားပွဲခုံအသီးသီးတွင်လည်း ခေါင်းမဖော်နိုင်အောင်အလုပ်ရှုပ်နေကြသည်ကို တွေ့မြင်ရသည်။

စာရေးသူလည်း အများနည်းတူ ခြံစည်းရိုးကာရန် လျှောက်လွှာတစ်စုံကို ၂၀၀/- ဖြင့် ဝယ်လိုက်သည်။လျှောက်လွှာတွင် အမည်၊ မှတ်ပုံတင် ၊ အဘအမည်၊ မြေတိုင်းရပ်ကွက် ၊ မြေကွက်အမှတ် ၊ ဂရနအမည်ပေါက် စသဖြင့်လိုအပ်သည်များကို ဖြည့်သွင်းလိုက်သည်။

ထို့နောက် မိမိအမည်ပေါက် အနှစ် (၆၀) ဂရန် မိတ္တူတစ်စုံ ၊ မိမိ၏မှတ်ပုံတင် မိတ္တူတစ်စုံတို့ကို တင်ပြပြီး ခြံစည်းရိုးကာရံဖို့အတွက် မြေပုံထုတ်ပေးရန် လျှောက်လွှာတင်လိုက်သည်။

လျှောက်လွှာတင်ပြီး နာရီဝက်ခန့်စောင့်ရသည်။ ဒီနောက်မှာတော့ အလှည့်ကျခေါ်သဖြင့် စာရေးသူ အလှည့်ရောက်လာသည်။ မှတ်ပုံတင်မူရင်း ၊ ဂရန်မူရင်းများကို တိုက်ဆိုင်စစ်ဆေးဖို့ ကောင်းသည်။ စာရေးသူလည်း အသင့်ပါလာသော မှတ်ပုံတင် ၊ အနှစ် (၆၀) ဂရန်မူရင်းတို့ကို ထုတ်ပြရာ မှန်ကန်မှု ရှိသဖြင့် မူရင်များပြန်ပေးပြီး မိတ္တူများကို လက်ခံထားသည်။ နောက်ဆုံးမှာတော့ ဂရန်မြေငှါးခ (၃)လ တစ်ကြိမ်ထုတ် ပြေစာကို တောင်းသည်။ စာရေးသူ အခက်တွေ့သွားသည်။ ရေခွန် ၊ မီးခွန်လည်း မရှိ ၊ မြို့နယ်မှဂရန်မြေငှါးရမ်းခ လာရောက်ကောက်ခံခဲ့ဖူးခြင်းလည်း မရှိကြောင်း ပြောပြတော့မှ မြို့နယ် တာဝန်ခံ ဌာနမှူးက………

“ ဒါဆိုရင် အစ်ကိုနေတဲ့ မြို့နယ်စည်ပင်သာယာရေးအုပ်ချုပ်ရေးမှူးရုံးမှာ သွားပြီး ကြွေးကျန်ကင်းရှင်းကြောင်းထောက်ခံချက်သွားယူပြီး ပြန်လာခဲ့ပါ။အခုတော့ မြေပုံကူးလျှောက်တဲ့ အမှုကို လက်ခံပြီး အမှုတွဲဖွင့်ပေးပါ့မယ်။ ”

“ ကြွေးကျန်ကင်းရှင်းကြောင်းထောက်ခံချက်တောင်းတာတော့ ဟုတ်ပါပြီ။ ကြွေးကျန်ကင်းရှင်းကြောင်း ထောက်ခံချက် နမူနာပြပါ ” လို့ ပြောတော့ ဌာနစုမှူးက နမူနာစာရွက်တစ်ရွက် ထုတ်ပြသည်။ စာရေးသူ ဖတ်လိုက်ရသည့် ထောက်ခံချက်ကို စာဖတ်သူများလည်း သိစေလိုသဖြင့် ကူးယူဖော်ပြလိုက်ပါသည်။

မြို့နယ်စည်ပင်သာယာ

အုပ်ချုပ်ရေးမှူးရုံး

မြောက်ဥက္ကလာပမြို့နယ်

စာအမှတ်၊ / /စည်ပင်(မဥ) ရက်စွဲ ၊ ....ခုနှစ် ၊ ... လ၊ ... ရက်

သို့

ဌာနမှူး မြို့ပြစီမံကိန်းနှင့် မြေစီခံခန့်ခွဲမှုဌာနအကြောင်းအရာ။ ။ကြွေးကျန်ကင်းရှင်းကြောင်း ထောက်ခံချက်။

အထက်ပါ အကြောင်းအရာကိစ္စနှင့် ပတ်သက်၍ မြောက်ဥက္ကလာပမြို့နယ် ၊ …………… ရပ်ကွက် ၊ …………….. လမ်း ၊ အိမ်အမှတ် ……….နေ ၊ ပစ္စည်းခွန်၊ မြေခွန်း၊ ကြွေးကျန်ကင်းရှင်းမှု လျှောက်ထားသူ “ ဦးကောင်းဖေ ” မှတ်ပုံတင်အမှတ် ………………… သည် ပေါင်းစည်အခွန်ကြွေးကျန်ကင်းရှင်းကြောင်း ထောက်ခံအပ်ပါသည်။

အုပ်ချုပ်ရေးမှူး

စာရေးသူလည်း ဝါမဆိုမီ အမြန်ဆုံးခြံစည်းရိုး ကာရန်လိုသဖြင့် အထက်ပါထောက်ခံချက်ရရန် မြို့နယ်စည်ပင်သာယာ အုပ်ချုပ်ရေးမှူးရုံးသို့သွား၍ တောင်းယူရပါသည်။

အထောက်အထားအဖြစ် ဂရန်မိတ္တူနှင့် လျှောက်ထားသူ၏ မှတ်ပုံတင်မိတ္တူပြရသည်။ တစ်ရင်စောင့်ရသည်။နောက်တစ်နေ့ မနက်တွင် ထောက်ခံချက် ရရှိသဖြင့် မြို့တော်ခန်းမသို့ လာ၍ ထောက်ခံချက်မူရင်းကို ပေးခဲ့သည်။

အိမ်ခြေရင်း ၊ခေါင်းရင်း နှစ်ဦး၏ထောက်ခံချက် ၊ ရပ်ကွက်အုပ်ချုပ်ရေးမှူးထောက်ခံချက်တို့ လုပ်ပေးရဦးမည်။ မြေပုံကူးယူခ တစ်သောင်းကျော် ပေးခဲ့ရသည်။ အားလုံးပြည့်စုံမှ ခြံစည်းရိုးတိုင်းပေးမည်။မှန်ကန်ပြည့်စုံလျှင် တစ်လခွဲခန့်ကြာလျှင်မြေပုံရမည်။ မြေပုံရလျှင် ခြံစည်းရိုးကာခွင့်ရပြီဟု သိရသည်။ သို့မှသာ စိတ်အေးရတော့မည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။

သုခီ အတ္တာနံ ပရိဟန္တု

Credit: လွှတ်တော်ရှေ့နေ မောင်ကောင်းဖေ