တိုယိုတာ ကုမ္ပဏီက ဒေါ်လာ ၁၀ ဘီလီယံ သုံးစွဲကာ ဆောက်လုပ်ထားသော အနာဂတ်မြို့သစ်ကြီးတွင် နည်းပညာသစ်များကို စမ်းသပ်သွားမည်ဖြစ်ရာ နေထိုင်မည့်သူများ ခေါ်ယူလျက်ရှိ

အနာဂတ်သည် တရားဝင် ရောက်ရှိလာခဲ့ပြီ ဖြစ်သည်။

အနာဂတ်၏ အစိတ်အပိုင်းတစ်ရပ်အဖြစ် ပါဝင်ရန် တိုယိုတာက သင့်အား ဖိတ်ခေါ်နေသည်။

ကမ္ဘာ့ထိပ်သီး ကားကုမ္ပဏီကြီး တိုယိုတာက Woven City အမည်ရှိ အနာဂတ်ဆန်သော မြို့သစ်ကြီးကို ကန်ဒေါ်လာ ၁၀ ဘီလီယံ သုံးစွဲကာ ဂျပန်နိုင်ငံ ရှိဇုအို့ကမြို့တွင် ဆောက်လုပ်ထားသည်။

တီထွင် ဆန်းသစ်မှုများစွာကို အခြေပြုထားပြီး အနာဂတ်နည်းပညာနှင့် ထိတွေ့ရန် အခြေချ နေထိုင်မည့်သူများ ရှာဖွေနေသည်။

ယခုမြို့သစ် စီမံကိန်းကို လွန်ခဲ့သော ၅ နှစ်ကတည်းက ချပြထားခဲ့ခြင်းဖြစ်ပြီး ယခုအခါ ဆောက်လုပ်ပြီးစီးသွားပြီဖြစ်ကြောင်း ၂၀၂၅ ကုန်စည်ပြပွဲ CES 2025 တွင် တိုယိုတာ၏ ဥက္ကဌ Akio Toyoda က ပြောသည်။

မြို့သစ်အကျယ်အဝန်းမှာ ၁၂ ဧကရှိပြီး သက်ရှိဓာတ်ခွဲခန်းဟု တင်စားထားသည်။ မြို့သစ်တွင် နေထိုင်သူတို့မှာ မြို့ပြနေထိုင်မှု စဉ်ဆက်မပြတ် ဖွံ့ဖြိုးမှု အစရှိသည်တို့နှင့် စပ်လျဉ်းသည့် နည်းပညာသစ်များကို စမ်းသပ်မည့်သူများ ဖြစ်လာမည်ဖြစ်သည်။

(သက်ရှိ ဓာတ်ခွဲခန်းဟု အမည်ပေးထားသော မြို့သစ်မှာ နောက်ဆုံးပေါ် နည်းပညာများကို လက်တွေ့ကမ္ဘာတွင် စမ်းသပ်ရန် ဆောက်လုပ်ထားခဲ့ခြင်းဖြစ်ပြီး နေထိုင်မည့်သူတို့မှာ အဆိုပါ စမ်းသပ်ချက်တွင် မိမိတို့၏ စိတ်ဆန္ဒအလျောက် ပါဝင်မည့်သူများ ဖြစ်လာမည် ဖြစ်သည်။ ဓာတ်ပုံ-Jam Press)

“Woven City ဟာ နေထိုင်၊ အလုပ်လုပ်၊ ဆော့ကစားတဲ့ နေရာတစ်ခုဆိုတာထက် ပိုပါတယ်။ ဒီနေရာဟာ ထုတ်ကုန်နဲ့ စိတ်ကူးသစ်အားလုံးကို တီထွင် ထုတ်လုပ်နိုင်တဲ့နေရာ ဖြစ်ပါတယ်”ဟု Toyoda က ပြောသည်။

စီမံကိန်း ပထမဆင့်ကို ယခုဆောင်းတွင်းတွင် စတင်ရန် စီစဉ်ထားပြီး ကနဦး နေထိုင်မည့်သူ ၁၀၀ ဝန်းကျင်ခန့် ရှိမည် ဖြစ်သည်။

အဓိကအားဖြင့် Toyota ကုမ္ပဏီ၏ ဝန်ထမ်းများနှင့် ၎င်းတို့၏ မိသားစုဝင်များ ပြောင်းရွှေ့နေထိုင်ကြမည် ဖြစ်သည်။

နောက်ပိုင်းတွင် အခြားသူများကိုပါ နေထိုင်ခွင့်ပေးရန် စီစဉ်ထားပြီး စီမံကိန်း တိုးတက်လာသည်နှင့်အမျှ လူဦးရေ ၂၀၀၀ အထိ နေထိုင်လာရန် စီစဉ်ထားသည်။

(တိုယိုတာ၏ ဥက္ကဌ Akio Toyoda က မြို့သစ်ကြီး ပြီးစီးကြောင်းကို CES 2025 တွင် ထုတ်ဖော်ကြေညာ ခဲ့သည်။ ဓာတ်ပုံ-Getty Images)

(အလိုအလျောက် မောင်းနှင်စနစ်သုံး မော်တော်ကားများမှသည် စွမ်းအင်သုံးစွဲမှု နည်းပါးသော နည်းပညာများ အထိ Daikin,NISSIN,UCC Japan တို့ကဲ့သို့ ကုမ္ပဏီများ၏ နည်းပညာများ စမ်းသပ်ရန် နေရာတစ်ခု ဖြစ်လာ မည် ဖြစ်သည်။ ဓာတ်ပုံ-Jam Press)

(“Woven City ဟာ နေထိုင်၊ အလုပ်လုပ်၊ ဆော့ကစားတဲ့ နေရာတစ်ခုဆိုတာထက် ပိုပါတယ်။ ဒီနေရာဟာ ထုတ်ကုန်နဲ့ စိတ်ကူးသစ်အားလုံးကို တီထွင် ထုတ်လုပ်နိုင်တဲ့နေရာ ဖြစ်ပါတယ်”ဟု Toyoda က ပြောသည်။ဓာတ်ပုံ-Jam Press)

(စီမံကိန်း ပထမဆင့်ကို ယခုဆောင်းတွင်းတွင် စတင်ရန် စီစဉ်ထားပြီး ကနဦး နေထိုင်မည့်သူ ၁၀၀ ဝန်းကျင်ခန့် ရှိမည် ဖြစ်သည်။ အဓိကအားဖြင့် Toyota ကုမ္ပဏီ၏ ဝန်ထမ်းများနှင့် ၎င်းတို့၏ မိသားစုဝင်များ ပြောင်းရွှေ့ နေထိုင်ကြမည် ဖြစ်သည်။ ဓာတ်ပုံ-Jam Press)

(စီမံကိန်း ပထမဆင့်တွင် လူဦးရေ ၃၆၀ နေထိုင်မည်ဖြစ်ပြီး နောက်ပိုင်းတွင် ၂၀၀၀ ဦးခန့်အထိ နေထိုင်နိုင်ရန် မျှော်မှန်းထားသည်။ ဓာတ်ပုံ-Jam Press)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Toyota opens doors to $10B ‘City of the Future’ — and they’re recruiting residents Photo Credit-Jam Press